Kasri la Balmoral: Nyumba ya Scotland iliyopendwa na Malkia

Usomaji maandishi tu kupunguza gharama za data

ggg — Maelezo ya picha, Malkia na Philip huko Balmoral katika kumbukumbu ya miaka 25 ya ndoa 1972

9 Septemba 2022

Mapenzi ya Malkia katika nyumba yake ya Balmoral huko Royal Deeside yalijulikana sana.

Alitumia majira mengi ya kiangazi katika shamba la ekari 50,000 huko Aberdeenshire, kwa kawaida akiwa na mume wake mpendwa Philip pamoja na familia yake.

Ikiwa imezungukwa na mashamba, Kasri la Balmoral ndipo alipotumia mapumziko mengi kufurahia kuanzia kutembelea babu na bibi yake Mfalme George V na Malkia Mary akiwa mtoto mdogo, hadi miezi ya mwisho ya maisha yake.

ggg — Maelezo ya picha, Malkia na Prince Philip wakiwa na watoto Princess Anne, Prince Andrew na Prince Charles (kushoto kwenda kulia) katika uwanja wa Balmoral 1960.

Aliandaa sherehe nyingi za kifalme huko na alifurahia kutazama matukio kwenye uwanja wa Michezo ya Braemar iliyo karibu na washiriki wengine wa Familia ya Kifalme.

Alitumia muda mwingi wa miaka ya mwisho ya Philip kukaa pamoja naye huko Balmoral - walibaki huko pamoja wakati wa marufuku ya kutotoka nje na walitumia kumbukumbu ya miaka 73 ya harusi Novemba 2020.

Balmoral imekuwa moja ya makazi ya Familia ya Kifalme ya Uingereza tangu 1852, wakati ardhi hiyo nakasri la asili liliponunuliwa kutoka kwa familia ya Farquharson na Prince Albert, mume wa Malkia Victoria.

Nyumba hiyo kipindi hicho ilionekana kuwa ndogo sana na Jumba la sasa la Balmoral liliamuriwa kujengwa.

ggg — Maelezo ya picha, Jumba la Balmoral limekuwa makazi ya Familia ya Kifalme tangu 1852

Jumba lenyewe ni mfano wa usanifu wa Kiskoti na imeainishwa katika Historia ya Mazingira ya Scotland kama jengo lililoorodheshwa la kitengo A. Kasri mpya ilikamilishwa mnamo 1856 na kasri ya zamani ilibomolewa muda mfupi baadaye.

Skip Iliyosomwa zaidi and continue reading

Iliyosomwa zaidi

End of Iliyosomwa zaidi

Inabaki kuwa mali binafsi ya Malkia na sio sehemu ya ardhi ya taji la umalkia

Ni shamba linalofanya kazi, ikijumuisha sehemu ya kutungua ndege grouse moors, misitu na mashamba, pamoja na mifugo kama ng'ombe na farasi.

Familia ya Kifalme ilikuwa Balmoral wakati Princess Diana alipofariki mnamo Agosti 31, 1997.

ggg — Maelezo ya picha, Baada ya kuhudhuria ibada binafsi katika Kanisa la Crathie, Malkia na Familia ya Kifalme wanasimama kutazama heshima za maua zilizoachwa kwa Princess Diana, kwenye lango la Jumba la Balmoral, Septemba 1997.

Jumapili asubuhi baada ya kifo chake, Malkia na Mwanamfalme Charles akiwa watoto na wake William na Harry walihudhuria ibada ya kanisa karibu na Crathie Kirk.

Wakiwa njiani kuelekea nyumbani waliangalia heshima na ujumbe wa maua ulioachwa na umma.

Hizi ni baadhi ya picha zingine za Malkia na familia yake huko Balmoral kwa miaka mingi: