Nyota Lupita Nyong'o kushiriki kwenye filamu ya mcheshi Trevor Noah
Chanzo cha picha, Instagram/LupitaNyong'o
Nyota wa tuzo ya Academy Lupita Nyong'o anatarajia kushiriki katika filamu itakayo tengenezwa kutoka kwa kitabu cha 'Born a Crime' ambacho ni simulizi ya maisha ya mchekeshaji, raia wa Afrika Kusini Trevor Noah.
"Sikuweza kukiweka kitabu chini. Ninafuraha kutangaza kwamba nitahusika na kutayarisha filamu juu ya kitabu hicho!" Nyong'o alisema katika Ukurasa wake wa Instagram.
Mkala hii imebeba madhui yaliyotoka kwenye mitandao ya kijamii. Tunaomba ruhusa yako kabla kitu chochote hakija pakiwa, sababu wanaweza wakawa wanatumia Cookies na tekinolojia nyingine. Unaweza ukasoma sera sera ya kutumia cookies katika mitandao ya kijamii kabla ya kukubali. Kutazama maudhui haya chagua accept and continue
Mwisho wa Instagram ujumbe
Noah ni mtangazaji wa mojawapo ya vipindi vya runinga vyenye shinikizo kubwa Marekani, The Daily Show, alijibu kwa kusema katika ukurasa wake wa Twitter "Niko mbinguni"
Alielezea zaidi kwenye ukurasa wake wa Instagram, akisema Nyong'o -aliyekuwa mhusika katika filamu yenye mafinikio kubwa hivi karibuni ya Black Panther - "anafaa sana" kuigiza kama mama yake Noah.
"Mama yangu ni mwanamke shupavu ambaye ni rahisi sana kumuona kama mmoja ya mashujaa wa Wakanda. Kwa hiyo inafaa sana kwa mama yangu kuigwa na mrembo kama Lupita Nyong'o. Nimefurahi sana." aliandika
Kitabu cha 'Born a Crime' ni simulizi ya Noah akikulia katika enzi za ubaguzi Afrika Kusini kama mtoto wa mwanamke mweusi na baba mzungu.
