కిలిపాల్: తెలుగు, బాలీవుడ్ పాటలకు లిప్‌సింక్ చేస్తూ వైరల్ అయిన టాంజానియా అన్నా, చెల్లెలు

టాంజానియాకు చెందిన ఈ అన్నా చెల్లెళ్లు లిప్‌ సింకింగ్ బాలీవుడ్ పాటలతో ఇన్‌స్టాగ్రామ్‌లో చాలా ఫ్యాన్ ఫాలోయింగ్ సంపాదించారు.

RRR సినిమాలో నాటు నాటు పాటకు కూడా ఎన్టీఆర్, రామ్‌చరణ్‌ల్లాగే డ్యాన్స్ చేస్తూ అలరించాడు కిలిపాల్. అలాగే ప్రభాస్ రాధేశ్యామ్ చిత్రంతో పాటు చాలా బాలీవుడ్ హిట్ సాంగ్స్‌కు లిప్ సింక్ చేస్తూ పాడటం, డ్యాన్స్ చేయడంతో కిలిపాల్, ఆయన చెల్లెలు నీమా పాల్ ఇన్‌స్టాగ్రామ్‌లో అభిమానుల్ని సంపాదించుకున్నారు.

ఆఫ్రికాలోని టాంజానియాకు చెందిన 26 ఏళ్ల కిలిపాల్ స్థానిక మసాయి తెగకు చెందిన యువకుడు. తూర్పున ఉన్న ప్వాని ప్రాంతంలో మిందు టులీని అనే ఒక చిన్న గ్రామంలో నివసిస్తుంటాడు.

వీళ్ల గ్రామానికి కరెంట్ సరఫరా కూడా లేదు. ఫోన్ చార్జింగ్ చేసుకోవడానికి కూడా సమీపంలోని పట్టణం లుగోబాకు వెళ్లాల్సి ఉంటుంది.

అయితే, టిక్ టాక్ వీడియోల ద్వారా ఫేమస్ అయిన కిలి.. తర్వాత బాలీవుడ్ సాంగ్స్‌కు తనదైన డ్యాన్స్ స్టెప్పులు వేస్తూ ఇన్‌స్టాగ్రామ్‌లో ఫేమస్ అయ్యాడు.

‘సంగీతం విశ్వ భాష. అన్ని జీవుల మధ్యా శ్రావ్యమైన బంధం. మనం ఏ దేశంలో పుట్టాం, ఏ జాతికి చెందాం అన్నదానితో సంబంధం లేకుండా సంగీతం మనందరినీ కలుపుతుంది. దీనికి కిలిపాల్ నిజమైన ఉదాహరణ’ అని ప్రముఖ గాయకుడు జుబిన్ నౌటియాల్ అన్నారు.

ఆవులు కాసి జీవించే వీళ్లు ఇప్పుడు టాంజానియాలోనే కాదు భారతదేశంలో కూడా ఫేమస్ అయ్యారు.

భారతదేశానికి ప్రయాణించాలని ఉందని చెబుతున్నారు.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)