Kifo cha Malkia Elizabeth II: Familia ya Kifalme na mpangilio wa urithi

Malkia Elizabeth II ndiye Malkia aliyetawala kwa muda mrefu zaidi katika historia ya Uingereza.

Alikuwa na watoto wanne, wajukuu wanane na vitukuu 12.

Alifariki dunia Septemba 8 baada ya miaka 70 kwenye kiti cha enzi na anarithiwa na mtoto wake mkubwa, Charles.

Jua zaidi kuhusu Familia ya Kifalme na safu ya mfululizo hapa chini.

Malkia na mwanamfalme Philip, Duke wa Edinburgh

Malkia Elizabeth II ndiye Malkia aliyekaa muda mrefu zaidi nchini Uingereza, akiwa ametawala kwa miaka 70.

Alikuwa na umri wa miaka 96 alipofariki tarehe 8 Septemba 2022. Alizaliwa mwaka wa 1926, Mwanamfalme Elizabeth akawa malkia baada ya kifo cha baba yake, Mfalme George VI, mwaka wa 1952. Aliolewa na Philip, Duke wa Edinburgh, mwaka wa 1947 na wanandoa hao walikuwa na watoto wanne: Charles, Anne, Andrew na Edward

Mkuu wa zamani wa Denmark na Ugiriki, Mwanamfalme Philip alizaliwa mnamo 1921 na alihudumu katika Jeshi la Wanamaji la Kifalme katika Vita vya Pili vya Dunia.

Alikuwa mwenza aliyehudumu kwa muda mrefu zaidi ya yeyote yule katika familia ya kifalme Uingereza, na alistaafu kutoka ofisi za kifalme mnamo 2017 akiwa amekamilisha shughuli zaidi ya 22,000 yeye peke yake.

Alifariki dunia mnamo Aprili 9, 2021.

Mpangilio wa urithi

Charles amekuwa Mfalme

Alizaliwa: 1948

Mtoto mkubwa wa Malkia amekuwa Mfalme Charles III.

Mkuu wa zamani wa Wales alifunga ndoa na Lady Diana Spencer, ambaye alikuja kuwa binti mfalme wa Wales, tarehe 29 Julai 1981. Wanandoa hao walikuwa na wana wawili, William na Harry.

Baadaye walitengana na ndoa yao ikavunjika mwaka 1996. Tarehe 31 Agosti 1997, binti mfalme huyo alifariki katika ajali ya gari huko Paris.

Alimuoa Camilla Parker Bowles mnamo 9 Aprili 2005.

1.Mwanamfalme William, Duke wa Cornwall na Cambridge

Alizaliwa: 1982

Mwanamfalme William ndiye mwana mkubwa wa Mfalme wa sasa Charles III na Diana, binti mfalme wa Wales, na sasa ndiye wa kwanza kwenye kiti cha enzi.

Duke alikuwa na umri wa miaka 15 wakati mama yake anafariki.

Alienda kusoma katika Chuo Kikuu cha St Andrews, ambapo alikutana na mke wake mtarajiwa, Kate Middleton.

Wanandoa hao walioana mwaka wa 2011. Katika siku yake ya kuzaliwa ya 21 aliteuliwa kuwa Mshauri wa Jimbo - akisimamia kwa niaba ya Malkia katika hafla rasmi.

Yeye na mke wake walipata mtoto wao wa kwanza, George, mnamo Julai 2013, wa pili, Charlotte, mwaka wa 2015 na wa tatu, Louis, mwaka wa 2018.

Mwanamfalme huyo alipata mafunzo ya Jeshi, Royal Navy na RAF kabla ya kutumia miaka mitatu kama mtafutaji na mwokoaji wa kituo cha RAF Valley huko Anglesey, Wales kaskazini.

Pia alifanya kazi kwa muda kwa miaka miwili kama rubani mwenza na Ambulensi ya Air Anglian ya Mashariki pamoja na majukumu yake ya kifalme.

Aliacha jukumu hilo mnamo Julai 2017 ili kuchukua majukumu zaidi ya kifalme kwa niaba ya Malkia na Duke wa Edinburgh.

Akiwa mrithi wa kiti cha enzi, kazi zake kuu ni kumuunga mkono Mfalme katika ahadi zake za kifalme.

2. Mwanamfalme George wa Cornwall na Cambridge

Alizaliwa: 2013

Mwanamfalme George wa Cornwall na Cambridge alizaliwa mnamo 22 Julai 2013 katika Hospitali ya St Mary's huko London.

Mwanamfalme William alikuwepo wakati wa kuzaliwa kwa mwanawe, ambaye alikuwa na uzito wa 8lb 6oz (3.8kg).

