بیشتر ممالک نے گانے کے دوران اس انداز میں صلیب کے استعمال پر تنقید کی ہے

میڈونا اپنے کانسرٹس کے سلسلے میں کئی ممالک کے دورے پر ہیں اور بیشتر ممالک میں گانے کے دوران اس انداز میں صلیب کے استعمال پر تنقید کی گئی ہے۔

اپنے ایک گانے ’لیو ٹُو ٹیل‘ کے دوران انہوں نے خود کو شیشے سے بنی ایک صلیب پر لٹکایا گی اور کانٹوں سے بنا تاج سر پر پہنا۔

اتوار کو وہ روم میں ویٹیکن سے محض چند کلو میٹر کی مسافت پر واقع اولپمک سٹیڈیم ڈیزلڈورف میں تقریبا پچھہتر ہزار افراد کے سامنے اپنے فن کا مظاہرہ کریں گی جس کے بعد ان کا رخ برطانیہ کی طرف ہوگا۔

میڈونا کا کہنا ہے کہ یہ گانا امداد کے لیئے ایک اپیل کا حصہ ہے تاہم مذہبی حلقوں نے اس پر کڑی تنقید کی ہے۔ کیتھولک پادریوں کا کہنا ہے کہ ان کے اس عمل سے مذہب کی توہین کا پہلو نکلتا ہے۔

پوپ بینیڈکٹ کے ایک مشیر کارڈینل ارسیلیو تونینیو میڈونا کے اس عمل کی مخالفت کرنے والوں میں سرفہرست ہیں اور ان کے مطابق ’میڈونا کی پوپ کے شہر میں پرفارمنس اور ان کا یہ عمل توہین مذہب اور تاج کی بے حرمتی ہے‘۔

روم میں یہودی اور مسلمان رہنماؤں نے بھی تصلیب کی اس طرح سے نقل اتارنے کے عمل کی مذمت کی ہے۔ میڈونا کے ترجمان نے تنقید کے جواب میں پوپ بینی ڈکٹ کو میڈونا کی پرفارمنس کو بذات خود دیکھنے کی دعوت دی ہے۔ ان کے مطابق پوپ اس شو میں میڈونا کی پرفارمنس سے یقینًا محظوض ہوں گے اور انہیں سراہیں گے۔

ایسا پہلی مرتبہ نہیں ہے کہ کیتھولک پاپ سٹار میڈونا پر کیتھولک فرقے کی جانب سے تنقید کی جا رہی ہے۔ 1989 میں بھی ان کے ایک گانے ’لائیک اے پرئیر‘ کی وجہ سے ان پر تنقید کی گئی تھی۔