Эътисоби серӯза дар пойтахти Либӣ дар эътироз ба даргириҳои хунбор

Эътисоби серӯзае дар Таробулус, пойтахти Либӣ дар эътироз ба даргириҳои хунини ахир дар он шаҳр оғоз шудааст.

Муътаризон дар талошанд то пайкорҷӯёнеро, ки аксари онҳо сокини пойтахт нестанд, халъи силоҳ карда ва аз пойтахт хориҷ кунанд.

Дар ҷараёни даргирҳои дурӯза байни пайкорҷӯён ва муътаризон дар Тоҷуро, дар ҳумаи пойтахт беш аз 40 нафар кушта ва садҳо нафар маҷруҳ шуданд.

Ин даргириҳо хунбортарини даргириҳо дар пойтахт аз соли 2011 мелодӣ дар он кишвар ба шумор меравад.

Даргирӣ рӯзи ҷумъаи (15 ноябр) ва замоне дар ин минтақа оғоз шуд, ки пайкорҷӯён ба рӯи муътаризоне, ки ба самти марокизи онҳо дар ҳаракат буданд, оташ гушуданд.

Рӯзи гузашта Алӣ Зайдон, нахуствазири Либӣ ахбори марбут ба бурузи даргириҳо дар ҳумаи Таробулусро таъйид кард.

Оқои Зайдон зимни дархости хештандорӣ аз суи гурӯҳҳои даргир гуфт, ки ба далели авзоъи вахими пойтахт ҳеҷ нерӯе аз хориҷи Таробулус набояд дар садади вуруд ба ин шаҳр бошад.

Ба гуфтаи хабарнигори Бибисӣ дар Таробулус даргириҳо ҳамзамон бо вуруди корвоне аз пайкорҷӯёни мусаллаҳ, ки зоҳиран қасд доштанд аз шаҳри Мисрота вориди маркази пойтахт шаванд, оғоз шуд.

Мисрота дар ҳудуди 200 килуметрии шарқи пойтахти Либӣ воқеъ аст.