فلم کے ڈائریکٹر بیہمان غابدی اس سے پہلے بھی کئی ایوارڈ حاصل کر چکے ہیں

’ٹرٹل کین فلائی‘ یا’ کچھوے بھی اڑ سکتے ہیں‘ ایرانی ڈائریکٹر بیہمان غابدی نے بنائی ہے اور اسے سپین کے سین سباستین فلم فیسٹیول کے دوران ایوارڈ دیا گیا ہے۔

اس فلم کو اس زمانے کے تناظر میں بنایا گیا ہے جب امریکہ اور اس کے اتحادیوں نے عراقی صدر صدام حسین کو معزول کرنے اور عراق پر قبضہ کرنے کے لیے حملہ نہیں کیا تھا۔

اس میں ترکی کی سرحد پر قائم ایک کرد کیمپ کے حالات بیان کیے گئے ہیں اور بارودی سرنگ کا نشانہ بننے والے بچوں کے ذریعے تنازع کو اجاگر کرنے کی کوشش کی گئی ہے۔

فلم کے ڈائریکٹر بیہمان غابدی جو اس سے پہلے بھی فلم سازی پر کئی ایوارڈ حاصل کر چکے ہیں اس فلم کے بارے میں کہتے ہیں کہ انہوں نے اس فلم کے ذریعے ان واقعات کو دکھانے کی کوشش کی ہے جنہیں ٹیلیویژن بالعموم نظر انداز کر دیتے ہیں۔