Likizo ya Halal: 'Sitaki kuona watu wasiojisitiri katika hoteli'

"Ninapenda sana kupata jua, napenda vitamini D na napenda ngozi yangu ipigwe na jua mwaka mzima. Kwa hivyo mimi kwa kweli, ninafurahia kwenda popote na kila mahali penye faragha au uwezo wa kuwa likizo, "anasema Zahra Rose.

Mshawishi huyo mwenye makao yake Uingereza anataka kuongeza furaha yake lakini pia aendelee kuwa mkweli kwa imani yake ya Kiislamu.

Amekuwa katika "siku za mapumziko" katika nchi zaidi ya 30.

Halal kwa Kiarabu inaashiria kile kinachoruhusiwa kwa mfuasi wa Uislamu. Mapumziko Halal ni mahali ambapo Waislamu wanaweza kwenda bila kuathiri imani na mazoea yao ya kidini.

Faragha

Uislamu unashika nafasi ya pili baada ya Ukristo kwa upande wa idadi ya wafuasi wa ulimwengu. Katika nchi nyingi za Kiislamu, tabaka la idadi ya watu wenye kipato cha kati inaongezeka.

Ingawa katika Ulaya Magharibi na Amerika ya Kaskazini, Waislamu wa kizazi cha pili na cha tatu wana mapato zaidi ya kutumia katika likizo – ikilinganishwa na wazazi wao.

"Tofauti kuu kati ya likizo ya kawaida na likizo ya halal kwangu ni faragha," Zahra Rose aliiambia BBC World Service Business Daily, akiongeza kuwa pia anatafuta upatikanaji rahisi wa chakula cha halal.

Ni chakula zaidi kuliko kitu kingine chochote kinachowaunganisha wasafiri wa Kiislamu. Pombe na nguruwe havitakikani.

Hacer Sucuoglu Adiguzel ni mama wa watoto watatu mwenye umri wa miaka 36 anayeishi Istanbul.

Hana tatizo la kupata likizo ya halal ndani ya Uturuki. Lakini wakati wowote familia inaposafiri kwenda nchi zisizo za Kiislamu, lazima wafanye utafiti na mipango mingi.

"Hivi karibuni tulihamia Macedonia na Kosovo. Tulikula kifungua kinywa katika hoteli yetu na chakula cha mchana, tulienda kwenye maeneo ya kitamaduni ambako hawauzi chakula na pombe."

Husali mara tano kwa siku kulingana na maadili ya Kiislamu.

"Katika hoteli za halal, hutoa mikeka ya maombi. Kama tutakaa katika hoteli za kawaida, nasafiri na mkeka wa maombi," anasema.

"Sitaki kuona watu wakiwa watupu katika hoteli. Tunataka watoto wetu wawe pamoja na watu wanaofuata imani na utamaduni wetu. Hatutaki kuwapeleka kwenye fukwe ambako watu wanaonekana wakiwa uchi."

Hacer anawafundisha wanawake katika ujasiriamali wa mtandaoni na vyombo vya habari vya kijamii. Anahisi sekta ya utalii bado haijaingia kikamilifu katika uwezekano wa likizo za halal.

Soko kubwa

Kwa mujibu wa taasisi ya Global Muslim Travel Index, safari ya halal ilikuwa na thamani ya dola bilioni 220 mwaka 2022.

Kampuni nyingine zinajikita katika utalii wa halal wakati zingine zinaongeza kama chaguo.

Taifa la kisiwa cha kitropiki la Maldives linajulikana kwa hoteli za kipekee zinazolenga wateja wa Magharibi lakini sasa linashuhudia kuongezeka kwa watalii Halal kutoka duniani kote

"Maldives ni nchi ya Kiislamu na tuna utalii rafiki wa Waislamu," anasema Waziri wa Utalii wa kisiwa hicho, Dk Abdulla Mausoom. "Na sekta hii inakua kwa kasi sana."

Dkt Mausoom anasema robo ya vitanda vyote vya hoteli sasa vimetengwa kwa ajili ya utalii wa ndani au wa ndani.

Kwa mujibu wa sheria, hoteli zote lazima ziwe na misikiti kwa ajili ya wafanyakazi kuomba. Dkt Mausoom anasema idadi kubwa ya watalii wanaitumia pia.

"Maeneo mengi ya mapumziko yana mazingira rafiki ya Waislamu kwa suala la mgao wa chumba, muundo wa chumba, na pia katika suala la vyakula," anasema.

Utalii unachangia zaidi ya robo ya pato la uchumi wa nchi.

Marekebisho

Nchi nyingi za Kiislamu zinaongoza kwa idadi ya wasafiri Waislamu cha mwaka 2023. Indonesia na Malaysia zinaongoza kwa idadi ya watalii wa Kiislamu.

Ni nchi mbili tu zisizo za Kiislamu zilizoingia kwenye orodha hiyo - Singapore inashikilia nafasi ya 11 huku Uingereza ikiwa katika nafasi ya 20.

Hoteli ya nyota tano ya Landmark huko London ilifunguliwa mnamo 1899 na sasa inatoa nyama ya halal. Wafanyakazi wa hoteli pia wanafundishwa kuhusu uelewa wa dini na utamaduni wa Mashariki ya Kati,

"Tuna vinywaji vya pombe pamoja na vinywaji visivyo vya pombe. Katika baa, unaweza kuwa na kinywaji mchanganyiko maarufu kisicho na kilevi , "anasema Magdy Rustum, mkurugenzi wa mauzo kwa Mashariki ya Kati.

"Tuna milango miwili. Mlango wa kaskazini wa hoteli ni wa kibinafsi.

"Familia zetu nyingi za Mashariki ya Kati, hasa wanawake, hawapendi kuonekana kwa hivyo wanatokea kwenye mlango wa kaskazini.

"Pia kuna lifti maalum ambayo huwapeleka moja kwa moja kwenye vyumba vyao kwa hivyo hakuna mtu anayeweza kuwaona."

Ukumbi mkubwa wa sherehe wa hoteli hunaotumika kwa ajili ya harusi na unaweza kugawanywa kwa wageni wa kiume na wa kike kulingana na desturi ya Kiislamu.

Lakini marekebisho haya yote yanagharimu pesa – jambo ambalo mshawishi Zahra Rose anakubali.

"Najua kwa ukweli kwamba faragha huja kwa gharama kubwa kuliko likizo za kawaida," anasema.

"Ni rahisi sana, kulipia mapumziko ambapo kuna mabwawa mchanganyiko au kwamba hakuna faragha ya bwawa lako mwenyewe au veranda kibinafsi.

"Kwa hivyo ndio, nasema kuwa kuna tofauti ya bei."