TOOS, Iran: Uma hogaansami doono rabitaanka Trump sababtoo ah waxaan nahay "Iiraaniyiin".

Tebin toos ah

Nimaan Osman

1. 7 Daqiiqadood ka horXanuun dad badan ay la dhibban yihiin oo la ogaaday in soonku uu wax weyn ka taro

   

   Xigashada Sawirka, Getty Images

   Labadii sano ee u dambeeyay, hadal hayn badan ayaa ka jirtay warbaahinta iyo baraha bulshada oo ku saabsan 'insulin resistance' (caabbinta insulinta). Buugaag dhowr ah ayaa laga qoray mawduucan, halka barnaamijyada sida YouTube laga sameeyay kumannaan muuqaal oo ka hadlaya jimicsiga iyo cuntooyin gaar ah; kuwaas oo dadka sameeyay ay sheeganayaan in haddii la raaco cuntooyinkaas ama jimicsiyadaas, caabbinta insulinta la daweyn karo ama saamaynteeda la yareyn karo.

   Mid ka mid ah sababaha uu ereygani caanka u yahay ayaa ah in caabbinta insulintu ay jirka bini'aadamka ku keeni karto dhibaatooyin caafimaad oo qallafsan, oo uu ka mid yahay xanuunka macaanka ee nooca 2-aad.

   Warbixintan, waxaan isku dayi doonnaa inaan ogaanno waxa ay tahay 'insulin resistance', maxay yihiin astaamaheeda caanka ah, iyo ma lagu xakameyn karaa ilaa xad iyadoo la isticmaalayo soonka?

   Waa maxay insulin?

   Insulintu waa mid ka mid ah hormoonnada ugu muhiimsan jirka bini'aadamka. Xubin muhiim ah oo jirkeenna ku jirta waa ganaca, kaas oo shaqadiisa ugu weyni tahay inuu soo saaro insulinta uu jirkeennu u baahan yahay.

   Shaqada ugu weyn ee insulintu waa inay nidaamiso heerka sonkorta dhiigga ee jirkeenna. Jirkeennu wuxuu u kaydiyaa insulinta sidii il tamar laga helo.

   Sii akhri

2. 36 Daqiiqadood ka horRabshado ka qarxay Mexico

   

   Xigashada Sawirka, Reuters

   Mowjado rabshado ah ayaa ka qarxay dalka Mexico ka dib markii la dilay nin la dondoonayay oo ka ganacsanayay daroogada.

   Ninkan ayaa dilay kadib markii howlgal lagu doonayay in lagu soo xiro.

   Nemesio Oseguera Cervantes, oo loo yaqaan "El Mencho", ayaa ahaa hoggaamiyaha kooxda daroogada ee Jalisco New Generation (CJNG) ee lagabaqo gudaha dalkaas, wuxuuna geeriyooday ka dib markii uu si xun ugu dhaawacmay iskahorimaadyo dhex maray taageerayaashiisa iyo ciidanka Axaddii.

   Afar xubnood oo ka tirsan CJNG ayaa lagu dilay howlgalka ka dhacay magaalada Tapalpa, oo ku taal gobolka galbeedka dhexe ee Jalisco, saddex askari oo ka tirsan ciidanka ayaa sidoo kale la dhaawacay, sida ay sheegtay wasaaradda difaaca ee Mexico.

   Dilkiisa ayaa keentay in rabshaduhu ay ku faafaan ugu yaraan toban gobol, iyadoo CJNG ay xireen waddooyinka halka ay sidoo kale dab qabadsiiyeen gawaari

3. Saacad ka horMaalmihii dunida ay qarka u saarnayd in lagu garaaco hubka nukliyeerka

   

   Xigashada Sawirka, Getty Images

   Dalka Cuba, waxaa bisha October ka dhaca dabaaldegyo badan oo ku saabsan dagaalkii xurnimo-doonka iyo 'halyaayadii' uga dhintay dagaalkaas. Dadkii ka dhintay qaarkood oo saraakiil sare ahaa, waxaa la aaminsan yahay in CIA-da Mareykanka ay dileen.

   Sannadkii 2022-kii, Donald Trump wuxuu la kulmay koox horey uga qeybgashay dagaalkii ka dhacay jasiiradda Cuba, wuxuuna khudbad uu u jeediyay ku sheegay in uu qaddarinayo kooxdaas ka qeyb gashay howlgalkii la oran jiray 'Bay of Pigs'.

