TOOS, Al-Shabaab oo la wareegay saldigga ciidamada Jubaland ee Kudhaa

Tebin toos ah

1. 43 Daqiiqadood ka horTrump oo sheegay waxa keliya ay Soomaalidu ku fiican yihiin

   Madaxweynaha Maraykanka Donald Trump ayaa hadallo adag ka jeediyay Soomaaliya iyo dadka Soomaaliyeed, isaga oo si gaar ah uga hadlay burcad-badeedda. Khudbad uu jeediyay ayuu ku tilmaamay Soomaaliya meel khatar ah, isaga oo sheegay in dadka Soomaaliyeed lagu yaqaanno afduubka maraakiibta waaweyn ee badda mara, gaar ahaan kuwa shidaalka qaada.

   Wuxuu sheegay in maraakiibtaasi ay halis weyn ku jiraan, maadaama shaqaalahoodu aysan hub sidin, islamarkaana aysan dagaallamin marka la weeraro.

   Trump ayaa sheegay in Maraykanku uu hadda si adag ula dhaqmay burcad-badeedda, isla qaabkii ay ula macaamilaan kooxaha daroogada ka ganacsada, taas oo, sida uu sheegay, keentay in burcad-badeednimadu hoos u dhacdo, isla markaana muddo aan la arag markab la qafaashay.

   Waxaad sidoo kale akhrisan kartaa:

   Ilhaan Cumar oo wargayska the Guardian u sheegtay in "dil loogu hanjabay" ka dib weerarkii Trump

   Trump oo mar kale weeraray Ilhaan Cumar iyo Soomaaliya

   Ilhan Omar oo afar eray ku qeexday sababta uu Trump u weerarayo Soomaalida

2. 58 Daqiiqadood ka horWaa kuma Siyaasiga miisaanka culus ee taageeray aqoonsiga Somaliland

   Mid ka mid ah madaxda la soo doorto ee Maraykanka ee saamaynta leh ayaa madaxweynaha Maraykanka Donald Trump ka dalbaday in aqoonsi heer waddan la siiyo Somaliland oo tan iyo 1991 baadigoob ugu jirto inay ictiraaf hesho.

   Ted Cruz oo ah mudane ka tirsan xisbiga Jamhuuriga ee uu madaxweynahana ka tirsan yahay, lagana soo doorto gobolka Texas wuxuu codsigiisa u diray qoraal uu ku bilaabay sidii Somaliland ay madaxbanaanideeda ku qaadatay 1960 iyo hadda halka ay taagan tahay.

   "Somaliland waxay noqotay saaxiib muhiim u ah Maraykanka dhinaca amniga iyo diblomaasiyadda, taasoo ka caawinaysa Maraykanka horumarinta danaha amniga qaranka ee Geeska Afrika iyo meelo kaleba. Waxay ku taal meel istaraatiiji ah oo ah gacanka Cadmeed, iyadoo u dhow mid ka mid ah marinnada badda ee ugu mashquulka badan adduunka. Waxay leedahay ciidamo hubaysan oo tayo leh, waxayna gacan ka geysataa la dagaalanka argagixisada iyo hawlgalada burcad badeeda ee gobolka" ayuu yiri Cruz.

   Isagoo ku salaynaya codsigiisa siyaasadaha Maraykanka ee gobolka ayuu soo qaatay Ted Cruz xiriirka Taiwan iyo Somaillamd u dhaxeeya, siu u uga dhaadhiciyo Maraykanka in Somaliland ay u noqon karto bahwadaag sax ah.

   Sii akhri

3. Saacad ka horTrump oo Iiraan ugu hanjabay inay baabi’i doonto hadii la khaarajiyo isaga

   Madaxweynaha Mareykanka, Donald Trump, ayaa talaadadii uga digay Iiraan in dalkiisu uu si xoog leh uga jawaabi doono haddii Tehran ay ku dhaqaaqdo hanjabaado dil ah oo ka dhan ah isaga.

