Hii ni tovuti ya maandishi pekee ambayo inatumia data kidogo. Tazama toleo kuu la tovuti likijumuisha picha na video zote.
Pata maelezo zaidi kuhusu toleo hili la linalotumia kiasi kidogo cha data
Takriban watu 20 wameuawa na wengine kama 30 kujeruhiwa kufuatia wimbi la mashambulizi ya Urusi nchini Ukraine usiku kucha
Na Dinah Gahamanyi
Bofya hapa ili kujiunga na chaneli yetu ya WhatsApp ikiwa unatumia simu yako ya mkononi au Wavuti ya WhatsAp
Washukiwa watatu wanasakwa baada ya watu 12 kujeruhiwa katika tukio la ufyaliaji risasi katika baa moja mjini Toronto, polisi nchini Canada wamesema.
Tukio hilo lilitokea saa nne na dakika 29 siku ya Ijumaa karibu na mtaa wa Scarborough, mashariki mwa Toronto.
Mamlaka ilisema watu sita walipata majeraha ya risasi na wengine kujeruhiwa na vifaa kama vile vioo vilivyovunjika. Hata hivyo majeraha hayakuwa ya kuhatarisha aisha.
Polisi wa Toronto walisema watu hao watatu waliingia kwenye baa hiyo na "kufyatua risasi kiholela". Walikuwa wamebeba bunduki na bastola.
Mkuu wa polisi Paul MacIntyre anasema nia ya kutekeleza tukio hilo “kwa sasa haijajulikana na tunaangalia uwezekano wa aina yoyote ule.”
Polisi walisema wanatumia rasilimali zote zilizopo kuwatafuta washukiwa hao.
Muogeleaji wa uokoaji kutoka kikosi cha walinzi wa pwani ya Amerika alimvuta mwanamke mwenye umri wa miaka 71 kutoka kwa gari lililokuwa likielekeza kwenye Mto McKenzie huko Oregon. Mhudumu wa pili wa gari alifika ufukweni peke yake.
Helikopta ilitumiwa kumshusha mwogeleaji kuelekea kwenye gari na kumpandisha mwanamke huyo hadi mahali salama. "Uokoaji ulilitatizwa na maji mengi, giza, na eneo hatari la gari hilo, ambalo lilikuwa limekwama kwenye ukingo wa mwamba katikati ya Mto McKenzie," Ofisi ya Sheriff wa Kaunti ya Lane ilisema katika chapisho kwenye Facebook.
Mwanamke huyo alipata majeraha yasiyo ya kutishia maisha na mkaaji wa pili hakujeruhiwa.
Bodi ya ligi nchini Tanzania imetangaza kuhairishwa kwa mchezo wa ligi kui bara kati ya Simba vs Yanga ulitorajiwa kupingwa leo jijini Dar es salaam.
Kwa mujibu wa taarifa iliyotolewa na bosi ya ligi mchezo huo umehairishwa ili kuweza kutoa muda wa uchunguzi juu ya tukio la vurugu usiku wa tarehe 7 Machi kwenye uwanja wa Benjamin Mkapa.
Ikumbukwe mapema leo klabu za Simba na Yanga zilitoa matamkoo juu mchezo huo ambapo Simbwa walishinikiza kutokupeleka timu baada ya kushindwa kufanya mazoezi ya mwisho kama kanuni zinavyotaka Kwa upande wa Yanga kwenye tamko walikubari kupeleka timi uwanja kama kanuni zinavyotaka.
Takriban watu 14 wameuawa na wengine kama 30 kujeruhiwa kufuatia wimbi la mashambulizi ya Urusi nchini Ukraine usiku kucha.
Hiki ndicho unachopaswa kujua kuhusu mashambulizi hayo:
Unaweza pia kusoma:
Wizara ya Sheria ya Jamuhuri ya Kidemokrasi ya Congo imeahidi kutoa dola milioni 5 kwa yeyote atakayesaidia kumkamata Corneille Nangaa, kiongozi wa muungano wa mto Kongo, Bertrand Bisimwa na Sultani Makenga - viongozi wa kiongozi wa kisiasa na kijeshi wa vuguvugu la Machi 23 (M23).