   Haddaba, muxuu ahaa howlgalkan horseeday halista weyn oo dhanka nukliyeerka ah, xilliggii uu socday dagaalkii qaboobaa, kaas oo sababay in dunida ay ku dhawaatay in ay dhacaan weeraro hubka Nukliyerka la isu adeegsado.

   Bishii Oktoobar ee sannadkii 1962-dii, waxaa bilowday dagaalkii Cuba, waana meesha ay sida weyn uga taagneyd xiisadda dagaalkii qaboobaa, waxayna u muuqatay in dunida uu ka dhici karay dagaalka 13 maalmood qaata oo la isku adeegsado hubka nukliyerka.

   Horu-dhaca

   Jasiiradda Cuba waxay 90 Miles u jirtaa xeebaha gobolka Florida ee dalka Mareykanka, sanadkii 1959-kii Cuba waxay xiriir dhaw la yeelatay Mareykanka xilligii uu hogaaminayay jasiiraddaas maamulkii garabka midig ee diktaatooriga ahaa ee uu horkacayay Jeneraal Batista. Mareykanka wuxuu maalgeliyay Cuba, Mareykanka wuxuu ahaa macmiilka ugu weyn ee soo dhoofsan jiray wax soo saarka Cuba sida sigaarka iyo sokorta.

   Sii akhri

4. 2 Saacadood ka horTrump oo ka yaabban Iran

   

   Xigashada Sawirka, Getty Images

   Khamiista waxaa la filayaa in Mareykanka iyo Iran uu u bilowdo wareegga sadexaad ee wadahadalladooda ku saabsan barnaamujka nukliyeerka Iran.

   Wasiirka arrimaha dibadda ee Iiraan ayaa sheegay in kooxdiisa wada-xaajoodku ay weli diyaarinayaan soo-jeedintooda ka jawaabaysa tan Mareykanka ee ku saabsan barnaamijka nukliyeerka.

   Madaxweynaha Maraykanka, Donald Trump, ayaa is weydiinaya sababta Iiraan aysan weli "isu dhiibin" iyadoo wajahaysa dhoollatuska millatari ee Washington ka waddo Bariga Dhexe, sida uu sheegay ergayga gaarka ah ee madaxweynaha Maraykanka, Steve Witkoff.

   Wasiirka arrimaha dibedda Iraan, Cabbaas Caraqji ku adkeysanaya in barnaamijka kobcinta nukliyeerka ee Iiraan uusan ahayn mid laga wada-xaajoon karo.

   Donald Trump ayaa siiyay Tehran wax ka yar toddobaad si ay heshiis u gaarto, haddii kale ay wajihi doonto tallaabo milatari.

   Witkoff ayaa Sabtidii u sheegay Fox News in Trump uu "la yaabban yahay" mowqifka Iiraan, kaddib markii uu uga digay in la qaadi karo weerar millatari oo xaddidan haddii aan heshiis laga gaarin barnaamijka nukliyeerka ee Tehraan.

   Donald Trump ayaa siiyay Tehran wax ka yar toddobaad si ay heshiis u gaarto, haddii kale ay wajihi doonto tallaabo milatari.

   Dhanka kale, gudaha Iiraan, mudaharaadyo ka dhan ah dowladda ayaa ka dhacay jaamacado dhowr ah dhammaadkii toddobaadka—kuwaas oo ah isu-soo-baxyadii ugu horreeyay ee baaxaddan leh tan iyo cabburintii rabshadaha lahayd ee bishii January ay sameeyeen maamulka, taasi oo sababtay dhimashada kumannaan qof.

   Waaad sido kale akhrisan kartaa:

   Trump oo isweydiinaya sababta Iiraan aanay weli "isu dhiibin," xilli ay xiisaddu sii xumaanayso

   Mareykanka oo la sheegay inuu beegsanayo hoggaamiyaha Iiraan iyo wiilkiisa

   Iiraan oo beenisay hadal uu Maraykanka ka sheegay

5. 3 Saacadood ka hor5 cunto oo halis ah oo sababi kara xanuun ama dhimasho

   

   Xigashada Sawirka, Getty Images

   Cuntadu dhibaato ma keento.

   Laakiin runtu maaha in wax kasta la cuni karo iyada oo aan laga taxadarin oo aan si fiiro leh loo dooran, karin ama aan loo diyaarin, sida in laga saro sunta ama qaybaha aan la cuni karin.

   Talaabooyiinkaa la aantood cuntadu qof kasta oo cunaa wuu ku bukoon karaa calaamaduhuna waxay u dhexeeyaan yalaalugo, dawakhaad iyo xataa geeri.

