Tuliingia kwa urahisi, wasema wanajeshi wa Ukraine waliohusika katika uvamizi dhidi ya Urusi

James Waterhouse

Mwandishi wa BBC Ukraine katika kanda ya Sumy

Ingawa "Z" inaweza kuwa ishara ya Urusi ya uvamizi wake, pembetatu inawakilisha jaribio la ujasiri zaidi la Ukraine la kuiondoa.

Zimepachikwa au kupakwa rangi kando ya kila lori la usambazaji, tanki, au magari ya kubeba wanajeshi ambao wanaelekea mpaka wa Urusi katika eneo la Sumy.

Ni shambulio ambalo limeteka mamia ya kilomita za mraba za eneo la Urusi na kurejesha kasi na ari ya juhudi za vita vya Ukraine.

Afisa wa Urusi anayesimamia eneo la mpaka la Kursk amezungumza juu ya makazi 28 chini ya udhibiti wa Ukraine na karibu Warusi 200,000 wamekimbia makazi yao.

Tomash amerejea hivi punde kutoka kwa misheni ya kuvuka mpaka ya Ukraine pamoja na swahiba wake “Accord”, ambaye bila kujali anasema ni “poa”.

Kitengo chao cha ndege zisizo na rubani kilikuwa kimetumia siku mbili kutengeneza njia ya uvamizi wa mpaka.

“Tulipewa maagizo ya kuja hapa, lakini hatukujua hilo lilimaanisha nini,” Tomash anakiri anaposimama ili kunywa kahawa kwenye kituo cha mafuta.

"Tulikandamiza njia za adui za mawasiliano na ufuatiliaji mapema ili kusafisha njia."

Haijulikani ni kiasi gani hasa cha eneo la Urusi kimetwaliwa, ingawa kuna shaka juu ya madai ya Kamanda Mkuu Oleksandr Syrksyi kwamba kilomita za mraba 1,000 ziko chini ya udhibiti wa Ukraine .

Wizara ya ulinzi ya Urusi ilisisitiza Jumanne kwamba majaribio ya Ukraine ya kutaka kuingia ndani zaidi yamezuiliwa lakini imethibitishwa kuwa si sahihi hapo awali.

Vyovyote na itakavyokuwa inaonekana Kyiv amejitolea kwa kamari hii ya kijeshi.

Kiwango cha shughuli katika eneo jirani la Sumy ni jambo ambalo sijaona tangu ukombozi wa 2022, wakati kulikuwa na hali ya upepo katika meli za Ukrainia.

Bila shaka ni jambo la kuvutia kutoka kwa vita vikali vya miezi 18 iliyopita, lakini kukiita hiki kama jambo la kufaulu au kutofaulu itakuwa mapema.

Lengo la mashambulizi haya halieleweki, ingawa Rais Volodymyr Zelensky amezungumzia kulenga maeneo ambayo Urusi inaweza kuanzisha mashambulizi dhidi ya Ukraine na kuleta "amani ya haki" karibu.

Lakini ni dhahiri Kyiv inawapeleka huko baadhi ya wanajeshi wake bora.

Askari wanaoonekana kuwa sawa kimwili wanakusanyika karibu na magari yanayolingana na misuli yao. Wengi wanakataa kuzungumza . Wengine wanaonekana wamechoka.

Kupitia programu ya kutuma ujumbe ya Telegraph, mwanajeshi ambaye bado yuko Urusi anatuambia kwamba misheni hii ya kupangwa kwa miezi kadhaa imeanza kulazimisha Moscow kuhamisha wanajeshi kutoka sehemu zingine za mstari wa mbele nchini Ukrainia.

"Hatua ya kuwashtukiza ilifanya kazi," anasema. "Tuliingia kwa urahisi na upinzani na kukumbana tu na mdogo. Mnamo tarehe 6 Agosti, vikundi vya kwanza vilivuka usiku kwa njia kadhaa.

