'Силоҳҳои шимиёии Сурия таҳти кунтрул бошад, ҳамла анҷом намешавад'
Борок Убомо, раиси ҷумҳурии Омрико, дар як мусоҳибаи телевизиюнӣ эълом кард, дар сурате, ки Сурия силоҳҳои шимиёии худро таҳти кунтрули ҷомеъаи байналмилалӣ қарор диҳад, Омрико ба ин кишвар ҳамла нахоҳад кард.
Бо ин ҳол, оқои Убомо гуфт, ки ӯ шак дорад ҳукумати Сурия ин корро анҷом диҳад.
Дар ҳоле кунгреи Омрико барномаи давлат барои ҳамла ба Сурияро баррасӣ менкунад, ки Русия дар рӯзи душанбе пешниҳод дод, ки Сурия силоҳҳои шимиёиашро дар кунтрули ҷомеъаи ҷаҳонӣ қарор диҳад. Пешниҳоде ки мавриди таваҷҷуҳи Димшқ қарор гирифт.
Омрико ҳукумати Сурияро муттаҳам кард,ки дар рӯзи 21 август дар атрофи Димишқ аз силоҳи шимиёӣ истифода карда, ки ҷараёни он 1429 нафар кушта шуданд. Бештар аз чаҳорсад нафар аз онҳо кӯдак буданд.
Сурия ин иттиҳомро рад мекунад ва дар гуфтугӯ бо як телевизиюни омрикоӣ раиси ҷумҳурии Сурия гуфт, ки ӯ иттилоъе аз ҳамлаи шимиёӣ надорад.
Башор Асад дар ин гуфтугӯ ҳамчунин аз кунгреи Омрико хост, то ба барномаи ҳамла ба Сурия раъй надиҳад.
Борок Убомо дар рӯзи душанбе бо шаш шабакаии телевизиюнии омрикоӣ гуфтугӯ кард, то далоили худ барои ҳамла ба Сурияро ба мардуми Омрико шарҳ диҳад.
Гуфта мешавад, ки аъзои кунгре ба хотири он ки мардум мухолифи ин ҷанг ҳастанд, қасд доранд ба он раъйи манфӣ бидиҳанд. Ҳанӯз дар кунгре бештари намояндагон мегӯянд қасд надоранд иҷозаи ҷангро содир кунанд.
Оқои Убомо гуфта, ки ҳамла ба Сурия барои танбеҳи кишваре аст, ки аз силоҳи шимиёӣ истифода мекунад.
Дар гуфтугӯе бо шабакаи Эй-би-сӣ, оқои Убомо гуфт, ки мехоҳад мутмаъин шавад, мамнуъияти истифода аз силоҳи шимиёӣ дар ҷаҳон ҳифз мешавад.
Раиси ҷумҳурии Омрико ҳамчунин таъкид кард, ки расидан ба ин ҳадаф "барои амнияти миллии Омрико муҳим аст" ва изофа кард, ки тарҷеҳ медиҳад ин моҷаро аз тариқи диплумотик ҳал шавад."
Хабаргузории Ассушиэйтед пресс натоиҷи як назарсанҷиро мунташир карда, ки бар асоси он аз ҳар панҷ омрикоӣ танҳо як нафар фикр мекунад ҳамла ба Сурия метавонад убуҳати Омрикоро муқобили дигар кишварҳо ҳифз кунад.
Сергей Лавров, вазири хориҷаи Русия, аз давлати Сурия хоста буд, ки таслиҳоти шимиёии ин кишварро ба унвони роҳе барои ҷилавгирӣ аз ҳамла дар ихтиёри ҷомеъаи байналмилал қарор диҳад.
Оқои Лавров пас аз дидори худ бо Валид Муъаллим, вазири хориҷаи Сурия, дар Маскав дар ҷараёни кунфронсе хабарӣ ин пешниҳодро матраҳ кард.
Пештар Ҷон Керрӣ, вазири умури хориҷаи Омрико, ки дар идомаи талошҳояш дар ҷиҳати ҷалби ҳимоят барои иқдоми низомӣ алайҳи Сурия ба Ландан сафар карда, гуфта буд, ки Сурия метавонад аз ҳамлаи низомӣ ҷилавгирӣ кунад, дар сурате, ки Башор Асад, раиси ҷумҳур, тамомии таслиҳоти шимиёии ин кишварро то ҳафтаи оянда ба ҷомеъаи байналмилал таҳвил диҳад. Ӯ билофосила афзуд, ки албатта давлати Сурия чунин нахоҳад кард.
Вазорати хориҷаи Омрико каме баъд таъкид кард он чи ки оқои Керрӣ гуфта танҳо як истидлоли лафзӣ будааст.
