Nyumba 8 zenye muundo wa ajabu zaidi duniani

Kutoka Jaipur hadi Whistler, nyumba nane za ajabu, zilizoshinda tuzo ambazo ni nzuri na zisizo na nishati.

Muundo wa "Passive home" unahusu jengo linalohitaji nishati kidogo linaloundwa kutumia nishati ya jua na kuweka halijoto ya ndani ya nyumba yenye mahitaji ya nishati kidogo ya kupasha joto au kupoeza.

Ni mandhari inayojirudia katika wasanifu walioorodheshwa wa Tamasha la Usanifu Ulimwenguni.

Mkurugenzi wa programu Paul Finch anaiambia BBC Culture kwamba ameona "wasiwasi mkubwa zaidi wa uendelevu, unaoakisiwa pia katika utumiaji wa nyenzo zinazofaa kwa mazingira na kupitishwa kwa kanuni za muundo wa nyumba".

Hufanyika kila mwaka kwa muda wa siku tatu, tamasha hili na tamasha dada Miundo ya Ndani ya Ulimwengu hutoa uchunguzi wa kimataifa wa maendeleo ya usanifu wa mambo ya ndani mtawalia.

Takribani wasanifu 550 walioorodheshwa huwasilisha miradi yao kwa jopo la majaji, kutoka kwa wasanifu majengo na wabunifu wa mambo ya ndani hadi wahandisi.

Tamasha hilo hufanyika katika miji kote ulimwenguni - la mwisho lilifanyika katika kituo cha maonyesho huko Marina Bay Sands nchini Singapore.

Katika siku ya mwisho, wasanifu walioorodheshwa huwasilisha miradi yao kwa paneli lingine na kushindania tuzo zifuatazo: Jengo la Dunia la Mwaka, Mazingira ya Mwaka, Mradi wa Wakati Ujao wa Mwaka na Usanifu wa Ndani wa Mwaka.

"Nyumba nyingi zilizoorodheshwa na majengo ya kifahari zilichukua mtazamo wa kufikiria kwa maeneo na vikwazo vyake mbalimbali, na kugeuza matatizo kuwa fursa.

Mara kwa mara walijumuisha vipengele vinavyowezekana vya mandhari na kutumia mwanga wa asili," anasema Finch.

"Kuna shauku kubwa ya kujua ni nishati kiwango gani inatumika wakati wa kutengeneza vifaa," anaongeza Finch.

"Mbao imezidi kuwa maarufu kwa sababu ya sifa zake za kunyonya kaboni. Wasanifu majengo pia mara nyingi wanapendelea miradi iliyowekwa badala ya ile inayohusisha ubomoaji na ujenzi mpya."

Kwa kuongezea, mabadiliko ya idadi ya watu, janga na mabadiliko ya hali ya hewa yanaathiri usanifu wa makazi, anaongeza: "Matarajio makubwa ya maisha, maisha ya vizazi na matibabu yamesukuma afya na ustawi, ambayo hapo awali ilikuwa kwenye majengo ya sekta ya afya, kama hospitali, juu ya ajenda."

Wasanifu wengine wanaangazia balconies zaidi na nafasi zingine za nje. Pia zinajumuisha nafasi za kufanya kazi kutoka nyumbani.

BBC Culture inaangalia miradi minane iliyoonyeshwa na WAF na Inside.

1. 19 Waterloo Street, Sydney, Australia

Nyumba hii, iliyobuniwa na SJB yenye makao yake Sydney, inatoa muundo wa kipekee na madirisha yake yenye ukubwa usio wa kawaida na nafasi. Mwingiliano wa madirisha za nusu-mviringo, mstatili na mlango huimarisha usawa huu, ambao unasisitizwa katika patchwork ya nyenzo zilizorejeshwa na matofali yaliyovunjika, yanayoonekana kwenye nje ya jengo.

Muktadha ni kipengele muhimu cha mradi. Sehemu ya façade ina matofali ambayo yanafanana na msingi wa mchanga wa majengo ya jirani.

Nyumba hiyo hapo awali imekuwa duka la nyama, mboga, na mkahawa. "Nia yetu ilikuwa kutoa nyumba ya matumizi mchanganyiko.

Sasa inajumuisha nyumba, gorofa ya kibinafsi na duka," anasema Adam Haddow, mkurugenzi wa SJB.

Mshindi wa tuzo ya WAF ya Miundo ya Ndani ya Dunia ya Mwaka wa 2023, nyumba hii inasimama kwenye kiwanja cha mita 30 mraba (futi 323 mraba).

Haddow alichukua mawazo kutoka kwa tasnifu yake ya chuo kikuu ambayo ilichunguza jinsi filamu imetumiwa kuunda nafasi kubwa zaidi. Marejeleo yake ni pamoja na filamu za Jacques Tati Mon Oncle na Playtime ambazo zilidhihaki tamaa ya usawaziko katika usanifu wa kisasa.

