نادیہ پرویز بی بی سی اردو ڈاٹ کام، دِلی

	سلمان خان کو غیر قانونی شکار کے جرم میں قید کی سزا سنائی گئی تھی۔

ان لوگوں پر 1998 میں کنکنی گاؤں میں دو نایاب کالے ہرنوں کا غیر قانونی شکار کرنے کاالزام ہے۔

پیر کے روز سلمان خان سمیت سبھی ملزم جودھ پور کی عدالت میں پیش ہوئے۔
اس معاملے میں اہم ملزم سلمان خان ہیں جن پر جنگلوں کی حفاظت کے لئے بنائے گئے قانون کی خلاف ورزی کرنے کا الزام عائد کیا گیا ہے۔ اس قانون کے تحت کالے ہرن کا شکار غیر قانونی ہے۔

فرد جرم کے مطابق اس وقت سلمان خان کے ساتھ تبو، نیلم، سیف علی خان اور سونالی بیندرے موجود تھے۔

یہ معاملہ اس وقت کا ہے جب سات برس قبل یہ تمام اداکار جودھپور میں فلم ساز اور ہدایتکار سورج برجاتیہ کی فلم ’ہم ساتھ ساتھ ہيں‘ کی شوٹنگ کر رہے تھے۔

سلمان خان کو گزشتہ دنوں ایسے ہی ایک دیگر معاملے میں جودھپور کی ایک ذیلی عدالت نے ایک سال کی سزا سنائی ہے۔

گزشتہ کئی برسوں سے سلمان خان اپنی فلموں سے زیادہ اس طرح کے معاملوں کے سبب خبروں میں بنے ہوئے ہیں۔

غیر قانونی شکار کے علاوہ ان پر ایک حادثے میں ممبئی میں بھی مقدمہ چل رہا ہے جس میں الزام کے مطابق اپنی گاڑی فٹ پاتھ پر سوئے بعض افراد گاڑی چڑھا دی تھی اور حادثے کے بعد وہاں سے فرار ہو گئے تھے، اس واقعہ میں ایک شخص کی موت ہو گئی تھی۔

دوسری طرف سیف علی خان کے والد اور ہندوستان کی کرکٹ ٹیم کے سابق کپتان منصور علی خان پٹودی پر ہریانہ کے جھجھر علاقے میں اپنے ساتھیوں کے ساتھ غیر قانونی شکار کرنے کےالزام میں مقدمہ درج ہے۔