ఫొటో క్యాప్షన్, ఎలాంటి క్లిష్టమైన పాత్ర చేయడానికైనా స్మితా పాటిల్ సిద్ధంగా ఉండేవారని శ్యామ్ బెనగల్ అంటారు. ఏ పాత్రలోనైనా లీనమై నటించడం స్మితా పాటిల్ ప్రత్యేకత.
ఫొటో సోర్స్, KETAN MEHTA
ఫొటో క్యాప్షన్, స్మితా పాటిల్ పేరు వెనుక ఒక ఆసక్తికరమైన విషయం ఉంది.పుట్టిన వెంటనే నవ్వడంతో ఆమె తల్లి విద్యాతాయ్ పాటిల్ ఆమెకు 'స్మిత' అన్న పేరు ఖరారు చేశారు. స్మితా పాటిల్ చాలా సీరియస్ సినిమాల్లో నటించినా, నిజజీవితంలో ఆమె చాలా సరదా మనిషి.
ఫొటో క్యాప్షన్, సినిమాల్లోకి రావడానికి ముందు స్మితా పాటిల్ ముంబై దూరదర్శన్లో మరాఠీ వార్తలు చదివేవారు. వార్తలు చదివే వాళ్లు ఖచ్చితంగా చీర ధరించాలన్న నియమం ఉండేది. అయితే స్మితా పాటిల్కు జీన్స్ అంటే ఇష్టం. అందువల్ల ఆమె జీన్స్ పైనే చీర ధరించి వార్తలు చదివేవారు.
ఫొటో సోర్స్, SHYAM BENEGAL
ఫొటో క్యాప్షన్, ఒక ఫిల్మ్ ఇన్స్టిట్యూట్ విద్యార్థి తన డిప్లొమా కోసం తీసిన చిత్రంతో ఆమె కెరీర్ ప్రారంభమైంది. 1977లో స్మితా పాటిల్ జాతీయ ఉత్తమ నటి పురస్కారాన్ని అందుకున్నారు. 1981లో 'చక్ర' సినిమాకు మరోసారి అదే అవార్డు సాధించారు.
ఫొటో సోర్స్, SHYAM BENEGAL
ఫొటో క్యాప్షన్, మిర్చ్ మసాలా చిత్రం స్మితా పాటిల్ మరణాంతరం విడుదలైంది. కానీ, ఆమె నటించిన 'సోన్ బాయ్' పాత్ర మాత్రం ప్రేక్షకుల మదిలో కలకాలం నిలిచిపోయింది.
ఫొటో క్యాప్షన్, మిర్చ్ మసాలా సినిమాను గుజరాత్లో మిర్చి సీజన్లో చిత్రీకరించారు. ఆ సినిమా షూటింగ్ కోసం స్మితా పాటిల్ ఇతర సినిమా డేట్లను సర్దుబాటు చేసుకున్నారు.
ఫొటో సోర్స్, SHYAM BENEGAL
ఫొటో క్యాప్షన్, తాను చనిపోయాక తనను పెళ్లికూతురిలా అలంకరించాలనేది స్మితా పాటిల్ ఆఖరి కోరిక.ఆమె కోరిక మేరకు మేకప్ ఆర్టిస్ట్ దీపక్ సావంత్ అలాగే అలంకరించారు. మరణించినా ఆమె పెదాల మీద చిరునవ్వు చెరగలేదని దీపక్ తెలిపారు.
( ఈ కథనం అక్టోబర్ 17, 2017లో తొలిసారి బీబీసీ తెలుగులో ప్రచురితమైంది)
