Омрико аз эъломи омодагии чанд кишвари арабӣ барои ҳамлаи ҳавоӣ ба Доъиш хабар дод

Image copyrightReuters

Ҷон Керрӣ мегӯяд, ки аз эъломи омодагии кшиварҳои дигар барои мушорикат дар амалиёти низомӣ алайҳи Давлати Исломӣ "башиддат дилгарм" шудааст.

Ба гуфтаи мақомҳои давлати Омрико, чанд кишвари арабӣ хостори ширкат дар амалиёти ҳавоӣ алайҳи гурӯҳи "Давлати исломӣ" бо "Доъиш" шудаанд.

Ин мақомҳо меафзоянд, ки ҳар гуна мушорикати кишварҳои минтақа дар чунин амалиёте манут ба тасвиби давлати Ироқ аст.

Ҷон Керрӣ, вазири умури хориҷаи Омрико, якшанбеи 14 сентябр гуфт, ки аз эъломи омодании кишварҳои дигар барои мушорикат дар амалиёти низомӣ алайҳи гурӯҳи Давлати Исломӣ "башиддат дилгарм" шудааст.

Вай ин суҳбатҳоро дар Порис ва пас аз сафари давраии худ ба кишварҳои Ховари Миёна барои ҷазби мушорикати онҳо дар ҷанг алайҳи ин гурӯҳи тундрав баён кардааст.

Порис, пойтахти Фаронса, рӯзи душанбеи 15 сентябр мизбони як кунфронси байналмилалӣ дар мавриди амнияти Ироқ ва шеваҳои мубориза бо гурӯҳи Давлати Исломӣ хоҳад буд.

То кунун даҳ кишвари арабӣ бо дархости кумаки Омрико барои муқобила ин гурӯҳ дар Ироқ ва Сурия мувофиқат кардаанд.

Аз сӯйи дигар, Туркия то кунун аз ҳузур дар эътилофи ташкилшуда аз сӯйи муттаҳидони Омрико худдорӣ кардааст.

Вазири умури хориҷаи Омрико ҳузури Эрон дар эътилоф алайҳи Доъишро рад карда ва Эрон ҳам гуфта, ки ин ҳамкорӣ имконпазир нест.

"Тарҳи маъюб"

Пештар Устролиё эълом кард, ки то пеш аз шурӯъи амалиёти эҳтимолии размӣ алайҳи Доъиш дар Ироқ 600 сарбоз ба минтақа мефиристад.

Бо ин ҳол, Ҷон Керрӣ рӯзи якшанбе дар мусоҳиба бо шабакаи Си-би-эс-и Омрико гуфт, ки давлати Убомо дар ҳоли ҳозир хоҳони истиқрори нерӯи заминӣ нест.

Доъиш акнун бахшҳои васеъе аз Ироқ ва Сурияро кунтрул мекунад ва ба тахмини созмони иттилоъоти марказии Омрико ин гурӯҳ мумкин аст то 30 ҳазор сарбоз дошта бошад.

Борок Убомо, раиси ҷумҳури Омрико, ҳафтаи пеш истротежии кишвараш барои муқобила бо ин гурӯҳ дар Ироқ ва Сурияро эълом кард.

То кунун ҳудуди 40 кишвар, аз ҷумла даҳ кишвари арабӣ дар эътилофи таҳти раҳбарии Омрико дар ин амалиёт субот ном кардаанд.

Аз сӯйи дигар Файсал Миқдод, муъовини вазорати хориҷаи Сурия, дар мусоҳибае бо Би-би-сӣ гуфта, ки тарҳи оқои Убомо барои эҷоди эътилоф алайҳи Доъиш "маъюб" аст.

Ӯ гуфт: "Истротежии ӯ фоқиди бисёре аз аносири хеле муҳим аст. Сурия бо терурисм ҷангида ва мо дар конуни ҳар гуна набарди ҷиддӣ ва воқеъӣ алайҳи теруристҳо хоҳем буд.

Нерӯҳои заминӣ

Омрико қаблан дар ҳафтаҳои ахир Доъишро дар Ироқ ҳадафи ҳамалоти ҳавоӣ қарор додааст ва оқои Убомо баъд аз бурида шудани сари ду хабарнигори омрикоӣ тавассути Доъиш қавл додааст онҳоро "аз лона берун бикашад." Ҷон Керрӣ дар мусоҳибаи якшанбе гуфт: "Илова бар Омрико кишварҳое дар дохили минтақа ва кишварҳое дар хориҷ аз минтақа ҳастанд, ки ҳамагӣ дар сурати лузум омодаи кумак расондан ба амалиёти низомӣ ва ҳатто ширкат дар ҳамалоти мустақим ҳастанд."

Ӯ изъон кард, ки баъзе кишварҳо моиланд нерӯ пиёда кунанд, аммо бидуни он ки аз онҳо ном бибарад, гуфт, ки ба ҳар ҳол ин иқдом дар мақтаъи кунунӣ ҷузви гузинаҳо нест.

Денис Македоно, раиси коркунони Кохи Сафед, гуфт, ки оқои Керрӣ дар рӯзҳои оянда номи кишварҳоеро, ки пешниҳоди эъзоми нерӯи заминӣ додаанд, эълом хоҳад кард.

Хабарнигори Би-би-сӣ дар Порис мегӯяд, ки тазмини дастрасӣ ба пойгоҳҳои ҳавоӣ ва осмони кишварҳои минтақа барои ин амалиёт ҷанбаи калидӣ дорад, ниёзе, ки ба назар мерасад кишварҳои арабӣ қасди бароварда карданашро дошта бошанд.

Ба гуфтаи хабарнигори мо, мақомҳои омрикоӣ таъкид мекунанд, ки ин истротежӣ аз як амалиёти низомӣ бисёр густардатар аст ва мегӯянд, ки мудохилаи раҳбарони мазҳабӣ дар Миср ва Арабистони Саъудӣ барои муқобила бо идеулужии ифротии Доъиш ба андозаи бархӯрди низомӣ муҳим аст.

Фронсуо Улонд, раиси ҷумҳури Фаронса, рӯзи душанбе мизбони диплумотҳои 20 кишвар барои кунфронсе дар бораи амнияти Ироқ хоҳад буд

Ин гуфтугӯҳо пас аз нишасти Шӯрои Амнияти Созмони Милал ва Маҷмаъи Умумии Созмони Милал дар ҳафтаҳои оянда анҷом мешавад.