Urusi yakitaja kikosi cha Ukraine 'Azov' kama shirika la kigaidi. Nini kinafuata?

Mahakama ya Juu ya Urusi ilitambua 'Azov' kama shirika la kigaidi na kupiga marufuku shughuli zake katika eneo la Urusi, vyombo vya habari vya ndani viliripoti. 

"Uamuzi huo unaweza kuanza kutekelezwa mara moja, bila kungoja mchakato mwingine wowote," mwandishi wa shirika la Urusi "RIA Novosti" alimnukuu hakimu akisema. 

Urusi inakiita kikosi hicho "Neo-Nazi" na kukishutumu kwa uhalifu wa kivita. 

Hapo awali, vyombo vya habari vya Urusi viliripoti kwamba zaidi ya askari elfu moja waliojisalimisha huko Mariupol walipelekwa kufanyiwa upelelezi maalum kwenye eneo la Shirikisho la Urusi. 

Mnamo mwezi Mei, ikiwa ni kama sehemu ya matokeo ya mazungumzo, wapiganaji zaidi ya elfu mbili kutoka "Azovstal", pamoja na wapiganaji wa jeshi la "Azov", walijisalimisha kwa Warusi, hatima yao bado haijulikani. 

Kulingana na sheria ya Urusi, wahusika wa shirika linalotambuliwa na mahakama kama magaidi wako chini ya dhima ya jinai. 

Kwa waandaaji na viongozi, adhabu kwa namna ya kunyimwa uhuru hutolewa kwa muda wa miaka 15 hadi 20, kwa washiriki wa kawaida, kwa muda wa miaka mitano hadi kumi. 

Kikao cha mahakama kilifanyika kwa muda mfupi. 

Ikizungumzia uamuzi huo, chaneli ya Telegram "Azov" ilichapisha taarifa ambayo iliitaka Wizara ya Mambo ya Nje ya Marekani na "pamoja na majimbo mengine ambayo yamestaarabika" kuitambua Urusi kama serikali ya kigaidi. 

Julai 29, wafungwa zaidi ya 50 wa Kiukreni walikufa katika koloni ya "DPR" kwenye eneo la Olenivka. Upande wa Urusi ulitangaza haraka kwamba makombora yalirushwa na Wanajeshi. 

Ukraine inakanusha tuhuma zote na kusema kuwa hilo ni shambulio la kigaidi lililolengwa na Urusi. 

Mwendesha Mashtaka Mkuu Andriy Kostin alisema siku ya Jumatatu kwamba Urusi inahusika na mauaji ya wafungwa wa kivita. Kulingana na takwimu za awali za wataalam wa kimataifa, wapiganaji wa Olenivka waliuawa kwa msaada wa silaha nzito. 

Siku moja baada ya mauaji ya Olenivka, ubalozi wa Urusi nchini Uingereza uliandika kwenye mtandao wa Twitter kuhalalisha mauaji ya wapiganaji wa Kikosi cha Azov, wakisema walistahili kifo cha aibu kwa kunyongwa kwa sababu hawakuwa "askari halisi". 

Je, Mkataba wa Geneva unasema nini?

Ukweli kwamba wafungwa wa kivita wa Kiukraine walipelekwa kwenye koloni la marekebisho katika kijiji cha Olenivka unakiuka Mkataba wa Geneva juu ya matibabu ya wafungwa wa kivita, kulingana na ambayo wanapaswa kuwekwa katika kambi maalum, mbali na eneo la mapigano na chini ya uangalizi maalum. 

Mkataba huo pia unaweka sheria za kufunguliwa mashtaka kwa watu kama hao na unakataza kuzuiliwa kwao katika vituo vya mahabusu kabla bila uamuzi wa mahakama. 

Watetezi wengi wa "Azovstal" walitumwa huko Olenivka karibu na Donetsk.

Takriban watu 90 zaidi walipelekwa Urusi na kufungwa katika eneo liitwalo SIZO-2 huko Taganrog, na wajumbe wa tume ya usimamizi wa umma hawakuruhusiwa kuwatembelea. 

Kulingana na gazeti la "Kommersant" la Urusi, ilikuwa vigumu kuchagua hatua ya kuzuia kwa maelfu ya wafungwa wa vita kutoka "Azovstal" katika mahakama za Kirusi, hivyo wachunguzi wa Kirusi waliwahoji "kama mashahidi", na uamuzi wa kuwakamata kabla ya kuwapeleka katika eneo lililotengwa na "waendesha mashitaka wa DPR na LPR". 

Hapo awali, mahakama hiyo iliyoitwa "DPR" iliwapata Waingereza wawili na raia wa Morocco na hatia ya kujaribu kunyakua mamlaka ya "DPR" kwa nguvu, pamoja na kupata mafunzo kwa madhumuni ya kutekeleza shughuli za kigaidi. 

Wote watatu ni wanajeshi wa Kikosi cha Wanajeshi wa Ukraine, ambao walisaini mikataba hata kabla ya kuanza kwa uvamizi wa Urusi ambapo "walihukumiwa" kifo. 

Siku kadhaa zilizopita, ilijulikana kuwa "DPR" iliamua "kuwafungulia mashtaka" raia wengine watano wa kigeni waliotekwa, wote wakiwa wanatuhumiwa kuwa mamluki. 

Tangu mwaka 2014, kesi kadhaa zimeanzishwa nchini Urusi kuhusu kuajiriwa kwa Warusi nchini Syria na Ukraine, BBC imebaini. Mahakama iliwahukumu miaka 2.5 hadi 7. 

Wajitolea katika eneo la "Azov" na walitambuliwa haswa kama mamluki.