پیر کو جب یہ فلم کانز میلے میں دکھائی گئی تو لوگ وا لہانہ انداز میں کھڑے ہوکر پندرہ منٹ تک تالیاں بجاتے رہے-

مائیکل مور نے ایوارڈ وصول کرتے ہوئے اپنی بے پناہ مسرت کا اظہار کیا- اور کہا کہ اس پذیرائی پر ایک سرور کی سی کیفیت محسوس کر رہے ہیں -

فارن ہائٹ11/9 میں عراق پر امریکی حملے کے پس منظر میں صدر جارج بش اور امیر ترین سعودی خاندانوں کے درمیان مبینہ روابط کو اجاگر کیا گیا ہے- اس میں اسامہ بن لادن بھی شامل ہیں-

امریکہ میں اس فلم کے نمائش روک دی گئی تھی۔ جو ڈیزنی ادارے کی جانب سے ہونے والی تھی۔ اب کسی اور ادارے کے توسط سے فلم کی نمائش ہوگی-

کئی امریکی اور برطانوی اخبارات نے فلم کو مثبت قرار دیتے ہوئے عمومی طور پر سراہا تھا۔ مگر ایسا نہں کہ فلم پر تنقید نہ ہوئی ہو- ہالی وڈ کے ایک صحافی نے فلم کو انتخابی ہتھکنڈہ قرار دیا- جبکہ ایک تجارتی ادارے نے اسے کسی مہم کا کھلم کھلا اشتہار قرار دیا-

کانز میلے میں فارن ہائٹ 11/9 کے علاوہ اٹھارہ فلمیں دکھائی گئیں تھیں-