PICHA

2. House of Solid Stone, Jaipur, India

Mradi huu unarudisha nyenzo ambazo zimetengwa kwa muda mrefu na wasanifu wa ndani - sandstone. Sifa zake thabiti na endelevu zimepuuzwa kwa miongo kadhaa katika eneo hili (kwa kawaida huwekwa kwa ajili ya kufunika). Mradi huu uliobuniwa na Malik Architecture yenye makao yake Mumbai, unaufufua. "Nyumba hii ilitupatia fursa ya kuendeleza mbinu ya ujenzi iliyoenea katika majengo ya kitamaduni kwa karne nyingi," anasema Arjun Malik, mbunifu mkuu katika wa Malik. "Tulijipa njia rahisi: jiwe pekee ndilo linalopaswa kutumika kwa ajili ya ujenzi wake. Eneo lilichukuliwa zaidi kama uchimbaji wa kiakiolojia kuliko eneo la ujenzi, ambapo mistari kati ya 'iliyopatikana' na 'iliyotengenezwa' ilikuwa na ukungu."

Wasanifu walitumia jiwe gumu la mchanga la Jodhpur, lililochongwa kutoka kwenye machimbo ya saa tano kwa gari. Msimamizi wa machimbo alitumia zaidi mbinu ya zamani ya kupasua mawe, kwa kutumia zana za kitamaduni pamoja na uchimbaji wa misumeno inayotumika sana, ambayo, inapotumiwa peke yake, husababisha kupotea kwa maumbo yanayohitajika ya mawe asilia. Mawe ya joto, huachwa wazi katika miundo yote ya ndani kwa athari ya kuunganisha.

3. Casa Ward Sarnano, Italy

Nyumba hii ya likizo inayomilikiwa na wanandoa wa Uswidi inaonyesha mwelekeo wa sasa wa wasanifu majengo wanaotumia tena nyenzo zilizopo zilizopatikana kwenye eneo hilo. Hali mbaya zilisababisha kutoa malighafi kwa Wadi ya Casa, hata hivyo: nyumba hii ya shamba inayoangazia milima ya Sibillini karibu na Sarnano, kijiji kilicho mashariki mwa Perugia, ilikaribia kuharibiwa na tetemeko la ardhi mnamo 2016.

Nyumba mpya, ambayo ilisifiwa sana katika kitengo cha nyumba na villa, iliundwa na mbunifu wa Paris Carl Fredrik Svenstedt na inajumuisha fremu ya zege iliyofunikwa na mabaki haya ya mawe.

Jiwe lililorejeshwa, lenye rangi mbovu lililotumika kwa njia mpya za nyumba hupitisha sura mbovu ya kuta za jumba asili la shamba.

Hii inatumika katika mambo ya ndani, pia, zaidi ya kufuta mipaka kati ya ndani na nje.

Muundo umejengwa ili kustahimili mitetemeko ya siku zijazo na inakabiliwa na vilima. Muunganisho wake kati ya ndani na nje unaimarishwa kwa kujumuisha madirisha makubwa ya picha yanayounda vistas nzuri.

Kati ya kila sehemu ya nyumba kuna matuta na bwawa lisilo na mwisho linaloonesha anga.

4. Three Spring Residential Gallery, Bunurong Land, Australia

Makao haya ya familia karibu na Melbourne, yaliyoundwa na wasanifu wa ndani wa wa KGA Architecture, yamesimama kwenye shamba lililo wazi mashambani. Mambo ya ndani huweka mkusanyiko wa sanaa ya kazi na wasanii wa Australia.

"Tulitofautisha familia na maeneo yaliyojaa sanaa kwa kufanya ya zamani kuwa ya karibu zaidi, na ya pili kuwa rasmi zaidi," anasema mbunifu wake mkuu Kristin Green.

Jengo hili la kikaboni, lisilo na usawa lina mpangilio sawa wa byzantine, maeneo yake mawili tofauti yameunganishwa kwa njia isiyo ya moja kwa moja na korido badala ya milango ya kawaida.

Maktaba ya kuvutia yenye urefu wa pande mbili imewekwa kwenye sakafu ya chini na rafu za vitabu. Dirisha refu zenye matao hutazama kwenye bustani yenye madimbwi makubwa, ya mapambo.

Chumba hicho kina sakafu ya mapambo iliyopuuzwa na mezzanine ya nusu duara inayoungwa mkono na nguzo za mbao.

Juu ya hii ni dari ya plasta iliyopigwa iliyopambwa na skylight. Chumba kikuu cha kulia kilicho na dari iliyoinuliwa na meza ya glasi huhisi kuwa ya karibu na ya kuvutia.

Sehemu kuu ya familia ni sebule inayoonekana ndani, ya kupendeza na eneo la kukaa lililozama.

5. LRM House, São Paulo, Brazil

Nyumba hii yenye umbo la mstatili inachukua nafasi ndefu, nyembamba iliyowekwa, kwenye pande zake ndefu, na majengo yaliyo karibu nayo.

Lengo kuu la wasanifu wake, kutoka São Paulo, Studio AG, ilikuwa kujenga hisia ya nafasi zaidi, ambayo ilipatikana hasa kwa kuunganisha nyumba na bustani. Nafasi zaidi iliongezwa kwa kujumuisha ghorofa mbili za ziada.

