Сафорати Фаронса дар Либӣ ҳадафи бумбгузорӣ қарор гирифт
Сафорати Фаронса дар Либӣ ҳадафи бумбгузориӣ қарор гирифтааст.
Рӯзи сешанбе, 3 урдубиҳишт (23 апрел) инфиҷоре дар баробари сафорати Фаронса дар Таробулус, пойтахти Либӣ рӯй дод, ки дар асари он ду муҳофизи ин сафоратхона захмӣ шуданд ва ба ин маҳал хисороти шадид ворид шуд.
Вазъи яке аз ду фарди захмӣ вахим гузориш шудааст.
Ба гузориши хабаргузории Фаронса ин инфиҷор, ки ҳудуди соъати 7 бомдод ба вақти маҳаллӣ рӯй дод, бахше аз девор ва сохтмони вурудии сафоратхонаро комилан тахриб ва ду худрави поркшуда дар ин маҳалро мунҳадим кардааст.
Вазорати хориҷаи Либӣ ин ҳамларо иқдоми теруристӣ тавсиф карда ва ваъда додааст, ки омилони он боздошт ва муҷозот хоҳанд шуд.
Луран Фобиус, вазири хориҷаи Фаронса бо тавсифи ин ҳамла ба унвони "ҳаракате нафратовар" гуфтааст, ки давлати Фаронса дар ҳамкорӣ бо либиёиҳо иқдомоти лозимро барои дастгирӣ ва муҳокимаи омилони ин ҳамла ба амал хоҳад овард.
Илова бар муҳавватаи сафорат ду сохтмони вилоии воқеъ дар наздикии маҳали инфиҷор ҳам осеби шадид дида ва панҷараи сохтмонҳо дар фосилаи чандсадметрии ин инфиҷор шикаста ва зоҳиран ба лӯлаи аслии оби маҳалла низ осеб расидааст.
Ба гуфтаи бархе мақомоти маҳаллӣ ба назар мерасад, ки утумубили бумбгузоришуда аз тариқи инфиҷор аз роҳи дур мунфаҷир шуда бошад ва ҳамлаи интиҳорӣ дар кор набудааст.
Либӣ дар нооромӣ
Дар мавриди омилони ин ҳамла ва ангезаи онон ҳануз гузорише дар даст нест.
Дар ҷараёни эътирозоти сиёсӣ алайҳи ҳукумати Муъаммар Қаззофӣ, раҳбари собиқи Либӣ Фаронса аз ҷумлаи кишварҳое буд, ки барои касби муҷаввизи Созмони Милал ҷиҳати ҳимояти ҳавоӣ аз мухолифони Муъаммари Қаззофӣ талоши бисёр кард ва дар амалиёти ҳавоӣ алайҳи нерӯҳои давлатӣ мушорикат дошт.
Ҳукумати Муъаммар Қаззофӣ пас аз ҳашт моҳи даргирии мусаллаҳона бо мухолифон суқут кард ва раҳбари собиқи Либӣ дар октябри соли 2011 тавассути гурӯҳе аз нерӯҳои мухолифон дастгир шуд ва ба қатл расид.
Аз замони суқути ҳукумати Муъаммар Қаззофӣ бархе манотиқи Либӣ ба хусус шаҳри Бенғозӣ дар шарқи ин кишвар шоҳиди мавориди мутаъаддиди одамрабоӣ, аххозӣ ва террур будааст, ки боис шуда бисёре аз шаҳрвандони ғарбӣ ин шаҳрро тарк кунанд.
Дар моҳи сентябр соли гузашта дар ҷараёни таҷаммуъи эътирозӣ алайҳи интишори интернетии як филми иҳонатомез нисбат ба пайғамбари ислом кунсулгарии Иёлоти Муттаҳида дар Бенғозӣ ҳадафи ҳамлаи афроди мусаллаҳ қарор гирифт ва ба оташ кашида шуд.
Дар ин ҳамла чаҳор омрикоӣ аз ҷумла сафири Иёлоти Муттаҳида дар Либӣ кушта шуд.
Ҳамчунин дар моҳи августи соли гузашта ҳафт эронии узви ҳайати эъзомии Ҳилоли Аҳмари Ҷумҳӯрии Исломӣ ба Бенғозӣ тавассути афроди мусаллаҳ дар ин шаҳр рабуда шуданд. Рабояндагон пас аз ду моҳ ин ҳафт нафарро озод карданд.