   "Waa inaysan sameynin sidaa, balse farriin ayaan reebay. Wax kasta oo dhaca, waan qbaabi’in doonnaa - dalka oo dhan ayaa qarxi doona," ayuu ku yiri wareysi uu siiyay NewsNation, isagoo ka jawaabaya su'aal ku saabsanayd hanjabaadaha sii socda ee ka imanaya hoggaanka Iiraan.

   Trump wuxuu sheegay in madaxweynihii hore Joe Biden "ay ahayd inuu wax yiraahdo" markii ugu horreysay ee hadallo noocaan ah la jeediyo, isagoo ku doodaya in hoggaamiyayaashii hore ay ku guuldareysteen inay si xoog leh uga jawaabaan.

   Iiraan waxaa muddooyinkii u dambeeyay gilgilay mudaaharaadyo looga soo hporjeedo dowladda.

   Waxaad sidoo kale akhrisan kartaa:

   Trump muxuu u doonayaa in ay Iiraan burburto

   Ma waxaa soo dhow xilligii ay dhici lahayd dowladda Iiraan?

   Iiraan: 1979 - 2026. Kacdoon dadweyne oo gilgilay labadii nidaam ee boqortooyada iyo wadaaddada

   Hoggaamiyaha saree e Iran oo qiray arrin lagu eedeyey maamulkiisa

4. 2 Saacadood ka horDiyaarado duqeyn ka fuliyay Kudhaa

   Horey waxaan u tebinnay in Al-Shabaab ay saaka weerareen oo ay qabsadeen saldhigga ciidamada Jubaland ee ku yaalay tuulada Kudhaa.

   Wararka aan haatan ka heleyno dhanka Jubaland ayaa haatan sheegaya in diyaarado ay duqeyn ka fuliyeen aagga Kudhaa, oo ah saldhigga ay maanta la wareegeen Al-Shabaab ee ku yaala Jubaland.

   Maamulka ilaa hadda nooma xaqoojin cida fulisay duqeynta.

   Saldhiga ay haatan qabsadeen Al-shabaab, waxaa horey u degenaa ciidamada Kenya.

   Wixii war ah oo soo kordha halkan ayaad kala socod doontaan.

   Waxaad sidoo kale akhrisan kartaa:

   Maxaan ka ognahay howgallo iyo duqeymo ka dhacay deegaanno ka tirsan Koonfurta Soomaaliya?

   Maxaa laga yeelayaa ajaanibta Turkiga iyo Sacuudiga ka mid yihiin ee ay qabatay Puntland?

   Muxuu yahay deegaanka muhiimka ah ee Jilib-Marka ee al Shabab laga saaray?

5. 2 Saacadood ka horAl-Shabaab oo weeraray saldhig ku yaala Jubaland

   Wararka ka imaanaya degmada Kudhaa ee maamulka Jubaland ayaa sheegaya in kooxda al-shabaab ay abaare 3-dii subaxnimo ee saaka weerar ku qaadeen saldhig ay halkaas ku leeyihiin ciidanka Jubaland.

   Dadka deegaanka ayaa sidoo kale sheegaya in kooxda ay qabsatay tuulada Kudhaa oo ay haatan gacanta ku hayaan.

   Dhanka kale, waxaa la soo werinayaa dad shacab ah oo gurigooda xabadaha ugu galay. Dhimasho ayaa la soo werinayaa.

   Weli war rasmi ah kama helin dhanka Jubaland, oo la xirriira khasaaraha soo gaaray ciidankooda.

   Saldhiga ay haatan qabsadeen Al-shabaab, waxaa horey u degenaa ciidamada Kenya.

   Waxaad sidoo kale akhrisan kartaa:

   Maxaan ka ognahay howgallo iyo duqeymo ka dhacay deegaanno ka tirsan Koonfurta Soomaaliya?

   Maxaa laga yeelayaa ajaanibta Turkiga iyo Sacuudiga ka mid yihiin ee ay qabatay Puntland?

