پہلے بھی برٹنی سپیئرز کی ایک شادی کا ’مذاق‘ ہوا تھا

’یو ایس ویکلی‘ کے مطابق اس کے پاس سپیئرز اور کیون کے دستخط شدہ قانونی کاغذات ہیں جن میں انہوں نے تسلیم کیا ہے کہ 18 ستمبر کو ہونے والی ان کی شادی ’جعلی‘ تھی۔

برٹنی سپیئرز کے ترجمان نے کہا ہے کہ جریدہ کا دعویٰ بے بنیاد ہے اور جوڑے نے لاس انجلیز میں اتوار کے روز شادی کر لی تھی۔

سپیئرز نے اس بات کو تسلیم کیا ہے کہ ابھی تک انہوں نے شادی کا لائسنس حاصل نہیں کیا۔

برٹنی ’شادی‘ سے خوش ہیں

جریدے کے مطابق اس طرح کرنے کی وجہ پریس کی توجہ ان کی شادی سے ہٹانا تھا جو کہ اگلے ماہ متوقع ہے۔

اس سال پانچ جنوری کو بھی بائس سالہ برٹنی نے لاس وگاس میں اپنے دوست جیسن الیگزینڈر سے شادی کی تھی۔ اس شادی کو ایک ’مذاق‘ کہا گیا اور پچپن گھنٹے کے بعد ہی اسے ختم کرنے کا اعلان کر دیا گیا۔