 |  سٹوکرڈ چینگ لندن بمباروں کے بارے میں بنائے جانے والی فلم میں شامل ہیں |
لندن میں برطانوی مسلمان بمباروں کے بارے میں بنائے جانے والی ایک فلم مونٹریال ورلڈ فلم فیسٹول کے مقابلے میں دیکھائی جائےگی۔ ’ریڈ مرکری‘ نامی یہ فلم تین بنیاد پرست مسلمان بمباروں کی کہانی ہے جو برطانیہ میں پیدا ہوئے۔اس فلم میں یہ بمبار مہلک بم کی مدد سے لندن کے ایک ریسٹورنٹ پر قبضہ کرلیتے ہیں۔ ریڈ مرکری کی ہدایتکاری کےفرائض رائے بیٹرسبائی نے انجام دیے۔ اس کا ورلڈ پریمئیر ستائیس اگست کو اس فیسٹول کے موقع پر کیا جائے گا۔ یہ امید کی جارہی ہے کہ جولائی میں لندن میں ہونے والے خودکش بم دھماکوں کے پس منظر میں یہ فلم شائقین کی پسندیدگی حاصل کرلے گی۔ سات جولائی کو لندن میں ہونے والے خودکش بم دھماکوں نے چھپن افراد کی جان لی تھی۔ اس فلم کا اسکرپٹ فرخ دھونی نے لکھا ہے۔ اس فلم میں اس بات کا تجزیہ کرنے کی کوشش کی گئی ہے کہ کون سی بات نوجوان مسلمانوں کی دوسری نسل کو شدت پسندی کی جانب راغب کرتی ہے۔ اس فلم کی کہانی بتاتی ہے کہ کس طرح تین نوجوان مسلمان ایک خاص مقصد
کو حاصل کرنے کی خاطر اپنی جان قربان کرنے کو تیار ہوجاتے ہیں اور اس کوشش میں لندن کے ایک ریسٹورنٹ پر قبضہ کر لیتے ہیں۔ اس فلم میں ان مسلمان نوجوانوں، یرغمالیوں اورفورسز کے ردمیان جنگ
دیکھائی گئی ہے۔ اس فلم میں اداکاری کرنے والوں میں ران سلور، جولیٹ سٹیوسن، سٹوکرڈ چینگ اور برطانیہ کےایک ابھرتے ہوئے نوجوان اداکار نوین چودھری
شامل ہیں۔ فلم اس سال کے آخر میں شہر کےسینماؤں میں نمائش کے لیے پیش کردی جائے گی۔
| 
یہ صفحہ دوست کو ای میل کیجیئے
پرِنٹ کریں
