Юриши тарафдорони Русия ба пойгоҳи низомии Укройн дар Криме
Image copyrightReutersФаъъолони тарафдори Русия, ки бархе аз онҳо мусаллаҳ буданд, ба мақари новгони Укройн дар шаҳри Севастополи Криме юриш бурдаанд.
Бархе аз афсарони новгони Укройн мақари онро тарк кардаанд ва бар фарози маҳалли истиқрори новгони Укройн парчами Русия барафрошта шудааст. Гузоришҳо аз боздошти Серҳий Ҳайдук, фармондеҳи новгони Укройн ҳикоят мекунанд.
Ин рухдод пас аз он сурат мегирад, ки ҳамапурсии рӯзи якшанбе дар Криме, ки ба гуфтаи мақомот ҷудоии ҷумҳурии худмухтори Криме аз Укройнро таъйид кардааст, мавриди интиқоди густарда қарор гирифтааст.
Мақомоти Криме ва Русия гуфтаанд ин ҳамапурсӣ пуштибонии аксарияти раъйдиҳандагон аз пайвастани Криме ба Русияро ба намоиш гузоштааст, ки 97 дарсади раъйдиҳандагон ба тарафдорӣ аз пайвастани Криме ба Русия ҳимоят кардаанд.
Аммо Ғарб ва мақомоти Укройн дар Киев гуфтаанд, ин ҳамапурсӣ ки тайи ду ҳафта созмондиҳӣ шуда ва тавассути бисёре аз аққалияти укройниҳо ва тоторҳои Криме таҳрим шуда, ғайриқонунӣ аст ва натоиҷи он пазируфта нахоҳад шуд.
Рӯзи чаҳоршанбе Додгоҳи қонуни асосии Русия тавофуқи миёни Русия ва Кримеро дар бораи илҳоқи Криме ба Русия қонунӣ хонд.
Ричорд Гоплин, хабарнигори Би-би-сӣ дар Маскав мегӯяд шаке вуҷуд надорад, ки порлумони Русия низ дар раъйгирие, ки қарор аст рӯзи ҷумъа анҷом шавад, аз ин тавофуқ қавиян ҳимоят хоҳад кард.
Гузориш шуда ки Иҳор Тенюх, вазири дифоъи Укройн дастур дарёфт кардааст, ки ба Криме сафар кунад.
Хабаргузории Интерфакси Русия суханони Сергей Аксенов, нахуствазири Кримеро нашр карда, ки гуфтааст: "Ҳеҷ касе ба онҳо иҷоза нахоҳад дод вориди Криме шаванд, онҳо боз гардонда хоҳанд шуд."
Афсарон пойгоҳро тарк мекунанд
Як афсар дар пойгоҳи низомии Севастопол ба Би-би-сӣ гуфтааст, ки ҳудуди 200 нафар фаъъоли ҳаводори Русия бо хушунат ва истифода аз омбулонс дарвозаи пойгоҳро боз кардаанд ва вориди пойгоҳ шудаанд.
Ӯ гуфтааст, мушоҳида кардааст, ки як афсари аршади Укройн бо онҳо вориди музокира шудааст.
Дар пайи он гузоришҳое мунташир шуд, ки мегӯянд Серҳий Ҳайдук, фармондеҳи нови Укройн боздошт шуда ва тавассути Идораи федероли амниятии Русия ба маҳалле интиқол ёфтааст.
Шоҳидон шуморе аз низомиёни укройнро дидаанд, ки пойгоҳро тарк мекунанд. Гузорише дар мавриди даргирӣ ва тирандозӣ мунташир нашудааст.
Шаҳри бандарии Севастопол макони новгони Дарёи Сиёҳи Русия аст.
Сергий Богданов, сухангӯи нови Укройн ба хабаргузории Ассошиэйтед Пресс гуфтааст: "Шумори онҳо 200 нафар аст, баъзеҳо юнифурми низомӣ доранд. Онҳо мусаллаҳ нестанд ва аз суи мо гулӯлае шиллик нашудааст. Афсарон дар дохили сохтмон барои худ сангар сохтаанд."
Ӯ гуфт агарчи Киев барои низомиён иҷоза дода ба манзури дифоъ аз худ аз нерӯ истифода кунанд, "мо ин корро намекунем ва нахоҳем кард."
Гузоришҳое ҳамчунин аз рӯй додани саҳнаҳои мушобеҳ дар пойгоҳи Укройн дар Ново Озерное дар ғарби Криме расидааст.
Владислав Селезнев, сухангӯи вазорати дифоъи Укройн гуфтааст, як троктур ба дарвозаи ин пойгоҳ зада шуда ва фаъъолони ҳаводори Русия вориди он шудаанд.
"Паёмади" таҳримҳо
Рӯзи душанбе Омрико ва Иттиҳодияи Урупо шуморе аз мақомҳои Русия ва Укройнро, ки гуфтаанд бо иқдомоти Русия дар Криме иртибот доранд, мавриди таҳким қарор доданд.
Бруксел ва Кохи Сафед гуфтаанд, ин таҳримҳо пас аз он ки Русия тавофуқи илҳоқи Кримеро имзо карда, афзоиш дода хоҳанд шуд.
Маскав гуфтааст ин таҳримҳо "қобили қабул нест ва бидуни паёмад нахоҳанд монд".
Буҳрони Укройн дар моҳи ноябр пас аз он шурӯъ шуд, ки Виктор Янукович, раиси ҷумҳури вақти Укройн тасмим гирифт барои тақвияти равобит бо Маскав аз имзои паймоне иқтисодӣ бо Иттиҳодияи Урупо худдорӣ кунад.
Ӯ дар пайи нооромиҳои умумӣ 22 феврал, ки беш аз 80 нафар дар онҳо кушта шуданд, аз Укройн гурехт.
Криме аз соли 1954 бахше аз Укройн буда, аммо аксарияти ҷамъияти онро рустаборон ташкил медиҳанд.
Дар авохири моҳи феврал нерӯҳои тарафдори Русия амалан кунтрули шибҳҷазираи Кримеро ба даст гирифтанд ва сохтмонҳои давлатӣ аз ҷумла порлумонро тасарруф карданд.
Рӯзи 27 феврал нахуствазири ҷумҳурии худмухтори Криме бо раъйи адами эътимод тавассути порлумон барканор карда шуд ва Сергей Аксенов, раҳбари ҳизби тарафдори Маскав ҷойнишини ӯ шуд. Оқои Аксенов хостори баргузории ҳамапурсӣ шуд.
