ہیرسن فورڈ اس فلم میں بھی پروفیسر کا کردار ادا کر رہے ہیں

انڈینا جونز سلسلے کی آخری فلم کے انیس سال بعد بنائی جانے والی اس فلم ’دی کنگڈم آف دی کرسٹل سکل‘ شمالی امریکہ میں جمعرات کو نمائش کے لیے پیش کی گئی۔ کینز کے فلمی میلے میں اس فلم پر ملے جلے تبصرے کیئے گئے۔

توقع کی جاری رہی ہے کہ امریکہ کے میوریل ڈے کے ویک اینڈ پر نمائش کے لیے پیش کی جانے والی فلموں میں دوسری سب سے کامیاب فلم ثابت ہو گی۔

اس فلم میں مشہور اداکار ہیرسن فورڈ چھنٹا لہرانے والے پروفیسر کا کردار دھرا رہے ہیں جبکہ ان کے ساتھ کیٹ بانشٹ اور شیا لابیوف ادارکاری کے جوہر دکھا رہے ہیں۔

فلم کے ڈسٹریبیوٹر پیراماونٹ کا خیال ہے کہ پیر کے روز امریکہ میں چھٹی ہے اور اس دن یہ فلم مزید دو کروڑ پچاس لاکھ ڈالر کا کاروبار کرے گی۔