   Muxuu yahay deegaanka muhiimka ah ee Jilib-Marka ee al Shabab laga saaray?

6. 3 Saacadood ka horMaxaa Trump ku salliday Soomaalida? Afar eray ayay ku qeexday Ilhaan

   Kadib markii uu si isdaba joog ah Donald Trump u weeraray Ilhan Omar iyo Soomaalida todobaadkaan ayaa waxaa weerarkaas afka ah ka jawaab celisay Ilhan, iyada oo ku qeexday Trump in uu mar walba yahay "cunsuri, dulqaad yar, shisheeye neceb ah, muslinkana neceb".

   Muuqaal ay waraysi siinaysay warbaahinta MS Now oo ay ku soo daabacday baraheeda bulshada, ayay sheegtay Ilhan 'in aysan la yaab lahayn talaabooyinka uu qaaday ee uu ku beegsanayo soo galootiga madowga ah', sida ay hadalka u dhigtay, iyada oo dib u milicsatay hadaladii qalafsanaa ee uu u adeegsaday wadamada Afrika muddo xileedkiisii hore.

   "Waxaan jeclaan lahaa in aan dhaho ayaa ah in dhammaanteen aan nahay muwaadiniin. Baasaboorkeena waxaa ku qoran inaan nahay muwaadiniin dalkaan u dhashay", ayay tiri Ilhan.

   Madaxweyne Trump oo todobaadkaan dhowr jeer weerar dhinac afka ah ku qaaday bulshada Soomaalida ayaa ku tilmaamay in aysan "waxba ku soo kordhin" Maraykanka. "anigu ma doonayo inay dalkeenna joogaan", ayuu yiri isaga oo hadalkiisa sii watay.

   Sii akhri

7. 4 Saacadood ka horSafarka Trump ee Switzerland oo dib u dhac ku yimid

   Waxaa dib u dhac ku yimid safarkii madaxweyne Trump ee Switzerland sababo lagu sheegay cilado farsamo awgood.

   Cilad yar oo xaga korontada ah oo ku timid diyaaradda Air Force One ayaa ku qasabtay diyaaradda inay dib u laabato.

   Mr. Trump ayaa diyaarad kale u raacaya Switzerland, si uu ugu qeyb galo Madasha Dhaqaalaha Adduunka

   Trump ayaa iska fogeeyay fikradaha ah inuu diyaar u yahay inuu burburiyo xulufada NATO si uu ugu daro dhul badan Maraykanka.

   Greenland oo Mareykan ah, ayuu ku adkaysanayaa,

8. 6 Saacadood ka horWaxa uu Trump ka yiri hantida Ilhaan Cumar

   Madaxweynaha Mareykanka, Donald Trump ayaa mar kale weerar afka ah ku qaaday Soomaalida iyo Soomaaliyaba.

   Trump oo shir jaraa’d oo aqalka cad ka hadlayay ayaa dhaleeceeyay Soomaaliya, isagoo ku tilmaamay “meel aad u xun” isla markaana si xun uga hadlay Soomaalida.

   Trump waxaa ii yiri:

   "Ma jirto cid ka hadlaysa in ugu yaraan 19 bilyan oo dollar ay ku maqan tahay Minnesota, inteeda bandanna ay ku maqan tahay soomaalida. Way qaateen, bal qiyaas? Waa dad ay garashsadoodu yar tahay. Dadka kale way shaqaystaan lacag ayeyna helaan, ka dibna Mercedes benz ayey gataan haalkan ayeyna ka yimaadeen. Iyagu lacagna ma haystaan, marnaba lacag ma aysan yeelan, nolol ma yeelan, marnaba xukuumad ma yeelan, dal ma aysan yeelan, waayo dalba ma jiro".

   Trump oo hadalkiisa sii wata ayaa yiri: "Soomaaliya xataa dal ma aha, soomaaliya ma laha wax xataa astaamihii dal lagu yaqanay u eg, waxaa loo arkaa halka ugu liidata dundia. Halkan ayey imaanayaan wayna taajirayaan, wax shaqo ahna ma hayaan.

