صلاح الدین
بی بی سی اردو ڈاٹ کام، دلی |  |
| | | فلم کی کہانی فادر ڈومنک امینیویل نے لکھی ہے |
ممبئی میں ایک رومن کیتھولک چرچ نے پہلی بار بالی وڈ کے ساتھ مل کر ایک سماجی فلم بنائی ہے جس میں غیر محفوظ سیکس اور مذہبی رواداری جیسے اہم موضوعات پر بات کی گئی ہے۔ اس فلم کا نام ہے ’ایسا کیوں ہوتا ہے؟‘ یہ فلم جمعہ کو ریلیز کی گئی۔ فلم ’ایسا کیوں ہوتا ہے‘ کی کہانی فادر ’ڈومنک امینیویل‘ نے لکھی ہے۔ ان کا کہنا ہے کہ چرچ نے یہ فلم اس لیے بنائی کیونکہ ہندوستان میں اخلاقی قدریں ختم ہوتی جارہی ہیں اور ایڈز جیسی مہلک بیماری تیزی سے پھیل رہی ہے۔ رومن کیتھولک چرچ کو ان تمام چیزوں پر تشویش لاحق ہے۔ فلم میں غیر محفوظ جنسی تعلقات کے بارے میں بات کی گئی ہے اور مختلف مذاہب کے ماننے والوں کو رواداری اور اعتدال پسندی کا پیغام دیا گیا ہے۔ بھارت میں یوں تو ہندوؤں اور مسلمانوں کے درمیان فرقہ وارنہ فسادات ایک عام بات ہے لیکن حال میں عیسائیوں پر حملوں میں بھی کافی اضافہ ہوا ہے۔ فادر ڈومنک کا کہنا ہے کہ مذکورہ فلم تبلیغ کے لیے نہیں ہے لیکن اس کے ذریعے ایک پراثر پیغام پہنچانے کی کو شش کی گئی ہے۔ یہ فلم دیگر ہندی فلموں کی طرح نغموں اور رقص سے بھی سجی دھجی ہے۔ فادر ڈومنک کا کہنا کہ بھارت میں فلم کے ذریعے عوام تک اپنی بات پہنچانا آسان ہے، اسی لیے انہیں فلم بنانے کا خیال آیا۔ اس فلم کی تکمیل میں کئی دیگر غیر سرکاری تنظیموں نے بھی کام کیا ہے اور مہیش بھٹ پروڈکشن کمپنی نے اسکی فلم بندی میں مدد کی ہے۔ فلم کی کہانی ایک ایسے نوجوان لڑکے کےگرد گھومتی ہے جس کی ماں نے اسے بڑے لاڈ پیار سے پالا ہے لیکن غیر محفوظ جنسی تعلقات کے سبب وہ ایڈز میں مبتلا ہوجاتا ہے۔ ماں کا کردار مشہور اداکارہ رتی اگنی ہوتری نے ادا کیا ہے اور لڑکے کا کردار ارین وید نے کیا ہے۔ اس فلم کا بجٹ کم ہے لیکن سونو نگم اور الکا یاگنک جیسے گلوکاروں نے اس میں اپنی آواز دی ہے۔ | 
بالی وڈ اور اردو کا رشتہ پرانا ہے
