 | | | مرحوم دس برس پہلے تک 300 فلموں میں کام کر چکے تھے |
پاکستان کے معروف اداکار محمد علی اتوار کو لاہور میں انتقال کر گئے ۔ ان کی عمر انہتر برس تھی۔ وہ کچھ عرصے سے گردوں کے عارضے میں مبتلا تھے اور ان کا ہفتے میں دو بار ڈائلیسِس کیا جاتا تھا۔ محمد علی کا جسد خاکی پیر کی صبح تک کے لیے سرد خانے بھجوا دیا گیا۔ ان کی تدفین کا انتظام ان کی بیٹی کی لاہور آمد کے بعد کیا جائے گا۔ | | | زیبا اپنی بیٹی ثمینہ(دائیں جانب) کے ساتھ |
محمد علی کی اپنی کوئی اولاد نہیں تھی لیکن ان کی بیگم زیبا جب ان سے بیاہی گئیں تو وہ ایک بیٹی کی ماں تھیں جنہیں محمد علی نے باپ بن کر پالا۔ محمد علی نے اپنے کیرئر کا آغاز ریڈیو پاکستان حیدرآباد، سندھ سے کیا۔ ان کے والدین تقسیم ہند کے بعد وہاں آکر آباد ہو گئے تھے۔ ان کی بھرپور آواز نے انہیں ایک بہترین براڈکاسٹر کی حیثیت سے منوایا اور انہیں فلمی دنیا تک پہنچانے میں بھی ان کی آواز نے ہی اہم کردار ادا کیا۔ | | | محمد علی(دائیں) صحافی قمر احمد(بائیں) اور ان کے بھائی کے ساتھ انیس سو اڑتالیس میں |
مرحوم نے انیس سو باسٹھ میں فِلم ’چراغ جلتا رہا‘ سے فلمی کیرئر کا آغاز کیا اور جلد ہی ان کا شمار ملک کے معروف فلمی اداکاروں میں کیا جانے لگا۔انہوں نے درجنوں فلموں میں بحیثیت ہیرو کے کام کیا۔ ان کی فلموں کی زیادہ تر ہیروئن ان کی بیگم زیبا تھیں۔ انہوں نے 300 فلموں میں اداکاری کے جوہر دکھائے۔ محمد علی زندگی سے بھرپور انسان تھے اور عوامی محلفوں اور تقربیات کو پسند کرتے اور ان میں شرکت کرتے تھے۔ گزشتہ پندرہ سال سے وہ اپنا خیراتی ادارہ چلا رہے تھے اور کافی عرصے سے بیمار بھی تھے۔ | 
لالی وڈ کی کہانی: اور پھرٹی وی آگیا!
محمد علی کا بی بی سی اردو سے یادگار انٹرویو
