برطانوی اداکارہ امیلڈا سٹانٹن

یہ فلم اسقاط حمل کے موضوع پر بنائی گئی ہے اور اسے غیر متوقع طور پر بہترین فلم قرار دیئے جانے پر گولڈن لائن ایوارڈ دیا گیا۔

اسی فلم میں برطانیہ کی امیلڈا سٹانٹن کو بہترین اداکارہ کا چوپہ ولپی ایوارڈ دیا گیا۔ انہوں نے فلم میں صفائی ستھرائی کرنے والی ایسی خاتون کا کردار ادا کیا ہے جو چوری چھپے حمل ضائع کرواتی ہے۔

جیوری نے دونوں ایوارڈز کا اعلان گیارہ روزہ فلمی میلے کے آخری روز سنیچر کو کیا۔

اینجلینا جولی

ویرا ڈریک نے اکیس دیگر فلموں کو مات دے کر گولڈن لائن ایوارڈ حاصل کیا ہے۔ تقسیم انعامات کی تقریب وینس کے فینیس اوپرا ہاؤس میں منعقد کی گئی۔

اس تقریب میں ہالی وڈ کے نامور اداکار رابرٹ ڈنیرو، ٹام کروز اور ٹام ہینکس جبکہ اداکاراؤں میں نکول کِڈمین اور اینجلینا جولی نے بھی شرکت کی۔

مائیک لیز نے فرانس میں منعقد ہونے والے کانز فلم فیسٹیول کے منتظمین کو اس بات پر پر سراہا کہ انہوں نے ویرا ڈریک کو ایوارڈ نہیں دیا تھا۔ ان کا کہنا تھا کہ کانز فلمی میلے میں ایوارڈ نہ ملنے کے سبب ہی ویرا ڈریک وینس تک پہنچی ہے۔