బోస్టన్ కన్సల్టెన్సీ గ్రూప్ నివేదిక: విశాఖపట్నంలోనే సెక్రటేరియట్‌, గవర్నర్‌, సీఎం, అన్ని హెచ్‌ఓడీల కార్యాలయాలు, అన్ని ప్రభుత్వ కార్యాలయాలు

ఏపీ రాజధాని అంశంపై బోస్టన్ కన్సల్టెన్సీ గ్రూప్ ప్రభుత్వానికి తన నివేదికను సమర్పించింది.

ఈ నివేదికలో రాష్ట్రాన్ని ఆరు ప్రాంతాలుగా విభజించాలని సూచించిందని రాష్ట్ర అభివృద్ధి ప్రణాళిక సంస్థ కార్యదర్శి విజయ్ కుమార్ తెలిపారు. బీసీజీ నివేదిక వివరాలను విజయ్ కుమార్ వెల్లడించారు.

రాష్ట్ర ఆర్థిక పరిస్థితులను పరిశీలించి బీసీజీ తన నివేదికను సమర్పించిందని విజయ్ తెలిపారు.

నివేదికలో ముఖ్యాంశాలు

ప్రాంతాల మధ్య ఉన్న విభేదాలను దృష్టిలో ఉంచుకుని అన్ని ప్రాంతాల అభివృద్ధికి సూచనలిచ్చారని. ప్రాంతీయంగా ఆయా ప్రాంతాల్లో ఉన్న డిమాండ్లను కూడా పరిగణనలోకి తీసుకున్నారని విజయ్ వెల్లడించారు.

కర్ణాటకలో రెండు చోట్ల అసెంబ్లీ సమావేశాలు జరుగుతాయి.

జనాభా, సిటీ వైశాల్యం, చారిత్రక ఒప్పందాలు, అందుబాటులో ఉన్న ఫిజికల్ ఇన్‌ఫ్రాస్ట్రక్చర్, సోషల్ ఇన్‌ఫ్రాస్ట్రక్చర్... ఇలా కొన్ని అంశాల ఆధారంగా కొన్ని సూచనలు చేశారు.

రాష్ట్రాన్ని మూడు ప్రాంతాలుగా చేసి, ఒక్కో ప్రాంతం నుంచి మూడు నగరలా చొప్పున 9 నగరాలను తీసుకుని వాటి మంచిచెడులను విశ్లేషించారు.

విశాఖ, విజయవాడలు తప్ప మిగిలిన నగరాల్లో జనాభా తక్కువ.

ఈ 9 నగరాల్లో ఒక్కో ప్రాంతం నుంచి మళ్లీ ఒక్కో సిటీని ఎంపిక చేశారు. అలా ఎంపిక చేసిన మూడు నగరాలు... విశాఖ, విజయవాడ, కర్నూలు.

న్యాయవ్యవస్థ, లెజిస్లేచర్, మిగిలిన ప్రభుత్వ శాఖలు ఎక్కడ ఉండాలి?

ఆప్షన్ 1:

ఆప్షన్ 2:

ఆప్షన్‌ 1 కోసం రూ.4,645 కోట్లు ఖర్చు అవుతుందని అంచనా. ఆప్షన్‌ 2 కోసం రూ.2500-3000 కోట్లు ఖర్చు అవుతుందని అంచనా. అమరావతిలో 55లక్షల చదరపు అడుగుల విస్తీర్ణంలో ఆఫీసులు ప్రతిపాదించారు."2009లో కృష్ణానది వరద ముంపుకు గురైన ప్రాంతంలో ప్రస్తుత రాజధాని అమరావతి కూడా ఉంది. నిబంధనల ప్రకారం ఈ ముంపు ప్రాంతంలో ఎలాంటి నిర్మాణాలు చేపట్టకూడదు" అని విజయ్ తెలిపారు.

ఈ నివేదికను హైపవర్ కమిటీ పరిశీలనకు పంపిస్తామని విజయ్ వెల్లడించారు.

జీఎన్ రావు కమిటీ నివేదిక, బోస్టన్ కన్సల్టెన్సీ గ్రూప్ నివేదికలను హైపవర్ కమిటీ అధ్యయనం చేసిన తర్వాత దీనిపై కేబినెట్ నిర్ణయం తీసుకుంటుందని వెల్లడించారు.

అమరావతిలో రైతుల నుంచి సేకరించిన భూమి, ఇప్పటి వరకూ జరిగిన ఖర్చులూ ఈ గ్రూపు అధ్యయన పరిథిలో లేవని తెలిపారు.

జీఎన్ రావు కమిటీ నివేదికకు, దీనికి సంబంధం లేదని తెలిపారు.

ఇది ప్రజలతో మాట్లాడి, అభిప్రాయాలు సేకరించి ఇచ్చిన నివేదిక కాదు, అందుబాటులో ఉన్న సమాచారాన్ని విశ్లేషించి రూపొందించిన నివేదిక అని విజయ్ స్పష్టం చేశారు.

ఇవి కూడా చదవండి.

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)