ኣብ ኣመሪካ ክልተ ቆልዑ ዝርከብዎም ሰለስተ ኤርትራውያን ብኻራ ተቐቲሎም

ፊኒክስ

ምንጪ ስእሊ, @BMillerFOX10

ኣብ ኣመሪካ፡ ክፍለሃገር ኣሪዞና፡ ክልተ ቆልዑ ኣሕዋትን ጓል 19 ሓትንኦምን ብሓደ "ቤተሰቦም" ብኻራ ከም ዝተቐትሉ ማዕከናት ዜና ኣመሪካ ሓቢረን።

እቶም ኣብ ሸዊት ዕድሚኦም ዝተቐዝፉ ቆልዑ፡ ጓል 9 ዓመት ኣርሴማን፡ ወዲ 7 ዓመት ሓዋ ማዕድንን ምዃኖም ፖሊስ ከተማ ፊንክስ ገሊጹ።

እቲ "ሓሪቑ" ቀቲልዎም ዝተባህለ ወዲ 28 ዓመት ቤተሰቦም፡ ብኸቢድ ቆሲሉ፡ ኣብ ሆስፒታል ኣብ ክፍሊ ጽኑዕ ክንክን ከም ዝርከብ ፖሊስ ሓቢሩ።

Skip X post
ንትሕዝቶ X ተፍቅድ ዶ?

እዚ ጽሑፍ ካብ X ዝተረኽቡ ትሕዝቶታት ኣሎዎ። እንተኾነ ኩኪስ ይዅን ካልእ ቴክኖሎጂ ክጥቀሙ ስለዝኽእሉ፡ ቅድሚ ምኽፋቱ ፍቓድኩም የድሊ። ፍቓደኛታት ቅድሚ ምዃንኩም፡ ነቲ ናይ X ፖሊሲ ኩኪስ ከምኡ’ውን ፖሊሲ ብሕትና ክተንብብዎ ትኽእሉ ኢኹም። ነዚ ትሕዝቶ ንምርኣይ፡ ‘እሰማማዕ’የ ቀጽል’ ዝብል ጠውቑ።

Warning: Third party content may contain adverts

End of X post

እቲ ቅትለት ኣዲኦም ንቑርሲ ዝኸውን ኣስቤዛ ክትዕድግ ምስ ወጸት ከም ዝተፈጸመን፡ ምስ ተመልሰት እቲ ዘሰንብድ ትርኢት ከምዝጸንሓ ማዕከናት ዜና ገሊጸን።

እታ ኣደን ደቃን፡ ቅድሚ 3 ዓመት ናብ ኣመሪካ ዝተሰደት ምዃና ተፈሊጡ።

ፖሊስ ነቲ ቅትለት የጻርዮ ከም ዘሎ ብምግላጽ፡ እቲ ኩነታት ዘስካሕክሕ ክብል ገሊጽዎ'ሎ።

ቅትለት ናይዞም ግዳያት ንብዙሕ ህዝቢ፡ ብፍላይ ድማ ኤርትራውያን ዘጉሃየ ኮይኑ፡ ኣብ ማሕበራዊ መራኸቢታት ብሰፊሑ ይዝረበሉ'ሎ።