   Xaaladaha liita ama kuwa sida xun loo kariyo waxay keeni karaan calaamadaha yalaalugada, naqaska oo qofka ku dhega dawakhaad iyo xataa waa lagu dhiman karaa.

   Cuntooyiinkan shanta ah waa kuwa aad u baahantahay in aad si gaara uga taxadirto markaad cunayso. Run ahaantii hadii aanad hubin arrimahan hoos ku xusan waxa fiican in aad gabigooda ba iska ilaalisid.

   Sii akhriso

6. 4 Saacadood ka horTodobo waxyaabood oo dhici kara hadii Mareykanka uu weeraro Iran

   

   Xigashada Sawirka, Getty Images

   Maraykanku wuxuu u muuqdaa mid isu diyaarinaya inuu weeraro Iiraan.

   Toddobaadyadii la soo dhaafay, Washington waxay kordhinaysay ciidamadeeda Bariga Dhexe haddana waxay u muuqataa inay doonayso inay ku uruuriso awood cirka ah oo ka badan tii ay halkaas ku lahayd wakhti kasta tan iyo duullaankii Ciraaq ee sanadkii 2003.

   Dabcan, tani weli waxay noqon kartaa khiyaano istiraatiiji ah oo loogu talagalay in lagu cadaadiyo nidaamka Iiraan si ay u aqbalaan heshiis aysan rabin.

   Xulafada Carbeed ee Khaliijka ee Maraykanka ayaa la og yahay inay ka digeen weerar Maraykan ah oo keeni kara cawaaqib xumo aan la saadaalin karin.

   Sidaas darteed, inkastoo bartilmaameedyada suurtagalka ah ee weerar Maraykan ahi ay si weyn loo qiyaasi karo, natiijadu ma cadda.

   Haddii wadaxaajoodyadu fashilmaan oo Madaxweyne Donald Trump go'aansado inuu amro weerar, maxay noqon karaan natiijooyinka suurtagalka ah?

   Sii akhri

7. 5 Saacadood ka horIiraan oo ku adkeysanaysa in aan gorgortan laga geli karin barnaamijkeeda nukliyeerka

   

   Xigashada Sawirka, Getty Images

   Wasiirka arrimaha dibadda ee Iiraan ayaa sheegay in kooxdiisa wada-xaajoodku ay weli diyaarinayaan soo-jeedintooda ka jawaabaysa tan Mareykanka ee ku saabsan barnaamijka nukliyeerka.

   Cabbaas Caraqji ayaa u sheegay telefishan Mareykan ah inuu u badan tahay inuu maalinta Khamiista ah magaalada Geneva kula kulmi doono ergayga madaxweyne Donald Trump, Steve Witkoff.

   Caraqji ayaa ayaa ku adkeysanaya in barnaamijka kobcinta nukliyeerka ee Iiraan uusan ahayn mid laga wada-xaajoon karo.

   Donald Trump ayaa siiyay Tehran wax ka yar toddobaad si ay heshiis u gaarto, haddii kale ay wajihi doonto tallaabo milatari.

   Dhanka kale, dibedbaxyo ayaa ka socda dalka Iran, kuwaas oo ka dhan ah dowladda.

8. 5 Saacadood ka horJaajuuskii bixiyay sirta nuclear-ka ka dibna baxsaday

   

   Xigashada Sawirka, Getty Images

   29-kii bishii Agoosto ee sanadkii 1949-kii, Ruushka wuxuu noqday "waddankii labaad ee heysta hubka nuclear-ka", xilligaas oo uu midowgii soviet qarxiyay bambadii ugu horreysay uu ku tijaabinayay hubkiisa nuclear-ka.

   Tijaabadaas ayaa lama filaan ku noqotay waddamada reer galbeedka - sida ku xusan xog ay hayaan CIA-da Mareykanka.

   Sababtoo ah, Khubarada Mareykanka waxay markaas u maleynayeen in Ruushka uusan awood u yeelan karin soo saarista nuclear-ka ilaa laga gaaro sanadka 1953-kii.

   Balse arrinta la yaabka leh waxay ahayd in seynisyahan u dhashay Mareykanka, oo lagu magacaabi jiray Theodore Hall, uu ahaa qofkii xukuumadda Moscow ka caawiyay inay nuclear u sameysato si fudud, isagoo u gudbiyay macluumaad xasaasi ah.