Mwanamfalme George ni wa pili katika mpangilio ya orodha ya warithi, baada ya baba yake.

3. Mwanamfalme Charlotte wa Cornwall na Cambridge

Alizaliwa: 2015

Duchess wa Cornwall na Cambridge alijifungua mtoto wake wa pili, msichana, tarehe 2 Mei 2015, tena katika Hospitali ya St Mary's.

Duke alikuwepo wakati wa kuzaliwa kwa mtoto wake aliyekuwa na uzito wa 8lb 3oz (kilo 3.7).

Duke na duchess walimpa jina Charlotte Elizabeth Diana.

Yeye ni wa tatu kwenye kiti cha enzi, baada ya baba yake na kaka yake mkubwa, na anajulikana kama Malkia wa Kifalme Charlotte wa Cornwall na Cambridge

4. Mwanamfalme Louis wa Cornwall na Cambridge

Alizaliwa: 2018

Duchess wa Cornwall na Cambridge alijifungua mtoto wake wa tatu, mvulana mwenye uzito wa 8lbs 7oz, mnamo 23 Aprili 2018, katika Hospitali ya StMary's huko London.

Duke alikuwepo wakati wa kuzaliwa kwa Louis Arthur Charles, ambaye ni wa nne katika mpangilio wa urithi.

5. Mwanamfalme Harry, Duke wa Sussex

Alizaliwa: 1984

Mwanamfalme Harry alipata mafunzo katika Chuo cha Kijeshi cha Kifalme Sandhurst na akaendelea kuwa Luteni katika Jeshi, akihudumu kama rubani wa helikopta.

Katika miaka yake 10 katika jeshi, Kapteni Wales, kama alivyojulikana, alishuhudia shughuli zinavyoendelea moja kwa moja nchini Afghanistan mara mbili, mnamo 2012 hadi 2013 kama rubani mwenza wa helikopta ya Apache na mwanajeshi.

Aliacha Jeshi mwaka 2015 na sasa anaangazia kazi za hisani, ikiwa ni pamoja na uhifadhi barani Afrika na kuandaa Michezo ya Invictus kwa wanajeshi waliojeruhiwa.

Amekuwa Mshauri wa Jimbo tangu siku yake ya kuzaliwa ya kutimiza miaka 21 na alisimamia kwa niaba ya Malkia katika majukumu rasmi.

Alioa mwigizaji wa Marekani Meghan Markle mnamo 19 Mei, 2018, katika kasri la Windsor.

Mnamo Januari 2020, wanandoa wa kifalme walisema wataachia majukumu yao kama ''waandamiz'' wa familia ya kifalme na kugawanya muda wao kati ya Uingereza na Amerika Kaskazini.

Walisema walikuwa na nia ya''kufanya kazi ili kujitegemea kifedha''.

Zaidi ya mwaka mmoja baadaye, Ikulu ya Buckingham ilithibitisha kwamba wanandoa hao hawatarudi katika majukumu yao ya kifalme, na wangeacha nafasi zao za heshima kijeshi na wafadhili wa kifalme.

6. Archie Harrison Mountbatten-Windsor

Alizaliwa: 2019

Mtoto wa kwanza wa Sussex, Archie Harrison Mountbatten-Windsor, alizaliwa tarehe 6 Mei 2019, akiwa na uzito wa 7lbs 3oz, na duke alikuwepo wakati manawe anazaliwa.

Kwa kumtaja kama walivyofanya, wenzi hao walichagua kutotumia jina la urithi kwa mzaliwa wao wa kwanza.

Jina hilo lilipotangazwa, mwandishi wa BBC wa kifalme Jonny Dymond alisema uamuzi huo ni ishara tosha kwamba wanandoa hao hawakutaka kumlea kama mfalme rasmi.

7. Lilibet Diana Mountbatten-Windsor

Alizaliwa: 2021

The Duchess of Sussex alijifungua mtoto wake wa pili huko Santa Barbara, California, tarehe 4 Juni 2021. Lilibet Diana Mountbatten-Windsor - anayejulikana kama Lili - amepewa jina la utani la Familia ya Kifalme kwa Malkia na ni mjukuu wake wa 11.

Aliitwa Diana kama jina lake la katikati kwa heshima ya mama wa Mwanamfalme Harry, ambaye alifariki katika ajali ya gari mnamo 1997 alipokuwa na umri wa miaka 12.

8. Duke wa York

Alizaliwa: 1960

Mwanamfalme Andrew, wa nane katika orodha ya urithi wa kiti cha enzi, alikuwa mtoto wa tatu wa Malkia na Duke wa Edinburgh - lakini wa kwanza kuzaliwa na mfalme aliyetawala kwa miaka 103.

