برٹنی سپئیرز نے ایک ڈاکٹر کے کلینک میں ایبی نامی خوش مزاج رسپشونسٹ کا کردار ادا کر رہیں ہے

ٹی وی شو ’ہاؤ آئی میٹ یور مدر‘ کی ایک قسط میں برٹنی سپئیرز نے ایک ڈاکٹر کے کلینک میں ایبی نامی خوش مزاج رسپشونسٹ کا کردار ادا کیا تھا۔ برٹنی کے شو پر آنے کی وجہ سے اس قسط کو تقریباً تین ملین اضافی ناظرین نے دیکھا۔

ٹی وی شو کی نئی قسط کی فلمنگ اس ہفتے ہوگی اور اس کو بارہ مئی کو نشر کیا جائے گا۔

اس شو کے ایک پروڈیوسر کریگ تھامس نے کہا ہے کہ شو کی پوری ٹیم برٹنی کے دوبارہ ان کے ساتھ کام کرنے پر بہت خوش ہے۔

برٹنی سپیئرز نے بھی اس شو پر کام کرنے کے تجربے کے بارے میں کہا ہے کہ یہ بہت ہی اچھا رہا۔ ان کی شو میں اداکاری کی کافی تعریفیں ہوئی تھیں۔ حال میں برٹنی سپیئرز کی ذاتی زندگی کے مسائل کو اخبارات اور میڈیا میں کافی اچھالا گیا تھا۔

برٹنی سپیئرز کے اس چھوٹے سے ٹی وی کردار کو دوبارہ ادا کرنے سےیہ قیاس ارائیاں شروع ہو گئی ہیں کہ وہ اب ٹی وی میں زیادہ کام کریں گی۔ دو ماہ پہلے وہ مقبول ٹی شو ’وِل اینڈ گریس‘ میں بھی ایک مہمان کردار کے طور پر آئی تھیں اور اس میں بھی ان کی اداکاریی کی کافی تعریف کی گئی تھی۔