Sakafu ndefu ya mpango wazi ina jikoni, sebule na eneo la chumba cha kulia ambalo linelekea kwenye bustani.

Nafasi hii ya ndani imepakana na ujazo wa urefu wa mara mbili na ukuta wa michoro unaoinuka kukutana na madirisha yaliyo kando ya ukuta mzima.

Juu ya nafasi hii kuna eneo ambalo huleta mwanga zaidi wa mchana ndani ya nyumba.

Mwanga huingia kwenye eneo la kuketi la karibu, la dari ya chini.

Nafasi zaidi ya chumba cha kulia inaelekea eneo lililofunikwa la kukula. Ghorofa ya juu ya sanduku ina vyumba vya kulala.

Dirisha kutoka sakafu hadi dari huruhusu faragha na kutoa uingizaji hewa wa asili, na sakafu juu ya hii ina ofisi, ukumbi wa michezo, sauna na bwawa la kuogelea la wazi.

6. Mawhitipana House, Waiheke Island, New Zealand

Muhtasari ambao wamiliki wa nyumba hii ya likizo waliwapa wasanifu majengo wa nyumba hiyo, MacKay Curtis wa Wellington, ulikuwa wa kuwaleta katika mawasiliano ya karibu na asili.

Walitaka maeneo ya nje ambayo yanapata jua ambapo wangeweza kutumia muda mwingi nje kuliko ndani. Sehemu ndefu ya nje ya mbao inaenea kwenye tovuti nyembamba na kukaa kati ya miti iliyokomaa ya Pōhutukawa bila kusumbua mizizi yake.

Imewekwa juu kwenye mteremko mkali, nyumba hiyo iliyopambwa kwa mbao kwa kiasi kikubwa ina maoni mengi juu ya Ghuba ya Mawhitipana.

Jengo la ghorofa mbili limegawanywa katika miundo miwili. Kiwango cha chini, kilichofungwa na glasi, kinaweka sebule, eneo la kulia na jikoni.

Nguzo za chuma zinashikilia sakafu ya juu, iliyofunikwa na mierezi. Vifuniko vya madirisha ya mbao vilivyo na mapengo huruhusu uingizaji hewa wa asili na pia sauti ya mawimbi kwenye ufuo chini ili kuonyesha mambo ya ndani.

Ghorofa ya juu inachukua chumba cha kulala, bafuni, chumba na vitanda, chumba cha kusoma, bafu na chumba cha kufulia.

Muundo wa nyumba hi hufanya athari ndogo kwa mazingira. "Nyumba ina ukubwa wa mita 133 mraba kwa ujumla," anasema Jo MacKay, mwanzilishi mwenza wa MacKay Curtis.

"Hii ni ndogo kidogo kuliko jumba la kawaida lililojitenga huko New Zealand, ambalo hupima karibu na mita 160 mraba mita 200 mraba.

7. Orla Apartment, Rio de Janeiro, Brazil

Muonekano mzuri wa panoramic wa bahari kutoka kwa ghorofa hii inayoangalia ufuo wa Ipanema ni moja wapo ya vivutio vyake kuu.

Iliundwa kwa ajili ya wanandoa walio na watoto wawili wachanga, na lengo la wasanifu majengo wa São Paulo Arthur Casas lilikuwa kuandaa nafasi kwa ajili ya familia kupumzika na ofisi tulivu ya nyumba ya kibinafsi.

Ofisi iko katika chumba kikuu cha kulala lakini inaweza kufichwa na paneli.

Matumizi makubwa ya vifaa vya asili katika nyumba nzima - ikiwa ni pamoja na sakafu ya mawe sebuleni na kuta za bitana za mbao - hutengeneza mazingira ya kutuliza. Wakati wa kuunda muonekano wa nje , rangi hizi tulivu husaidia kuteka macho nje.

8. Flag House, Whistler, Canada

Studio MK27 ilibuni nyumba hii, nyumba ya likizo huko Whistler, kaskazini mwa Vancouver. Wateja wake walikuwa wameona baadhi ya miradi ya MK27 nchini Brazili na wakaagiza studio MK27 kubuni nyumba yao.

Zoezi hilo, lililoanzishwa na Marcio Kogan katika miaka ya 1970, kwa kawaida linajulikana kwa majengo yake ya kifahari ya kisasa ambayo yanafaa kwa hali ya hewa ya kitropiki.

Lakini, bila kukata tamaa, wasanifu walitumia moja ya kanuni muhimu za mazoezi yao kwa mpangilio huu mpya tofauti kabisa, ambao ni kuanzisha uhusiano mkubwa kati ya ndani na nje.

Zaidi ya hayo, nyumba ya chini, yenye usawa inachanganya na mpangilio wake.

Flag House ina aina mbili za sanduku, moja ikiegemea nyingine. Kubwa zaidi, nafasi ya kuishi iliyo na kioo mbele, imebebwa na msingi mweusi wa mbao ulio na mlango na chumba cha kulala cha wageni. Ghorofa ya juu imezungushwa na inaonekana kuelea juu ya kisanduku cha chini.

Imetafsiriwa na Jaison Nyakundi