ڈیرن ارونوسکی اور مکی رورک ’گولڈن لوائن‘ ایوارڈ کے ہمراہ

اور ’سنہرے شیر‘ کو حاصل کرنے کے لیے جاپانی ہدایتکاروں ٹکیشی یٹانو اور ہیاؤ میاساکی کو فیورٹ قرار دیا جا رہا تھا۔ تاہم یہ اعزاز ارونوسکی کی فلم کے حصے میں آیا۔

’ریسلر‘ ایک پہلوان کی کہانی ہے اور اس میں اداکار مکی رورک نے مرکزی کردار ادا کیا ہے۔ رورک کی شاندار کارکردگی کی بناء پر انہیں بہترین اداکار کے آسکر ایوارڈ کے لیے بھی ایک مضبوط امیدوار قرار دیا جا رہا ہے۔ فلمی میلے کے دوران ناظرین اور ناقدین دونوں نے ہی اس فلم کو بہت سراہا تھا۔

وینس فلم فیسٹیول میں بہترین ہدایتکار کا اعزاز روس کے ایلکسی جرمن جونیئر نے اپنی فلم ’پیپر سولجر‘ کے لیے حاصل کیا۔ فلمی میلے میں اٹلی کے سلویو اورلینڈو کو بہترین اداکار جبکہ اٹلی کی ہی ڈومینک بلانک کو بہترین اداکارہ کا ایوارڈ دیا گیا۔

گیارہ دن تک جاری رہنے والے وینس فلمی میلے میں اس برس اکیس فلمیں شریک تھیں۔ وینس فلم فیسٹیول میں اس برس ترکی اور ایتھوپیا جیسے ممالک بھی فلمیں آئی تھیں۔