   Waa run in Theodore Hall uusan ahayn muwaadinka kaliya ee Mareykanka ee cadowga siiyay sirta hubka nuclear-ka, laakiin waxa sheekadiisa khaaska ka dhigaya waa in uu noqday qofka kaliya ee sidaas sameeyay haddana baxsada.

   Marka waxaan eegeynaa sida uu seynisyahanka ku dhashay magaalada New York ku noqday Jaajuuska.

   Wax si iskiis ah u dhacay ma ahayn in Bambadii nuclear-ka ee ay Ruushka tijaabiyeen ay noqotay mid leh awoodda ay lahayd bambadii lagu magacaabay 'ninka buuran' ee uu Mareykanka ku qarxiyay magaalada Nagasaki ee dalka Japan, taariikhdu markii ay ahayd 9-kii bishii Agoosto ee sanadkii 1945-kii.

   Hase yeeshee xog aad u culus oo ku saabsan sida Bambadaas loo sameeyay ayaa loo gudbiyay midowgii soviet, waxaana macluumaadkaas bixiyay nin ka tirsanaa dadkii ka qeyb galay mashruucii lagu farsameeyay nuclear-kii ugu horreeyay adduunka ee uu Mareykanku soo saaray.

   Sii akhri

9. 9 Saacadood ka horZelensky: Ruushku wuxuu bilaabay dagaalkii saddexaad ee adduunyada

   Madaxweynaha Ukraine Volodymyr Zelensky ayaa sii wada in uu gudbiyo fariin adkaysi leh.

   Tifaftiraha caalamiga ah ee BBC-da Jeremy Bowen ayaa yidhi "markii aan ku kulannay dhammaadkii toddobaadkan xarunta dawladda ee Kyiv, wuxuu yiri in Ukraine aysan guuldareysanaynin, balse dagaalka ay ku soo afjari doonto guul. Wuxuu si adag uga soo horjeestay bixinta qiimaha heshiiska joojinta dagaalka ee uu dalbaday Madaxweynaha Vladimir Putin, kaas oo ah inuu ka baxo dhul istiraatiiji ah oo Ruushku ku guuldareystay inuu qabsado inkastoo uu ku khasaaray kumanaan askari."

   Zelensky, wuxuu ii sheegay, in Putin horey u bilaabay Dagaalkii Saddexaad ee Adduunka.

   

   Xigashada Sawirka, EPA/Shutterstock

10. 23 Febraayo 2026Maxay tahay warqaddan ay Itoobiya u qortay Eritrea ee digniinta

    Wasaaradda arrimaha dibadda Itoobiya ayaa horraantii bishan ka codsatay ciidamada Eritrea in ay ka baxaan dhulka Itoobiya oo ay sheeganayso in ay ka taliyaan iyo in ay diyaar u yihiin wadahadal.

    Wasaaradda ayaa ku sheegtay warqad ay u dirtay wasaaradda arrimaha dibadda ee Eritrea Sabtidii Janaayo 30, 2018, in Eritrea ay ku xad-gudbeyso madaxbanaanida Itoobiya iyo dhulka ay haysato ee waqooyi-bari.

    Danjire Nebiat Getachew oo ah afhayeenka wasaaradda arrimaha dibadda ayaa BBC-da u xaqiijiyay jiritaanka warqaddaasi.

    Warqadda ayaa lagu xusay in dowladda Itoobiya ay dhowr jeer codsatay in ciidamada Eritrea laga saaro dhulkeeda; Haddii codsigan la aqbalo, waxay diyaar u tahay in la galo wada xaajood daacad ah si loo xalliyo dhammaan arrimaha danta labada dhinac, oo ay ku jiraan adeegyada badda iyo gaaritianka badda ee dekedda Casab.

11. 23 Febraayo 2026Ramadan 2026: Talooyin muhiim ah oo qofka soomman ka caawinaya inuu helo nafaqo iyo cunno isku dheellitiran

    

    Xigashada Sawirka, Getty Images

    Bisha barakaysan ee Ramadaan, Muslimiin badan oo adduunka dacalladiisa jooga ayaa sooma saacadaha maalintii. Si aad u hubiso inaad dareento caafimaad inta aad ka soomman tahay cuntada iyo cabitaanka, waxaa muhiim ah inaad ka taxadarto waxyaabaha aad quudanayso ka hor iyo ka dib soomista.

    Suxuurta, oo ah cuntada la cuno waaberiga ka hor, waa inaad tamar badan ka hesho karbohaydraytyada aan la sifayn. Sidoo kale marka aad afurayso, waxaa muhiim ah inaad badsato cuntooyinka ku dharjinaya ee nafaqada leh – adigoo iska ilaalinaya milixda badan.

