کیون سے برٹنی سپیئر نے دوسری شادی کی تھی۔

چوبیس سالہ برٹنی کے شوہر رقاص اور گلوکار کیون فیڈرلین نے لاس اینجلس کی ایک عدالت کو درخواست دیتے ہوئے مطالبہ کیا ہے کہ بچے ان کے حوالے کیے جائیں۔

اس سے پہلے برٹنی نے طلاق کے لیے درخواست دیتے ہوئے کہا تھا کہ ان کے کیون سے ناقابل حل اختلافات پیدا ہوگئے ہیں۔ ان کا کہنا تھا کہ وہ اپنے بیٹوں ایک سالہ شان پریسٹن اور نومولود جیڈن جیمز کو اپنی نگرانی میں رکھنا چاہتی ہیں۔

اٹھائیس سالہ کیون نے بچوں کی نگرانی کے علاوہ مالی امداد کے لیے بھی درخواست دی ہے۔ ان کے وکیل کے مطابق کیون بچوں کو اپنے پاس رکھنا چاہتے

مختصر شادی  بچپن کے دوست جیسن الیگزنڈر کے ساتھ برٹنی سپیئر کی شادی صرف پچپن گھنٹے چلی۔

کیون اور برٹنی سال دو ہزار چار میں رشتہ ازدواج میں منسلک ہوئے تھے۔ یہ برٹنی کی دوسری شادی تھی۔ اس سے قبل انہوں نے بچپن کے دوست جیسن الیگزنڈر سے بیاہ رچایا تھا جو صرف پچپن گھنٹے بعد طلاق پر ختم ہوا۔

کیون فیڈرلین برٹنی سپیئر کی سٹیج پرفارمنس کے دوران ان کے پیچھے ناچنے والے گروپ میں شامل ایک رقاص تھے۔ اس سے پہلے وہ مائیکل جیکسن اور جسٹن ٹمبرلیک کے ساتھ بھی پرفارم کرتے رہے۔