"Karibu mara moja walifika viunga vya magharibi mwa jiji la Sudzha," anaongeza.

Kwa operesheni kama hii, usiri unawafaa askari wanaozifanya. Hilo haliwezi kusemwa kwa raia.

Katika pande zote mbili za mpaka, makumi ya maelfu wanahamishwa baada ya kuongezeka kwa mashambulizi ya anga na mapigano.

“Raia wa Urusi tunaokutana nao hawatupingi,” aeleza askari huyo. "Hatuwagusi, lakini wanatutendea kwa ukali, vibaya, au hawasemi nasi kabisa."

"Pia wanatudanganya kuhusu waliko wanajeshi wa Urusi," anaongeza.

Wanajeshi tunaozungumza nao kuthibitisha kwamba vikosi vya Urusi vimetumwa tena kutoka mstari wa mbele wa mashariki, ikiwa ni pamoja na kuelekea Kharkiv, Pokrovsk na Toretsk.

Lakini hakuna hata mmoja wao anayeripoti kupungua kwa hatua ya Urusi, bado.

Vladimir Putin ameahidi "jibu linalostahili" kwa kutekwa kwa kwanza kwa eneo la Urusi tangu Vita vya pili vya Dunia .

Lakini woga wowote aliokusudia kueneza haujafika kwenye maeneo ya mpakani yenye vumbi ambayo mara kwa mara yanapigwa mabomu na majeshi yake.

Misha na rafiki yake Valera wanatupitisha kwenye Lada yao ya machungwa katika kijiji cha Stetskivka.

"Nataka waichukue [eneo la Kursk] na kufanya hivi!" anasema Misha, akifanya ishara kwa mikono yake.

"Wanapaswa kuchukua kila kitu, hata Moscow!"

Ni hasira iliyojikita katika kukaribia mwisho wa uvamizi kamili wa Urusi ambao ulianza mnamo Februari 2022.

"Urusi ilishambulia kwanza, sio sisi," anachangia Valera akiwa amefungulia dirisha lake. "Sasa vijana wetu wamejibu na kuonyesha kile tunachoweza. Tungeikamata mapema kama tungekuwa na ruhusa.”

Ukraine, inaonekana, hatimaye ina ruhusa ya nchi za Magharibi iliyokuwa ikitamani kuvuka mpaka na kuingia Urusi.

Vigingi bado viko juu sana, kama inavyoonyeshwa na ulinzi mpya unaojengwa kwenye viunga vya jiji la Sumy.

Hadi wiki iliyopita, eneo hilo lilikuwa likihofia mashambulizi ya Urusi kaskazini mwa Ukraine. Ikiwa uvamizi wa Ukraine utashindwa, wasiwasi huo unaweza kufikiwa haraka.

Vikosi vya Ukraine vilikuwa, na bado vimezidiwa kwa idadi na na wavamizi wa Urusi.

"Ili sisi tuendelee kushikilia eneo hili la Urusi tunahitaji mambo mawili," anaandika askari wetu wa Ukraine kwenye ardhi ya adui.

"Miji zaidi kama Sudzha chini ya udhibiti wetu, na wapiganaji zaidi," anasema.

"Mstari wetu wa mbele tayari umeanza kukatika, na haijulikani wazi tutawapata wapi wapiganaji zaidi."

Kwa Kyiv, mantiki au matumaini ni kwamba Urusi inalazimishwa kubadili mwelekeo kutoka kwa mapigano katika ardhi ya Ukraine hadi yake yenyewe.

Baadhi ya watu Ukraine wanaamini kwamba hatua hii ya kukabiliana na mashambulizi inaweza hata kuongeza msimamo wake katika mazungumzo yoyote ya amani yajayo.

Inaweza vile vile ,hata hivyo ikasukuma mazungumzo hata mbali zaidi.

Ripoti ya ziada ya Hanna Chornous, Sophie Williams na Anastasiia Levchenko. Tafsiri imefanywa na Yusuf Jumah