ਅਮਰੀਕਾ ਨਾਲ ਉਲਝ ਰਹੇ ਈਰਾਨ ਦੀ ਬ੍ਰਿਟੇਨ ਨੂੰ ਵੀ ਚਿਤਾਵਨੀ
ਤਸਵੀਰ ਸਰੋਤ, EPA
ਈਰਾਨ ਦੇ ਅਧਿਕਾਰੀਆਂ ਨੇ ਧਮਕੀ ਦਿੱਤੀ ਹੈ ਕਿ ਜੇਕਰ ਬ੍ਰਿਟੇਨ ਨੇ ਈਰਾਨੀ ਸਮੁੰਦਰੀ ਬੇੜੇ ਨੂੰ ਨਾ ਛੱਡਿਆ ਤਾਂ ਉਹ ਬਰਤਾਨਵੀ ਤੇਲ ਟੈਂਕਰ ਨੂੰ ਕਬਜ਼ੇ ਵਿਚ ਲੈ ਲੈਣਗੇ।
ਬ੍ਰਿਟੇਨ ਰੌਇਲ ਮਰੀਨ ਦੇ ਅਧਿਕਾਰੀਆਂ ਨੇ ਜਿਬਰਾਲਟਰ ਵਿਚ ਵੀਰਵਾਰ ਨੂੰ ਸੁਪਰ ਟੈਂਕਰ ਗਰੀਸ-1 ਨੂੰ ਕਬਜ਼ੇ ਵਿਚ ਲੈ ਲਿਆ ਸੀ। ਇਸ ਬੇੜੇ ਬਾਰੇ ਸ਼ੱਕ ਕੀਤਾ ਜਾ ਰਿਹਾ ਸੀ ਕਿ ਇਹ ਈਰਾਨ ਤੋਂ ਸੀਰੀਆ ਵੱਲ ਤੇਲ ਲੈ ਕੇ ਜਾ ਰਿਹਾ ਸੀ।
ਇਸ ਨੂੰ ਯੂਰਪੀਅਨ ਯੂਨੀਅਨ ਦੀਆਂ ਪਾਬੰਦੀਆਂ ਦੀ ਉਲੰਘਣਾ ਦਾ ਦੋਸ਼ੀ ਮੰਨਦਿਆਂ ਕਬਜ਼ੇ ਵਿਚ ਲਿਆ ਗਿਆ।
ਈਰਾਨ ਨੇ ਤਹਿਰਾਨ ਵਿਚ ਬ੍ਰਿਟੇਨ ਦੇ ਰਾਜਦੂਤ ਨੂੰ ਤਲਬ ਕਰਕੇ ਆਪਣਾ ਰੋਸ ਪ੍ਰਗਟਾਇਆ ਅਤੇ ਇਸ ਬਰਤਾਨਵੀ ਕਦਮ ਨੂੰ 'ਡਕੈਤੀ ਵਾਂਗ' ਕਰਾਰ ਦਿੱਤਾ।
ਇਹ ਵੀ ਪੜ੍ਹੋ :
ਈਰਾਨ ਦੇ ਆਗੂ ਅਇਆਤਉੱਲਾ ਖੋਮੀਨੀ ਦੇ ਸਲਾਹਕਾਰ ਮੋਹਸਨ ਰੇਜ਼ੇਈ ਨੇ ਟਵੀਟ ਕਰਕੇ ਕਿਹਾ ਕਿ ਇਸ 'ਧੌਸ ਦਾ ਬਿਨਾਂ ਝਿਜਕ ਜਵਾਬ ਦੇਵਾਂਗੇ'।
ਰੇਜ਼ੇਈ ਨੇ ਲਿਖਿਆ , "ਜੇਕਰ ਬ੍ਰਿਟੇਨ ਨੇ ਈਰਾਨੀ ਤੇਲ ਟੈਂਕਰ ਨਹੀਂ ਛੱਡਿਆ ਤਾਂ ਇਹ ਪ੍ਰਸਾਸ਼ਨ ਦੀ ਡਿਊਟੀ ਹੈ ਕਿ ਉਹ ਬ੍ਰਿਟੇਨ ਦੇ ਟੈਂਕਰ ਨੂੰ ਕਬਜ਼ੇ ਵਿਚ ਲੈ ਲਵੇ। "
ਬੀਬੀਸੀ ਨੂੰ ਦੱਸਿਆ ਗਿਆ ਕਿ 30 ਮਰੀਨ ਅਤੇ 40 ਕਮਾਂਡੋਜ਼ ਨੇ ਯੂਕੇ ਤੋਂ ਜਿਬਰਾਲਟਰ ਜਾ ਕੇ ਕਰੂਡ ਆਇਲ ਦੇ ਭਰੇ ਈਰਾਨੀ ਬੇੜੇ ਨੂੰ ਕਬਜ਼ੇ ਵਿਚ ਲੈ ਲਿਆ। ਇਹ ਕਾਰਗੋ ਬੇੜਾ ਹੈ, ਜਿਸ ਨੂੰ ਗਰੀਸ-1 ਕਿਹਾ ਜਾਂਦਾ ਹੈ।
ਪਰ ਈਰਾਨ ਦੇ ਵਿਦੇਸ਼ ਮੰਤਰਾਲੇ ਨੇ ਇਸ ਕਦਮ ਨੂੰ ਕਾਨੂੰਨੀ ਦੱਸਦਿਆਂ ਇਲਜ਼ਾਮ ਲਗਾਇਆ ਕਿ ਬ੍ਰਿਟੇਨ ਅਮਰੀਕਾ ਦੀ ਚੁੱਕ ਵਿਚ ਆ ਕੇ ਅਜਿਹਾ ਕਰ ਰਿਹਾ ਹੈ।