Watu wengine wawili ni waandishi wa habari wanaoishi uhamishoni, ambao pia wanalengwa , atakayewakamata akiahidiwa zawadi ya dola milioni 4.
Viongozi hao wa waasi walishtakiwa bila ya kuwepo mahakamani na kuhukumiwa adhabu ya kifo mwezi Agosti mwaka jana na mahakama ya kijeshi mjini Kinshasa kwa uhalifu wa kivita, na kusababisha uasi na uhaini.
Unaweza pia kusoma:
Takriban watu 11 wameuawa na wengine 30 kujeruhiwa katika shambulizi la Urusi katika mji wa Dobropillya, ulioko mashariki mwa mkoa wa Donetsk nchini Ukraine, mamlaka ya Ukraine imesema.
Majengo manane ya makazi na jengo la utawala yaliharibiwa katika shambulio hilo la Ijumaa, huduma ya dharura ya kikanda ziliripoti. Mji huo uko kaskazini-magharibi mwa jiji la Donetsk linaloshikiliwa na Urusi.
Ripoti hiyo pia ilisema vikosi vya Urusi vilianzisha shambulio la pili dhidi ya wahudumu wa dharura wakati walipokuwa wakipambana na moto uliowaka kutokana na shambulizi hilo.
Hii inakuja baada ya mapigano makali katika maeneo ya karibu, huku waendesha mashtaka wa Ukraine wakiripoti kuwa watano waliuawa katika mashambulizi ya Urusi Alhamisi usiku.
Unaweza pia kusoma:
Vikosi vya usalama vya Syria vinadaiwa kuwaua makumi ya watu wa jamii ya wachache ya Alawite katika mkoa wa pwani wa Latakia, kulingana na kundi la ufuatiliaji wa vita.
Shirika la Uangalizi wa Haki za Binadamu la Syria lenye makao yake makuu nchini Uingereza (SOHR) lilisema kuwa raia 162 wameuawa katika "unyongaji uwanjani" katika eneo hilo - kitovu cha rais aliyeondolewa madarakani Bashir al-Assad, ambaye pia ni mfuasi wa dhehebu la Waalawi.
Chanzo cha wizara ya mambo ya ndani kililiambia shirika rasmi la habari la nchi hiyo Sana kwamba "ukiukwaji wa haki za watu binafsi" ulifanyika kwenye pwani na kuahidi kukomesha.
Habari za BBC hazijaweza kuthibitisha madai kwamba mauaji hayo yalifanywa na vikosi vya watawala wapya wa Syria.
Unaweza pia kusoma:
Rais wa Marekani Donald Trump amesema anaona kuwa ni "vigumu ngumu zaidi, kusema ukweli, kufanya kazi na Ukraine" kuliko Urusi katika majaribio ya kuleta amani kati ya mataifa hayo mawili.
Marekani "inafanya vizuri sana na Urusi", na "inaweza kuwa rahisi kufanya kazi na" Moscow kuliko Kyiv, Trump aliwaambia waandishi wa habari katika Ofisi ya Oval siku ya Ijumaa.
Saa kadhaa mapema, Trump alikuwa amesema "anazingatia sana" vikwazo vikubwa na ushuru kwa Urusi hadi usitishaji vita na Ukraine ufikiwe.
Wakati huohuo, Marekani imesitisha kwa muda upatikanaji wa picha za satelaiti kwa Ukraine , huduma inayotolewa na kampuni ya teknolojia ya anga ya juu Maxar aliiambia BBC Verify, baada ya Trump kuwa tayari kusitisha msaada wa kijeshi kwa nchi hiyo.
Hii inakuja wiki moja baada ya mazungumzo ya ajabu ya White House , ambapo Trump alimsuta Rais wa Ukraine Volodymyr Zelensky kwa "kutoheshimu" Marekani.
Malumbano hayo ya hadharani yalifuatiwa wiki hii na Trump kusitisha misaada yote ya kijeshi ya Marekani na ushirikiano wa kijasusi na Kyiv .Urusi kisha ilifanya shambulio kubwa la kombora na ndege zisizo na rubani kwenye miundombinu ya nishati ya Ukraine Alhamisi usiku.
