Warusi wanatumia emoji kukwepa vidhibiti vya mtandaoni

Mnamo Februari 24, wakati Urusi ilipoanzisha uvamizi wake dhidi ya Ukraine, picha ilianza kuenea kwenye mitandao ya kijamii - picha ya mshairi wa Kirusi Pushkin, nambari ya saba na emoji ya "mtu anayetembea".

Kwa wale wanaojua, maana ilikuwa wazi - eneo (Pushkin Square, huko Moscow), wakati na wito wa kupinga hatua za serikali.

Emoji hizo zilirejelea msimbo uliotumiwa kwa miaka mingi nchini Urusi kurejelea maandamano - ambayo yanajulikana sana na mamlaka, si msimbo hata kidogo, kulingana na kundi la kutetea haki za binadamu la OVD-Info.

Urusi yaishambulia Ukraine:Mengi zaidi

Kwa nini utumie lugha fiche?

Maandamano yasiyoidhinishwa yamepigwa marufuku nchini humo tangu 2014 na ukiukaji wa sheria unaweza kusababisha hadi siku 15 kizuizini kwa kosa la kwanza. Wahalifu wanaorudia wanaweza kupokea vifungo vya jela hadi miaka mitano.

Tangu wakati huo, imekuwa kawaida kwa wanaharakati kutumia misemo mbalimbali ya msimbo kupanga mtandaoni.

"Ni kama, 'Twende matembezi hadi katikati,' au, 'Hali ya hewa ni nzuri kwa matembezi,'" Maria anasema. Hiki ndicho atakachotumia marafiki zake kuwafahamisha kuwa anapanga kuhudhuria maandamano.

Kilichoanza kama njia ya kukwepa vidhibiti vya serikali kimekaribia kuwa mzaha wa ndani au vibonzo(meme), Maria anaambia BBC News.

Hata hivyo, matokeo ya kutotumia lugha hii yanaweza kuwa makubwa.

Je, ni matokeo gani yanayowezekana?

Alexander alihudhuria maandamano huko Moscow, baada ya kuchapisha juu yake kwenye mitandao ya kijamii.

Asubuhi iliyofuata, maafisa waliovalia mavazi ya kawaida walimchukua nje ya jengo la mpenzi wake na kumpeleka kwa idara ya polisi ya eneo hilo. Alizuiliwa kwa siku kadhaa na kulazimishwa kutia sahihi hati iliyoorodhesha yale ambayo mamlaka ilisema alikuwa amefanya.

Hatuwezi kuwa na uhakika kuhudhuria kwake kwenye maandamano au shughuli zake za mitandao ya kijamii zilisababisha Alexander kuwekwa kizuizini. Baadaye alikamatwa kwa mara ya pili, alipokuwa akitumia usafiri wa umma Moscow, siku ambayo hakuwa amehudhuria maandamano.

BBC News imefahamu kuhusu kuzuiliwa kwingine kwa msingi wa shughuli za mitandao ya kijamii pekee, ikiwa ni pamoja na mwanamke mmoja aliyekamatwa kwa sababu ya ujumbe wa twitter

Mnamo tarehe 24 Februari, alichapisha: "Sijatembea katikati kwa muda mrefu," na akanukuu ujumbe wa twitter wa akaunti nyingine iliyo na wito wa wazi zaidi ya mkutano.

Siku tano baadaye, alikamatwa alipokuwa akipanda treni.

Anaamini kuwa aligunduliwa na programu ya utambuzi wa uso inayotumika kwenye mfumo wa Moscow Metro - na katika kesi yake ya mahakama, hati iliyo na ujumbe wake wa twitter yake iliwasilishwa, ikionyesha mamlaka ilikuwa imepiga picha ya skrini mara tu baada ya kuichapisha.

Katika kisa kingine, Niki, mwanablogu, alieleza jinsi ndugu wa rafiki yake wa karibu alivyowekwa kizuizini mara mbili - mara moja kwa saa chache baada ya kuhudhuria maandamano na mara ya pili, kwa wiki nzima, kwa kushiriki maelezo na marafiki zake kwenye VK, Urusi. sawa na Facebook.

Takriban watu 14,000 wamezuiliwa kote Urusi tangu mzozo huo uanze wiki mbili zilizopita, haswa kwa kuhudhuria maandamano kulingana na OVD-Info - ambayo inatoa ushauri wa kisheria.

Kufikia sasa, wengi wameshikiliwa kwa masaa au siku.

Je, hali inabadilika?

Sheria ilianzishwa nchini Urusi mnamo Ijumaa Machi 4, kwa lengo lililotajwa la kukabiliana na "habari za uwongo" kuhusu jeshi lakini inatarajiwa kutumika kukabiliana zaidi na maandamano ya kupinga vita - ikiwa ni pamoja na kifungo cha jela cha hadi miaka 15. , muda mrefu zaidi kuliko vikwazo vya awali.

Kwa vijana kama vile Maria, hii "tayari imebadilisha mambo, kwa sababu sasa ninaogopa kwenda kuandamana na pia ninaogopa kuchapisha kuhusu 'operesheni hii maalum' [uvamizi wa Urusi dhidi ya Ukraine]".

Na kuna dalili za wazi kukamatwa kumeongezeka tangu sheria mpya ilipoanzishwa, OVD-Info inasema.

Warusi sasa wanatuma wapi jumbe zao?

Kufungiwa kwa vyombo huru vya habari, kuzuiwa kwa Facebook na vizuizi kwa Warusi kutuma kwenye TikTok kumeondoa njia muhimu za kupata habari, mratibu wa OVD-Info Leonid Drabkin anasema, na watu watajidhibiti kwa woga.

"Sasa ukienda kwenye Instagram yako, kuna machapisho kama mara 10 machache," anasema.

Wenzake wengi wamefuta wasifu wao wa mitandao ya kijamii kabisa.

Na pamoja na adhabu kali, hii tayari imeathiri idadi ya watu "wajasiri wa kutosha kuandamana".

Majina ya baadhi ya wachangiaji yamebadilishwa ili kulinda utambulisho wao.