ریحانہ بستی والا بی بی سی اردو ڈاٹ کام، ممبئی

	ششی کو یقین ہے کہ یہ فلم پاکستان اور بھارت کے سنیما گھروں میں بلا روک ٹوک دکھائی جائے گی

ششی رنجن اس فلم کے مشترکہ فلمساز ہونے کے ساتھ ساتھ فلم کے ہدایت کار بھی ہوں گے۔

ششی کا کہنا ہے کہ گزشتہ برس وہ پاکستان گئے تھے ۔انہیں اس بات کا احساس ہوا کہ وہاں بھارتی فلموں کی کافی مانگ ہے۔ ’کیونکہ دونوں ممالک کی تہذیب اور ثقافت ملتی جلتی ہے‘ فرق اگر ہے تو صرف یہ کہ بھارت فلمسازی کے میدان میں پاکستان سے کافی آگے نکل چکا ہے ۔پاکستان کی فلم انڈسٹری کو بہتر بنانے کے لئے ضروری ہے کہ دونوں ممالک میں فلمیں مشترکہ طور پر بنیں اور دونوں ممالک میں ایک ساتھ ان کی نمائش ہو اس سے پاکستانی فلم انڈسٹری کی ترقی اور اس کا مسقبل روشن ہوگا‘۔

ششی کا کہنا تھا کہ ’حالانکہ یش چوپڑہ اور مہیش بھٹ جیسے فلمساز پاکستان گئے، وہ بھی اپنی فلموں کی پاکستان میں نمائش چاہتے ہیں لیکن مشترکہ فلمسازی کی جانب یہ ہمارا پہلا قدم ہے‘۔

صائمہ جو اس وقت ممبئی میں ہیں ، اپنے اس اقدام سے بہت خوش ہیں ان کا کہنا تھا کہ کبھی نہ کبھی کسی کو تو یہ قدم اٹھانا تھا اور انہیں خوشی ہے کہ وہ اس میں کامیاب ہوئیں۔

	اداکارہ صائمہ پاکستانی فلم ’لڑکی پنجابن‘ میں

بومن ایرانی کی سکریٹری سلیجا نے اس بات کی تصدیق کی کہ ’منگی لال راکس‘ کے لیئے بومن ایرانی سے بات چیت جاری ہے لیکن ابھی حتمی فیصلہ نہیں ہوا ہے۔ ششی کا کہنا ہے کہ پاکستان سے بھی دو اہم فنکار لیئے جائیں گے۔ ششی نے واضح کیا کہ موسیقی کے لیئے وہ پاکستان کے فنکاروں کا انتخاب کریں گے۔ ان کا کہنا ہے ’پاکستان میں اچھے فنکار موجود ہیں بس انہیں ایک اچھے پلیٹ فارم کی ضرورت ہے‘۔

فلم کی شوٹنگ ممبئی، دبئی اور ماریشیس میں ہوگی ۔ایک گیت اسلام آباد میں فلمایا جائے گا کیونکہ ششی کے مطابق اسلام آباد ایک بہت خوبصورت شہر ہے ۔ششی کو یقین ہے کہ ان کی اور صائمہ کی یہ فلم پاکستان اور بھارت کے سنیما گھروں میں بلا روک ٹوک دکھائی جائے گی ۔