ਤਸਵੀਰ ਸਰੋਤ, Reuters
ਯੂਕੇ ਨੇ ਇਸ ਨੂੰ ਡਕੈਤੀ ਵਾਂਗ ਦੱਸਣ ਵਾਲੇ ਬਿਆਨ ਨੂੰ 'ਬਕਵਾਸ' ਕਹਿ ਕੇ ਰੱਦ ਕੀਤਾ ਹੈ।
ਸਪੇਨ ਦੇ ਜਿਸ ਦਾ ਗਿਬਰਾਲਤਾਰ ਉੱਤੇ ਬ੍ਰਿਟੇਨ ਨਾਲ ਵਿਵਾਦ ਹੈ, ਦੇ ਕਾਰਜਕਾਰੀ ਵਿਦੇਸ਼ ਮੰਤਰੀ ਜੌਨਾਥਨ ਬੇਆਲੇ ਨੇ ਕਿਹਾ ਉਹ ਹਾਲਾਤ ਦਾ ਅਧਿਐਨ ਕਰ ਰਹੇ ਹਨ। ਪਰ ਇਹ ਸਾਫ਼ ਹੈ ਕਿ ਇਹ ਕਦਮ ਅਮਰੀਕਾ ਦੀ ਮੰਗ ਉੱਤੇ ਚੁੱਕਿਆ ਗਿਆ।
ਯੂਕੇ ਦੇ ਸੰਸਦ ਮੈਂਬਰ ਨੇ ਕਿਹਾ ਕਿ ਇਸ ਘਟਨਾ ਨੇ ਸਾਬਤ ਕਰ ਦਿੱਤਾ ਹੈ ਕਿ ਬ੍ਰਿਟੇਨ ਦਾ ਆਪਣਾ ਕੋਈ ਸਨਮਾਨ ਨਹੀਂ ਹੈ, ਉਹ ਅਮਰੀਕਾ ਦੇ ਇਸ਼ਾਰਿਆ ਉੱਤੇ ਕੰਮ ਕਰਦਾ ਹੈ।
ਇਹ ਵੀ ਪੜ੍ਹੋ :
ਈਰਾਨ-ਯੂਕੇ ਦੋਸਤਾਨਾਂ ਗਰੁੱਪ ਦੀ ਅਗਵਾਈ ਕਰਨ ਵਾਲੀ ਮੁਸਤਫ਼ਾ ਕਾਬਾਕੇਬੀਅਨ ਨੇ ਟਵੀਟ ਕਰਕੇ ਲਿਖਿਆ, "ਇਹ ਕਬਜ਼ਾ ਈਰਾਨ ਉੱਤੇ ਗੈਰ-ਕਾਨੂੰਨੀ ਤੇ ਡਕੈਤੀ ਵਾਲੀ ਕਾਰਵਾਈ ਵਰਗਾ ਹੈ।"
ਅਮਰੀਕੀ ਵਾਈਟ ਹਾਊਸ ਦੇ ਬੁਲਾਰੇ ਜੌਹਨ ਬੋਲਟਨ ਨੇ ਇਸ ਨੂੰ ਚੰਗੀ ਖ਼ਬਰ ਦੱਸਦਿਆਂ ਕਿਹਾ ਕਿ ਅਮਰੀਕਾ ਅਤੇ ਉਸ ਦੇ ਸਹਿਯੋਗੀ ਤਹਿਰਾਨ ਤੇ ਦਮਿਸ਼ਕ ਦੇ ਇਸ ਗੈਰ-ਕਾਨੂੰਨੀ ਟਰੇਡ ਤੋਂ ਮੁਨਾਫ਼ੇ ਨਹੀਂ ਕਮਾਉਣ ਦੇਵੇਗਾ।
ਕਬਜ਼ੇ ਵਿਚ ਲਏ ਗਏ ਸਮੁੰਦਰੀ ਬੇੜੇ ਉੱਤੇ ਇਲਜ਼ਾਮ ਹੈ ਕਿ ਉਹ ਸੀਰੀਆ ਦੇ ਪੈਟੋਰਲੀਅਮ ਮੰਤਰਾਲੇ ਦੇ ਅਦਾਰੇ ਬਨਿਆਸ ਰਿਫਾਈਨਰੀ ਲਈ ਕੱਚਾ ਤੇਲ ਲੈ ਕੇ ਰਿਹਾ ਸੀ।
ਇਹ ਘਟਨਾ ਈਰਾਨ ਤੇ ਅਮਰੀਕਾ ਵਿਚਾਲੇ ਚੱਲ ਰਹੇ ਤਣਾਅ ਨੂੰ ਹੋਰ ਵਧਾਉਣ ਦਾ ਕੰਮ ਕਰੇਗੀ ।
ਤੁਸੀਂ ਇਹ ਵੀਡੀਓਜ਼ ਵੀ ਦੇਖ ਸਕਦੇ ਹੋ
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post, 1
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post, 2