Alitajwa kuwa Duke wa York kwenye ndoa yake na Sarah Ferguson, ambaye alikua Duchess wa York, mwaka wa 1986. Walikuwa na binti wawili - Beatrice, mwaka wa 1988, na Eugenie, mwaka wa 1990. Mnamo Machi 1992 ilitangazwa kuwa duke na duchess watatengana.

Walitalikiana mwaka wa 1996. Duke alihudumu kwa miaka 22 katika Jeshi la Wanamaji la Kifalme na kushuhudia hali ilivyokuwa katika Vita vya Falklands mnamo 1982. Mbali na shughuli za kifalme, aliwahi kuwa mwakilishi maalum wa biashara kwa serikali hadi 2011. Mwanamfalme Andrew aliachana na majukumu ya kifalme mwaka wa 2019 baada ya mahojiano na BBC kuhusu uhusiano wake na mfadhili wa Marekani Jeffrey Epstein, ambaye alijiua wakati akisubiri kesi ya mashtaka ya biashara ya ngono na kula njama.

Mnamo Februari, alikubali kulipa kiasi ambacho hakikutajwa ili kusuluhisha kesi ya unyanyasaji wa kijinsia iliyoletwa dhidi yake nchini Marekani na mmoja wa wahasiriwa wa Epstein, ingawa hakukiri kuwajibika na alikuwa amekanusha madai hayo mara kwa mara.

9. Mwanamfalme Beatrice

Alizaliwa: 1988

Binti mfalme Beatrice ni binti mkubwa wa Prince Andrew na Sarah, Duchess wa York.

Jina lake kamili ni Malkia Binti mfalme Beatrice wa York.

Hana jina rasmi la ukoo, lakini anatumia jina la York.

Aliolewa na mfanyabiashara tajiri Edoardo Mapelli Mozzi katika kanisa la Royal Chapel of All Saints huko Royal Lodge, Windsor, mnamo Julai 2020.

Wenzi hao walikuwa wakitarajiwa kuoana Mei, lakini virusi vya corona vilichelewesha mipango hiyo.

10. Sienna Elizabeth Mapelli Mozzi

Alizaliwa: 2021

Binti mfalme Beatrice alipata mtoto wa kike, Sienna Elizabeth, mnamo Septemba 2021, ambaye ni wa 10 kwenye kiti cha urithi na ni mjukuu wa 12 wa Malkia.

Binti mfalme pia ni mama wa kambo wa mtoto wa Mapelli Mozzi anayeitwa Christopher Woolf, maarufu kama Wolfie, kutoka kwa uhusiano wake wa awali na Dara Huang.

11. Binti mfalme Eugenie

Alizaliwa: 1990

Binti mfalme Eugenie ni binti mdogo wa Prince Andrew na Sarah, Duchess wa York.

Jina lake kamili ni Malkia binti mfalme Eugenie wa York na ni wa 11 kwenye orodha ya warithi.

Kama dada yake Binti mfalme Beatrice, hana jina rasmi, lakini anatumia York.

Aliolewa na mpenzi wake wa muda mrefu Jack Brooksbank Windsor Castle mnamo 12 Oktoba 2018.

12. August Philip Hawke Brooksbank

Alizaliwa: 2021

Mtoto wa Binti mfalme Eugenie na Jack Brooksbank, August, alizaliwa tarehe 9 Februari 2021, na ni mjukuu wa tisa wa Malkia.

13. Earl wa Wessex

Alizaliwa: 1964

Mwanamfalme Edward alipewa jina la Earl wa Wessex na Viscount Severn kwenye ndoa yake na Sophie Rhys-Jones mwaka 1999.

Wanandoa hao wana watoto wawili, Lady Louise, aliyezaliwa mwaka wa 2003, na James, Viscount Severn, aliyezaliwa 2007.

Baada ya muda mfupi na jeshi la Kifalme, alianzisha kampuni yake ya TV.

Sasa anamuunga mkono Malkia katika majukumu yake rasmi na anafanya shughuli za umma kwa ajili ya misaada.

Yeye ni wa 13 katika orodha ya warithi.

14. James, Viscount Severn

Alizaliwa: 2007

Viscount Severn ni mtoto mdogo wa Earl na Countess wa Wessex.

Wanandoa hao waliamua kuwapa watoto wao majina ya ''kawaida'' vijana na binti wa earl, badala ya mtindo wa mwana au binti mfalme.