    Inta Ramadaanka lagu jiro, waxaan ognahay in habka aan wax u cunno uu isbeddel ku yimaado. Halkii maalintii saddex jeer wax la cuni jiray oo ay dheeri u tahay cunnooyin fudud oo u dhaxeeya, hadda waxay isu beddeshay labo jeer oo keliya waana afurka iyo saxuurta. Tani waxay ka dhigan tahay in ka boodidda qadada ay horseedayso hoos u dhac weyn oo ku yimaada xaddiga cuntada iyo tamarta guud ee jirka soo gasha.

    Haddaba, sidee lagu heli karaa nafaqo iyo cunno isku dheellitiran inta la soomman yahay? Waxaanu la hadalnay Idil Tahliil oo ah khabiir dhanka nafaqada iyo cunnada ah oo deggan magaalada Muqdisho, waxayna soo jeedineysaa talooyin muhiim ah.

    Halkan ka akhriso

12. 22 Febraayo 2026Hooyo iyo cunuggeeda oo nolosha lagu gubay kadib markii sixir lagu eedeeyay

    Afar qof ayaa lagu xiray gobolka Jharkhand ee bariga Hindiya ka dib markii lagu eedeeyay in ay gubeen haweeney iyo wiil ay dhashay oo 10 bilood jir ah, taas oo looga shakiyay in ay sixir ku shaqeyneysay horraantii toddobaadkan.

    Ninka qabay haweeneyda la weeraray ayaa isna waxaa soo gaaray gubasho aad u daran, wuxuuna ku jiraa isbitaal.

    Booliska ayaa sheegay in ay baadi goobayaan dad badan oo laga yaabo in ay ku lug leeyihiin. Eedeysanayaasha ayaa xiran oo weli si cad ugama hadlin.

    Sida laga soo xigtay Xafiiska Diiwaanka Dembiyada Qaranka, in ka badan 2,500 oo qof, oo u badan dumar, ayaa lagu dilay Hindiya iyaga oo looga shakisan yahay sixirka intii u dhaxaysay 2000 iyo 2016.

    

    Xigashada Sawirka, Mohammad Sartaj Alam/BBC

13. 22 Febraayo 2026Abiy Axmed: "Waxaan dhisnay ciidan la dagaallama argagixisada Soomaaliya"

    Ra’iisul Wasaare Abiy ayaa sheegay in Itoobiya ay dhistay ciidan la dagaallama “argagixisada Bariga Afrika.”

    Ra’iisul Wasaaruhu wuxuu hadalkan ka sheegay khudbad uu maanta ka jeediyay magaalada Hawassa, munaasabadda sannad-guuradii 65-aad ee aasaaska Taliska Hawlgallada Gaarka ah ee Ciidanka Difaaca Itoobiya.

    “Diyaargarowgeennu waa inaan xaqiijinno nabadda Afrika,” ayuu yiri Ra’iisul Wasaare Abiy, isagoo raaciyay, “Waxaan u taagannahay inaan u noqonno garab iyo gaashaan dalalka gobolkeenna.”

    Sababtaas awgeed, wuxuu sheegay inay ka guureen tababarradii dhulka iyo buuraha una wareegeen tababarrada badda.

    Wuxuu sheegay in la dhisay ciidan aqoonyahan ah oo ku filan ma aha oo kaliya Itoobiya balse gobolka oo dhan, si looga hortago argagixisada loona xaqiijiyo horumarka iyo barwaaqada gobolkeenna, iyadoo "la taageerayo shucuubta aan walaalaha nahay" ee wajahaya khataraha badda "laga bilaabo cirifka Soomaaliya ilaa cirifka Mitzvah."

    Marka laga soo tago Ra’iisul Wasaare Abiy Ahmed, waxaa munaasabadda goobjoog ka ahaa taliyaha ciidanka Berhanu Jula iyo mas’uuliyiin kale oo sare oo dhanka siyaasadda iyo milatariga dalka ah.

    Farriin uu munaasabadda ka diray, Ra’iisul Wasaare Abiy wuxuu ku tilmaamay Taliska Hawlgallada Gaarka ah inay yihiin “ragga koofiyadaha gaduudan ee soo afjara dagaallada, kana hortaga dagaallada.”

    Wuxuu sheegay in dhammaan dadka Afrikaanka ah ay Itoobiya ugu hambalyeeyeen dhisidda "xarun dagaal iyo mid iska caabin" oo isticmaasha tignoolajiyada casriga ah, taas oo aan ku koobnayn oo kaliya xeryaha balse ku fidsan goobaha istaraatiijiga ah.

