 | | | ہیری پوٹر اینڈ فلاسفرز سٹون آمدنی کے لحاظ سے ٹائٹینک کے بعد دوسری بڑی فلم ہے |
ہیری پوٹر فلم سیریز جیمز بانڈ اور سٹار وار جیسی فلم سیریز کو پیچھے چھوڑتے ہوئے باکس آفس کی تاریخ میں سب سے زیادہ آمدنی حاصل کرنے والی فلم سیریز بن گئی ہے۔ ہیری پوٹر سیریز کی پانچ فلموں نے چار ارب سینتالیس کروڑ ڈالر کمائے جبکہ جاسوسی کہانیوں پر مبنی جیمز بانڈ سیریز کی بائیس فلموں کی مجموعی آمدنی چار ارب چوالیس کروڑ ڈالر تھی۔ سٹار وار سیریز کی چھ فلموں کی آمدنی چار ارب تیئس کروڑ ڈالر رہی۔ ہیری پوٹر سیریز کی ابھی دو فلمیں آنا باقی ہیں۔ ان میں سے ایک اگلے برس جبکہ دوسری سال دو ہزار دس میں سینما گھروں میں نمائش کے لیے پیش کی جائے گی۔
| بیس بڑی فلموں میں شامل  ہیری پوٹر سیریز کی تمام پانچ فلمیں آمدنی کے لحاظ سے دنیائے فلم کی بیس بڑی فلموں کی فہرست میں شامل ہیں  |
ہیری پوٹر سیریز کی تمام پانچ فلمیں آمدنی کے لحاظ سے دنیائے فلم کی بیس بڑی فلموں کی فہرست میں شامل ہیں۔ اس سیریز کی حالیہ فلم ’آرڈر آف دی فینکس‘ نے نو سو بیس ملین ڈالر کمائے۔ہیری پوٹر سیریز کے تقسیم کار ادارے وارنر برادرز کے ڈین فیلمین کا کہنا ہے کہ ’ہیری پوٹر سیریز کا لاثانی ہوجانا یقیناً ایک شاندار بات ہے اور ابھی دو فلمیں آنا باقی ہے، جس سے اندازہ لگایا جا سکتا ہے کہ موجودہ دہائی کے اختتام پر یہ کن بلندیوں پر پہنچ جائے گی۔‘ رواں سال کے آغاز میں بانڈ سیریز کی فلم ’کسینو ریال‘ برطانیہ میں باکس آفس پر کامیاب ہونے والی ٹاپ ٹین فلموں میں سرفہرست تھی، لیکن فلم ’ہیری پوٹر اینڈ فلاسفرز سٹون‘ نے دیکھتے ہی دیکھتے اسے پیچھے چھوڑ دیا اور اب آمدنی کے لحاظ ’ٹائٹینک‘ کے بعد دوسری بڑی فلم ہے۔ | 
قطرینہ اور کرینہ کی دوستی