Inafikiriwa uamuzi huu ulifanywa ili kuepuka baadhi ya mizigo ya vyeo vya kifalme.

15. Lady Louise

Alizaliwa: 2003

Alizaliwa 2003, Lady Louise Windsor ndiye mtoto mkubwa wa Earl na Countess wa Wessex.

Hata hivyo, yuko chini katika orodha ya urithi kuliko kaka yake mdogo kwa sababu alizaliwa kabla ya sheria kuanza kutumika iliyoondoa mfumo uolimaanisha kuwa mtoto wa kiume mdogo anaweza kuchukua nafasi ya binti mkubwa.

16. Princess Royal

Alizaliwa: 1950

Anne, Princess Royal ni mtoto wa pili wa Malkia na binti pekee.

Alipozaliwa alikuwa wa tatu katika orodha ya warithi, lakini sasa ni wa 16.

Alipewa jina la Princess Royal mnamo Juni 1987. Princess Anne ameolewa mara mbili.

Mume wake wa kwanza Kapteni Mark Phillips ni baba wa watoto wake wawili, Peter na Zara, wakati mume wake wa pili ni Makamu wa Admirali Timothy Laurence.

Binti mfalme alikuwa wa kwanza mtoto wa kifalme kutumia jina la ukoo Mountbatten-Windsor katika hati rasmi, kwenye sajili ya ndoa baada ya harusi yake na Kapteni Phillips.

Alishindana katika hafla za wapanda farasi Uingereza katika Olimpiki ya Montreal ya 1976 na anajihusisha na mashirika kadhaa ya kutoa misaada, pamoja na Save the Children, ambako amekuwa rais tangu 1970.

17. Peter Phillips

Alizaliwa: 1977

Peter Phillips ndiye mjukuu mkubwa wa Malkia.

Alimuoa Canada Autumn Kelly mwaka wa 2008 na kwa pamoja wana binti wawili, Savannah, aliyezaliwa mwaka wa 2010, na Isla, aliyezaliwa mwaka wa 2012.

Watoto wa Princess Royal hawana vyeo vya kifalme, kwa sababu wanatoka kwa mtoto wa kike.

Mark Phillips alikataa ofa ya kutumia jina la earl alipomuoa hivyo basi, watoto wao hawana vyeo vya heshima.

Peter Phillips na mkewe walitangaza kuwa wanatalikiana mnamo Februari 2020.

18. Savannah Phillips

Alizaliwa: 2010

Savannah, aliyezaliwa mwaka wa 2010, ni binti mkubwa wa Peter na Autumn Phillips na alikuwa mjukuu wa kwanza wa Malkia.

19. Isla Phillips

Alizaliwa: 2012

Isla, aliyezaliwa mnamo 2012, ni binti wa pili wa Peter na Autumn Phillips.

20. Zara Tindall

Alizaliwa: 1981

Zara Tindall alimfuata mama yake na baba yake kwa kazi yenye mafanikio makubwa ya kupanda farasi - ikiwa ni pamoja na kushinda medali ya fedha katika Olimpiki ya London 2012.

Aliolewa na mchezaji wa zamani wa raga wa Uingereza Mike Tindall mwaka wa 2011 na wanandoa hao walipata mtoto wao wa kwanza, Mia Grace, mwaka wa 2014.

Watoto wa Princess Royal hawana cheo cha kifalme, kwa vile wanatoka kwa mrithi wa kike, lakini yeye anasalia kuwa wa 20 kwenye orodha ya warithi wa kiti cha enzi.

Baba yao, Mark Phillips, alikataa ofa ya kutumia jina la earl alipomuoa Princess Anne, hivyo basi, watoto wao hawana vyeo vya heshima.

21. Mia Grace Tindall

Alizaliwa: 2014

Mjukuu wa Malkia, Zara Tindall alijifungua mtoto wake wa kwanza, Mia Grace, mnamo Januari 2014.

22. Lena Elizabeth Tindall

Alizaliwa: 2018

Mtoto wa pili wa wanandoa hao alizaliwa mnamo 18 Juni 2018 katika Kitengo cha Uzazi cha Stroud, Gloucestershire, akiwa na uzito wa 9lb 3oz.

Lena Elizabeth alipewa jina la heshima la bibi yake mkubwa.

Kama dada yake, Lena Elizabeth hana jina la kifalme na atajulikana kama Miss Tindall.

23. Lucas Philip Tindall

Alizaliwa: 2021

Mwana wa Zara na Mike Tindall, Lucas Philip, mtoto wao wa tatu - mjukuu wa 10 wa Malkia - alizaliwa tarehe 21 Machi 2021 akiwa na uzito wa 8lbs 4oz.