   Dhanka kale waxaa uu aflagaadeeyay xildhibanad Ilhaan Cumar isagoo yiri:

   "Waxaa la ii sheegay in Ilhaan Cumar hantideedu gaarayso 30 milyan oo dollar. Marnaba ma aysan shaqayn. Waa xubin congress oo turufatoore ah".

   Trump ayaa marar badan hore u weeraray Soomaaliya iyo muhaajiriinta Soomaaliyeed ee ku nool Maraykanka.

   Waxaad sidoo kale akhrisan kartaa:

   Ilhaan Cumar oo wargayska the Guardian u sheegtay in "dil loogu hanjabay" ka dib weerarkii Trump

   Trump oo mar kale weeraray Ilhaan Cumar iyo Soomaaliya

   Ilhan Omar oo afar eray ku qeexday sababta uu Trump u weerarayo Soomaalida

9. 6 Saacadood ka horIlhaan Cumar oo wargayska the Guardian u sheegtay in "dil loogu hanjabay" ka dib weerarkii Trump

   Xildhibaanad Ilhaan Cumar oo ka tirsan Congress-ka Mareykanka ayaa ka digtay in Donald Trump weeraradiisa shaqsiyadeed ee soo noqnoqonaya iyo hadalada ka dhanka ah bini'aadanimada ay hurinayaan jawi kicin kara qalalaaso siyaasadeed oo keeni kara cawaaqib xumo.

   Ayadoo hadlaysay maalmo ka dib markii madaxweynaha uu ku baaqay in dalka laga saaro, ayey Ilhan Cumar waxay sheegtay in luqadda kicinta ee Trump ay gaartay "meesha ugu xun ee qof bani'aadan ah uu gaaro" uuna dadka ku dhiirigeliyo inay ficil sameeyaan.

   "Waxaa jira dad loo xiray inay ay iigu hanjabeen inay i dilayaan," ayay u sheegtay wargayska the Guardian iyadoo ku sugan xafiiskeeda Washington. "Waxaan haynaa dad lagu soo oogay dacwad ah inay iigu hanjabeen inay i dilayaan, waana wax maskaxdayada ku sii jira, laakiin waxaan sidoo kale ka walaacsanahay dadkaas inay helaan qof aniga ii eg oo jooga Minneapolis ama dalka oo dhan, ayagoo moodaya inaan aniga ahay oo ay waxyeello u geystaan" ayey tiri Ilhaan.

   Sii akhri

10. 7 Saacadood ka horTrump: Mareykanka iyo NATO waxay gaari doonaan heshiis ku saabsabn mustaqbalka Greenland

    Madaxweynaha Mareykanka, Donald Trump, ayaa sheegay in Mareykanka iyo NATO ay gaari doonaan heshiis labada dhinacba ay ku heshiin karaan mustaqbalka Greenland, ka hor inta uusan u ambabixin shirka dhaqaalaha adduunka ee ka dhacaya Davos, Arbacada manta ah

    Trump ayaa shirkii jaraa'id ee uu qabtay Talaadadii ku sheegay, in Mareykanka uu leeyahay "shirar badan oo loo qorsheeyay Greenland" inta lagu guda jiro shirka sanadlaha ah ee Madasha Dhaqaalaha Adduunka ee ka dhacaya Switzerland

    Trump ayaa shirka jaraa'id sidoo kale ku sharraxay inuu shaki ka qabo in dalalka Yurub, haddii uu tallaabo qaado oo ka dhan ah Greenland.

    Tani waxay qayb ka ahayd khudbad uu Trump jeediyay oo socotay hal saac iyo afartan daqiiqo oo uu ka jeediyay Aqalka Cad

    Markii la weydiiyay sida uu ugu diyaar garoobay inuu la wareego jasiiradda Greenland, wuxuu ku jawaabay: "idinku waad ogaan doontaan"