ہیلن کو اس فلم میں اداکاری پر آسکر کےلیئے نامزد کیا جائے

کہا جارہا ہے کہ ہیلن کو اس فلم میں متاثر کن اداکاری پر آسکر کےلیئے نامزد کیا جائے گا۔

فلم کی کہانی 1997 میں شہزادی ڈیانا کی ہلاکت کے بعد پیدا ہونے والے حالات و واقعات کے گرد گھومتی ہے۔ فلم میں دکھایا گیا ہے کہ اس واقعے کے حوالے سے ملکہ الزبتھ اور وزیر اعظم ٹونی بلیئر میں اختلافات پائے جاتے تھے۔

سٹیفن فیئرز کی اس فلم کے مطابق ڈیانا کی موت اور اس پر عوام کے شدید رنج و غم نے ملکہ برطانیہ کے لیئے کئی طرح کے خدشات کو جنم دیا۔ جس کے باعث انہیں تخت و تاج چھوڑنے پر بھی غور کرنا پڑا۔

61 سالہ ہیلن کو ٹی وی کی ایک منی سیریل میں کوئین الزبتھ اول کا کردار ادا کرنے پر حال ہی میں ایمی ایوارڈ دیا گیا ہے۔

فلم میں شاہی خاندان کے اند در پردہ پیش آنے والے ممکنہ حالات اور ذہنی کیفیات کے سین شامل ہیں۔ اس برطانوی فلم میں مائیکل شین نے ٹونی بلیئر کا کردار ادا کیا ہے۔

فلم میں شہزادہ چارلس، شہزادہ فلپ، ملکہ برطانیہ کی والدہ اور شیری بلیئر کے کردار بھی موجود ہیں۔

ملکہ برطانیہ کی پرانی فلمبند کی گئی رپورٹوں کی مدد سے ہیلن نے کئی سین مہارت کے ساتھ ادا کیئے ہیں۔

فلم میں کہا گیا ہے کہ ڈیانا کی موت پر رد عمل ظاہر کرنے کے حوالے سے بلیئر اور ملکہ برطانیہ میں اختلاف پایا جاتا تھا۔

ہیلن مرین کا کہنا ہے کہ فلم کا سکرپٹ ’جادوئی‘ تھا اور ان کے یہ کردار ادا کرنے کے لیئے پرکشش ثابت ہوا۔ تاہم ان کا کہنا تھا کہ ’اگر ملکہ برطانیہ نے کسی بھی طرح یہ محسوس کیا کہ میں نے یہ کردار ادا کرتے ہوئے انہیں مایوس کیا ہے تو میرے لیئے یہ بہت بڑا دھچکا ہوگا‘۔