ගංවතුර සහ නායයාම්: මරණ 100 ඉක්මවයි
රට පුරා බොහෝ ප්රදේශවලට ඇද හැලෙන වර්ෂාව හේතුවෙන් හටගත් ගංවතුරට සහ නායයාම්වලට හසුවීමෙන් සිය දෙනෙකු ජීවිතක්ෂයට පත්වී ඇති බව ජාතික ආපදා කළමනාකරණ මධ්යස්ථානය නිල වශයෙන් නිවේදනය කරයි.
තවත් 113 දෙනෙකු පිළිබඳව ආගිය තොරතුරක් මෙතෙක් දැනගන්නට ලැබී නැති හෙයින් ඔවුන් අතුරුදහන් වූවන්ගේ ලැයිස්තුවට ඇතුළත් කර තිබේ.
රටේ බොහෝ ප්රදේශවලට බලපෑ අයහපත් කාලගුණය හේතුවෙන් දෙලක්ෂයකට අධික පිරිසක් අවතැන් වී සිටින බවත් ආපදා කළමනාකරණ මධ්යස්ථානයේ ප්රකාශක ප්රදීප් කොඩිප්පිලි බීබීසී සිංහල සේවයට ප්රකාශ කළේය.
දිස්ත්රික්ක දාහතරක් පුරා අවතැන්වී සිටින පවුල් සංඛ්යාව 52603 කි.
එමෙන්ම තවත් පවුල් තුන්දහසකට ආසන්න ප්රමාණයකට අයත් පුද්ගලයන් 12000කට අධික පිරිසක් තම නිවෙස් අතහැර ආරක්ෂිත ස්ථාන කරා ගොස් සිටින බව ජාතික ආපදා කළමනාකරණ මධ්යස්ථානය ප්රකාශ කරයි.
