اپنے عالمی دورے کے سلسلے میں برٹنی سپیئرز اس سال کے آخر میں بیجنگ اور شنگھائی میں پانچ کنسرٹس کریں گی۔

لیکن برٹنی کی شہرت کے ایک سبب یعنی جنسی نقطۂ نگاہ سے ان کے تصور نے کمیونسٹ حکومت کو تشویش میں مبتلا کر دیا تھا۔

گلوکارہ برٹنی کے ترجمان اس صورتِ حال پر تبصرے کے لئے دستیاب نہیں تھے۔

چائنا نیوز سروس کے مطابق چین میں ثقافت کے شعبے سے متلق اہلکاروں نے برٹنی کی کنسرٹس کے منتظمین سے کہا ہے کہ وہ اس بات کی ضمانت دیں کہ برٹنی سپیئرز جسم کی زیادہ نمائش نہیں کریں گی۔

لیکن یہ ابھی تک معلوم نہیں کہ جسم کی نمائش کے لئے انسپکٹرز کیا معیار مقرر کریں گے اور ان کا نفاذ کیسے ہوگا۔

پہلے ہی، برٹنی کے54 ملین ریکارڈ البم فروخت ہو چکے ہیں اور وہ چین میں اپنی صلاحیتیوں کے جوہر دکھانے والی پہلی بین الاقوامی پوپ سنگر بن جائیں گی۔

گزشتہ برس ’رولنگ سٹونز‘ نے چین میں کنسرٹ کرنے سے یہ کہہ کر انکار کر دیا تھا کہ وہاں شو کرنا بہت مشکل اور پیچیدہ ہے۔