Мушовири Путин: Раиси ҷумҳури Укройн нозӣ ва фоқиди машрӯъият аст
Image copyrightGettyДар остонаи имзои муъоҳидаи ҳамкории Укройн бо Иттиҳодияи Урупо, як мақоми давлатии Русия раиси ҷумҳури Укройнро нозӣ ва ин муъоҳидаро фоқиди машрӯъият донист.
Сергей Глазев, яке аз мушовирони аршади Владимир Путин, раиси ҷумҳури Русия, мувофиқати давлати Укройн бо муъоҳидаи ҳамкории иқтисодӣ ва тиҷорӣ бо Иттиҳодияи Урупоро башиддат маҳкум карда ва гуфтааст, ки ин муъоҳида ва имзокунандаи он фоқиди машрӯъият ҳастанд.
Рӯзи ҷумъаи 27 июн муъоҳидаи ҷадиди Укройн ва Иттиҳодияи Урупо дар иҷлоси раҳбарони кишварҳои узв дар Бруксел имзо шуд ва дар натиҷаи он Укройн ба унвони "узви вобастаи" иттиҳодия аз тасҳилоти тиҷории вижа ва кумакҳои иқтисодии Иттиҳодияи Урупо бархӯрдор шудааст. Петру Пурушенку, раиси ҷумҳури ҷадиди Укройн, дар маросими имзои ин муъоҳида ҳузур дошт. Дар моҳи марти соли ҷорӣ бахши сиёсии ин муъоҳида шомили иртиботи наздиктар бо урупоиён тавассути давлати муваққати Укройн имзо шуда буд.
Ҳамроҳ бар Укройн, муъоҳидаҳои мушобеҳе низ бо Гурҷистон ва Мулдувӣ, ду ҷумҳурии дигари ташкилдиҳандаи Иттиҳоди Шӯравии соибқ имзо шуда, дар ҳоле ки давлати Русия равобити наздики ҳамсоягони худ бо урупоиёнро башиддат маҳкум карда ва онро мудохилаи Ғарб ба "ҳавзаи нуфузи" худ дониста буд.
Дар вокуниш ба ин муъоҳида Сергей Глазев, дар мусоҳиба бо Би-би-сӣ, урупоиёнро муттаҳам кард, ки "дар Укройн даст ба кудетои низомӣ заданд ва нозиҳоро рӯйи кор оварданд." Ӯ афзуд: "Ин давлати нозӣ дар Укройн бузургтарин минтақаи он кишварро бумборон кард."
Оқои Глазев дар посух ба ин суол, ки оё Петру Пурушенку, раиси ҷумҳури ҷадиди Укройнро "нозӣ" медонад, гуфт, ки "пеш аз ин ҳам бархе дигар аз мақомоти Русия миллигароёни укройниро нозӣ ва роҳзан тавсиф карда буданд ва дар муқобил, мақомоти укройнӣ аз шибҳнизомиёни ҷудоиталаби таҳти ҳимояти Русия бо унвони "терурист" ном мебаранд.
Мушовири аршади Владимир Путин дар мавриди натиҷаи имзои ин муъоҳида ҳушдор дод ва гуфт: "Фикр мекунам, ки пас аз имзои тавофуқнома бо Иттиҳодияи Урупо вақте ки ин Фронкштойни нозӣ, ки ба дасти бурукротҳо ва сиёсатмадорони урупоӣ мутаваллидшуда бар дари кишварҳои урупоӣ низ бикӯбад он вақт аст, ки мардуми Урупо мутаъаҷҷиб хоҳад шуд." Ин мақоми русӣ гуфт, ки Петру Пурушенку "фоқиди машрӯъият" аст, зеро сокинони бархе аз манотиқи Укройн дар интихоботи раёсати ҷумҳурӣ дар моҳи май ширкат накард. Бар асоси бархе гузоришҳо, мақомоти Русия назароти оқои Глазевро мунъаккискунандаи назари расмии давлати худ надонистаанд.
Буҳрони сиёсии Укройн аз пойизи соли гузашта ва замоне оғоз шуд, ки Виктур Ёнукович, раиси ҷумҳури вақти он кишвар эълом кард, ки сиёсати ҳамкорӣ бо Иттиҳодияи Урупоро мунтафӣ медонад ва ба ҷои он дар назар дорад ҳамкории тиҷорӣ ва иқтисодӣ бо Русияро тавсеъа диҳад. Пеш аз он қарор буд давлати Укройн муъоҳидаеро бо Иттиҳодияи Урупо имзо кунад, ки муҳтавои он камобеш мушобеҳи муъоҳидаи кунунӣ аст.
Дар вокуниш ба тасмими оқои Ёнукович тазоҳуроте дар пойтахти Укройн баргузор шуд, ки моҳҳо идома дошт ва саранҷом пас аз кушта шудани беш аз ҳаштод тан аз тазоҳуркунандагон дар моҳи феврали соли ҷорӣ порлумони Укройн ба барканории раиси ҷумҳурӣ ба иттиҳоми иртибот бо куштори мардум ва фасоди молӣ раъй дод ва бо эъломи замони баргузории интихоботи раёсати ҷумҳурӣ дар моҳи май як раиси ҷумҳурӣ ва давлати интиқолиро мансуб кард. Раиси ҷумҳурии махлӯъи Укройн ба Русия гурехт ва мақомоти русӣ эълом карданд, ки ӯро ҳамунон раҳбари қонунии Укройн медонанд.
