Музокироти ҳастаии Эрон ва қудратҳои ҷаҳонӣ дар Ню-Йурк 'судманд буд'
Image copyrightAFPЯке аз сухангӯёни Иттиҳодияи Урупо мегӯяд музокироти Гурӯҳи 5+1 ва Эрон, ки тайи рӯзҳои шашум ва ҳафтуми моҳи май дар Ню-Йурк ва дар сатҳи коршиносӣ баргузор шуд, "судманд" будааст. Ин музокирот заминасози ҷаласаи ҳафтаи ояндаи Эрон ва қудратҳои ҷаҳонӣ дар Виени Утриш аст.
Ба далели сафари ҳайъати коршиносии Эрон ба Ню-йурк барои ширкат дар нишасти муқаддамотии бознигарӣ дар муъоҳидаи манъи густариши силоҳҳои атумии ин давр аз музокироти коршиносӣ ба мизбонии Ню-Йурки Омрико баргузор шуд.
Сарпарастии ин давр аз музокиротро аз сӯйи Эрон Ҳамиди Баъидинажод, аз мудирони аршади вазорати хориҷа дар умури халъи силоҳ, бар уҳда дошт.
Ин музокироти коршиносӣ бо ҳадафи таъйини дастури кори музокироти мақомҳои аршади Гурӯҳи 5+1 анҷом мешавад ва ба гуфтаи мақомҳои кишварҳои музокиракунанда ба мароҳили ҳассос расидааст.
Қарор аст, даври ҷадиди музокирот, ки чаҳорумин даври гуфтугӯҳои ҷомеъи атумии Эрон аст, миёни Муҳаммадҷаводи Зариф, вазири умури хориҷаи Эрон ва Котрин Аштун, намояндаи олии Урупо дар сиёсати хориҷӣ, ба намояндагӣ аз Гурӯҳи 5+1 ҳафтаи оянда дар Виен баргузор шавад.
Ин давр аз музокирот бо ҳадафи ҳаллу фасли ниҳоии парвандаи атумии Эрон анҷом ва ба ҳамин далел музокироти "ҷомеъи атумӣ" хонда мешавад.
Сирус Носирӣ, аз музокиракунандагони аршади атумии Эрон дар давлати Муҳаммади Хотамӣ, рӯзи гузашта ба хабаргузории ИСНО гуфт он чи ки аз ахбор шунида мешавад, матне аз сӯйи Ҷумҳурии Исломӣ дар ҳоли таҳия ва нигориш аст, то дар нишасти баъдии музокирот бар рӯйи он баҳс шавад.
Дар рӯзҳои гузашта Ҳасани Рӯҳонӣ, раиси ҷумҳурии Эрон ва бархе аз мақомҳои кишварҳои узви Гурӯҳи 5+1 дар бораи расидан ба тавофуқи ҷомеъи атумӣ то авоили тобистони соли ҷорӣ ибрози хушбинӣ кардаанд.
Мансури Фарҳанг, сафири собиқи Эрон дар Созмони Милали Муттаҳид ва устоди улуми сиёсӣ дар колеҷи Бенигтун, муътақид аст нуктаи муҳим дар даври ҷадиди музокироти ҳастаӣ миёни Эрон ва Гурӯҳи 5+1, ки пас аз тавофуқи пойизи гузашта дар Женев оғоз шуда, ин аст, ки ду тараф далоили маҳкаме барои расидан ба як тавофуқи ниҳоӣ доранд.
Ба гуфтаи ин таҳлилгари сиёсии муқими Омрико, аз як сӯ сулҳталабӣ ва ҷангпарҳезии Борок Убомо ва наздикии интихоботи кунгреи ин кишвар, раиси ҷумҳурии Омрикоро "водошт ҳаққи ғанисозӣ дар сатҳи маҳдуд барои Эрон"-ро ба расмият бишносад, чаро ки шикаст дар гуфтугӯҳои диплумотик бо Теҳрон метавонад заминасози истифода аз гузинаҳои низомӣ барои муқобила бо Теҳрон шавад. Ва аз сӯйи дигар, Эрон барои муқобила бо тангноҳои иқтисодӣ мебоист таҳримҳо алайҳи ин кишварро аз миён бардорад ва ба ҳамин иллат омодаи ҳалли мушкилоти худ бо Ғарб бар сари барномаи ҳастаиаш аст.
Ин устоди улуми сиёсӣ муътақид аст ба ин тартиб "иродаи ҷиддии" тарафайн, метавонад муҷиботи хушбинӣ ба натоиҷи музокироти Виенро фароҳам оварад; бо вуҷуди ин музокироти ҳастаӣ миёни Эрон ва 5+1 эҳтимолан бештар аз замоне ки муъайян шуда, ба дарозо хоҳад кашид, чаро ки расидан бар сари ҷузъиёти як тавофуқи ҷомеъ ниёзманди гуфтугӯҳои бештар хоҳад буд ва дар ҳоли ҳозир ду тараф бар сари мавориде чун "лағви комил" ё "таълиқи" таҳримҳои Эрон машғули музокира ҳастанд ва ё ин ки қудратҳои урупоӣ ва Омрико мехоҳанд маҳдудиятҳои муъайяне барои теъдод ва навъи чархакҳои сӯхти (сонтрифюж) Эрон таъйин кунанд.
Бишнавед: Гуфтугӯи родиюӣ бо Мансури Фарҳанг дар бораи уфуқи музокироти ҳастаӣ
Иёлоти Муттаҳидаи Омрико, Бритониё, Фаронса, Чин ва Русия ба ҳамроҳи Олмон гурӯҳи 5+1-ро ташкил медиҳанд.