    Wuxuu sheegay in Itoobiya ay dhiseyso ciidan si looga hortago dagaalka iyo argagixisada ka dhacda gobolkeenna, loona soo afjaro muddo gaaban marka ay dhacaan.

14. 22 Febraayo 2026War deg deg ah, Tusmada horyaalka iyo dhibcaha la kala haysto

    

    Xigashada Sawirka, BBC Sport

    Waxa soo dhammaatay ciyaar u dhaxaysay kooxaha isku magaalada ah ee Arsenal iyo Tottenham oo aad u xifaaltama. Arsenal waxay caawa dirtay farriin cad oo ku aaddan damaceeda horyaalka, taageerayaasha Man City-na waxay tani u tahay madax xanuun.Halkan ka fiiro shaxda kala horraynta horyaalka.

15. 22 Febraayo 2026GOAL - Tottenham 1-4 Arsenal

16. 22 Febraayo 2026Eberechi Eze

    Eberechi Eze waa ciyaaryahankii ugu horreeyay ee Arsenal ee kooxdan ka dhaliya shan gool ama ka badan hal xilli ciyaareed, horyaalka Premier League tan iyo markii Emmanuel Adebayor uu lix gool ka dhaliyay Derby xilli ciyaareedkii 2007–08.

    

    Xigashada Sawirka, Getty Images

17. 22 Febraayo 2026Arsenal vs Tottenham

    Arsenal ayaa isku dayaysa in ay goolal badan ka keento ciyaarta derbiga ah ee ay la dheelayaan Tottenham. Eberechi Eze iyo Bukayo Saka ayaa muujiyay qaab ciyaardeed wanaagsan.

    Waxay ciyaarta ku hoggaaminaysaa saddex gool iyo gool.

    

    Xigashada Sawirka, Getty Images

18. 22 Febraayo 2026GOOOOOOOL: Tootenhaam 1 - 3 Arsenaal

    Eberechi Eze ayaa Arsenal u dhaliyay goolka saddexaad, ciyaar ay la dheelayaan Tottenham Hotspur. Waa goolkii shanaad ee uu isla kooxdaas ka dhaliyo xilli ciyaareedkan.

19. 22 Febraayo 2026Premier League: Arsenal oo wajahaysa xaalad adag oo ku aadan hanashada horyaalka

    Ku soo dhawaada tebinta tooska ah oo aan idin kula socodsiin doonno ciyaaraha caawwa dhacaya ee horyaalka Ingiriiska.

    Waxaan si gaar ha idiinku soo gudbin doonnaa ciyaarta dhex maraysa Arsenal iyo Tottenham Hotspur.

    

    Xigashada Sawirka, Getty Images

20. 22 Febraayo 2026Sirdoonka Mareykanka ayaa dilay nin soo galay dhismaha guriga Trump ee Mar-a-Lago

    

    Xigashada Sawirka, Getty Images

    Madaxweyne Donald Trump ayaa ka maqnaa guriga Mar-a-Lago isagoo joogay Washington kaddib markii nin soo galay ay toogteen ciidamada.

    Dhowr jeer ayaan aaday Mar-a-Lago mar waxay aheyd bishii Desember marna Janaayo ayuu yiri Trump.

    Aad ayaa loo adkeeyay ammaanka guriga iyo dhammaan hareeraha. Waxaana jooga ciidamo kuwa ammaanka ah ee sirdoonka. Marka la galayo guriga, gawaarida iyo dadkaba waa la baraa iyadoo la adeegsanayo eeyo iyo qalabka biraha lagu ogaado.

    Weli wax badan lagama oga ninka la tuhumay iyo waxa keenay in uu soo aado guriga madaxweyne Trump.

    BBC-da ayaa loo sheegay in qofka weerarka soo qaaday uu ahaa Austin T. Martin oo 21 jir ahaa kana soo jeeda North Carolina.

    Mas’uuliyiintu waxay sheegeen in uu sitay qori iyo gaas markii uu soo galay guriga Mar a Lago.

    Dhanka kale, xoghayaha maaliyadda, Scott Bessent, ayaa u sheegay Fox News in uu la hadlay madaxweyne Trump, wuxuuna sheegay in Trump iyo qoyskiisa ay badqabaan, “Ma ahan in ay la kulmaan isku dayo midba mid ka dambeeya” ayuu yiri Scott Bessent.