ماریو پاز جنہوں نے اپنے ناولوں میں ویٹو کارلینو کا کردار تخلیق کیا

امریکہ کے سولہ نقادوں اور سنیما کی دنیا کے ماہرین کی متفقہ رائے تھی کہ ویٹو کارلینو کا کردار سنیما کی تاریخ کا ایک یادگار کردار ہے۔

اس رائے شماری میں ٹریژر آف دی سیرامادرے میں فریڈسی ڈبس کا کردار دوسرے نمبر پر اور گان ود دی ونڈ میں سکارلٹ اوہارا کا کردار تیسرے نمبر پر رہا۔

یہ رائے شماری امریکی جریدے پریمیر نے کرائی ہے اور جریدے کا کہنا ہے کہ ’ویٹو کارلینو جیسا پیچیدہ کردار اب تک سنیما سکرین پر نہ تو اس سے پہلے دیکھا گیا اور نہ ہی اس کے بعد۔‘

جریدے کا کہنا ہے کہ انیس سو بہتر میں بنائی گئی فرانسس کپولا کی فلم کا یہ ایک ایسا کردار ہے جو اپنے اندر ایک مسلسل رزمیہ لے کر چلتا ہے۔

جریدے کا مزید کہنا ہے ’ویٹو کارلینو کے اندر جاری یہ جدل اس وقت مزید کھل کر جھلکنے لگتا ہے جب وقت گزرنے کے ساتھ ساتھ کارلینو میں یہ احساس بڑھنے لگتا ہے کہ اس نے اپنے خاندان کے تحفظ کے لیے جو کچھ کیا تھا وہی اس کے خاندان کی تباہی کا بیج بن کر نمو پاتا رہا ہے۔‘

اس کے علاوہ برطانوی سیکرٹ ایجنٹ جیمز بانڈ کا کردار جو ڈاکٹر نو کے نام سے بننے والی پہلی فلم سے سین کنری نے ادا کیا اس رائے شماری میں پانچویں نمبر پر آیا ہے۔