හොංකොං: චීන විරෝධී උද්ඝෝෂණ

පොත් සාප්පු කරුවන් පස් දෙනෙකු අතුරුදහන් වීම පිළිබඳව කෝපයට පත් හොංකොං වැසියන් දහස් ගණනක් වීදි බැස උද්ඝෝෂණය කළහ.

අතුරුදහන් වූ පොත් සාප්පු හිමියන් එකම පොත් ප්‍රකාශන සමාගමකට සබඳතා ඇති අය වන අතර එය චීන රජය විවේචනයට ලක් කරන ග්‍රන්ථ ප්‍රකාශයට පත් කරන සමාගමකි.

චීන රජය මෙම පිරිස රඳවා ගෙන ඇති බවට උද්ඝෝෂකයෝ චෝදනා කරති.

මෙම උද්ඝෝෂණයේ සම සංවිධායකයෙකු වන ලී චෙඋක් යැන් කියා සිටියේ හොංකොං වැසියන් භුක්ති විඳිමින් සිටි නිදහස මර්දනය කිරීමේ හැරවුම් ලක්ෂ්‍යය මෙය බවයි.

බ්‍රිතාන්‍යය හොංකොං දේශය ආපසු චීනයට භාර දෙන විට ඊට අනන්‍යව පැවති නිදහස මර්දනය කිරීමට චීන පරිපාලනය උත්සාහ කරන බවට හොංකොං ජනතාව බිය පළ කරති