పారాసైట్‌.. ఆస్కార్ ఉత్తమ చిత్రం; ఉత్తమ నటుడు వాకీన్ ఫీనిక్స్‌, ఉత్తమ నటి రెనె జెల్వెగర్

92 వ ఆస్కార్ అవార్డుల ప్రదానోత్సవం లాస్‌ ఏంజెలిస్‌లో వైభవంగా జరిగింది. ఉత్తమ చిత్రం విభాగంలో పారాసైట్ విజేతగా నిలిచింది. ఫోర్డ్ వెర్సెస్ ఫెరారీ, ది ఐరిష్ మ్యాన్, జో రబ్బిట్, జోకర్, లిటిల్ వుమెన్, మ్యారేజ్ స్టోరీ, 1917, ఓన్స్ అపాన్ ఏ టైమ్ ఇన్ హాలివుడ్, పారాసైట్ ఇలా మొత్తం 9 చిత్రాలు ఆస్కార్ బరిలో నిలిచాయి. చివరకు ఈ రేస్‌లో పారాసైట్ విజయం సాధించింది. ఓ విదేశీ భాషకు చెందిన చిత్రం బెస్ట్ ఫిల్మ్‌గా నిలవడం ఇదే తొలిసారి.

ఉత్తమ చిత్రం విభాగంలో నామినేట్ అయిన తొమ్మిది చిత్రాల్లో పారాసైట్ చిత్రం నాలుగు విభాగాల్లోనూ, 1917 చిత్రం మూడు, వన్స్ అపాన్ ఎ టైమ్ ఇన్ హాలివుడ్ , జోకర్, ఫోర్డ్స్ వెర్సెస్ ఫెరారీ చిత్రాలు రెండేసి విభాగాల్లో అవార్డులు సాధించాయి

ఈ ఏటి ఉత్తమ నటుడిగా వాకీన్ ఫీనిక్స్‌ ఆస్కార్ సాధించారు. జోకర్ చిత్రంలో అత్యద్భుత నటనకు గానూ వాకీన్‌కు ఈ అవార్డు లభించింది.

ఉత్తమ నటిగా రెనె జెల్వెగర్ విజేతగా నిలిచారు. ఈ విభాగంలో మొత్తం ఐదుగురు నామినేట్‌కాగా జుడీ గార్లాండ్ చిత్రంలో అత్యుత్తమ నటన కనబర్చినందుకుగానూ రెనె జెల్వెగర్‌కు ఈ అవార్డు లభించింది. గతంలో ఆమె కోల్డ్ మౌంటైన్ చిత్రానికి గానూ ఉత్తమ సహాయనటి క్యాటగిరిలో కూడా అవార్డు సాధించారు.

ఉత్తమ సహాయ నటుడు విభాగంలో బ్రాడ్ పిట్ విజేతగా నిలిచారు. వన్స్ అపాన్ ఏ టైమ్ ఇన్ హాలీవుడ్ చిత్రంలో ఆయన నటనకు గానూ ఈ అవార్డ్ లభించింది. ఓ నటుడిగా ఆస్కార్ సాధించడం బ్రాడ్ పిట్‌ కెరియర్లో ఇదే మొదటి సారి కావడం విశేషం. తాను సాధించిన ఈ అవార్డ్‌ను తన పిల్లలకు అంకితమిస్తున్నట్టు పిట్ వేదికపై ప్రకటించారు.

ఈ ఏడాది ఉత్తమ సహాయ నటి విభాగంలో లారా డెర్న్ విజేతగా నిలిచారు. మ్యారేజ్ స్టోరీ చిత్రంలో ఆమె నటనకుగానూ ఈ అవార్డ్ లభించింది.

ఇక బెస్ట్ డాక్యుమెంటరీ విభాగంలో ఒబామా ప్రొడక్షన్స్‌ కంపెనీ ఆధ్వర్యంలో నిర్మించిన అమెరికన్ ఫ్యాక్టరీ విజేతగా నిలిచింది.

ఉత్తమ దర్శకునిగా పారాసైట్ చిత్రానికి దర్శకత్వం వహించిన బొంగ్ జూన్ హొ విజేతగా నిలిచారు. పారాసైట్ చిత్రానికి అప్పటికే బెస్ట్ ఇంటర్నేషనల్ క్యాటగిరిలో అవార్డ్ రాగానే ఇక చాలు అనుకున్నానని, కానీ దర్శకత్వ విభాగంలో కూడా అవార్డ్ వస్తుందని అనుకోలేదని అవార్డ్ ప్రకటించిన అనంతరం బొంగ్ జూ హో అన్నారు.

ఈ ఏడాది విజేతలు వివరాలు ఇలా ఉన్నాయి.

చిత్రం - జో రబ్బిట్

దర్శకుడు - తైకా వైటిటీ

దర్శకులు -బాంగ్ జూన్ హొ & హాన్ జిన్ వన్

బెస్ట్ డాక్యుమెంటెడ్ ఫీచర్ - అమెరికన్ ఫ్యాక్టరీ

చిత్రం- వన్స్ అపాన్ ఏ టైమ్ ఇన్ హాలివుడ్

చిత్రం -లిటిల్ విమెన్

చిత్రం - ది నైబర్స్ విండో

చిత్రం- ఫోర్డ్ వెర్సెసె ఫెరారీ

చిత్రం - 1917 - మార్క్ టేలర్ & స్టువర్ట్ విల్సన్

చిత్రం - ఫోర్డ్ వెర్సెస్ ఫెరారీ - మైఖేల్ మెక్ క్యుసెకెర్, అండ్రు బక్లండ్

చిత్రం -1917

ఇవి కూడా చదవండి.

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)