ਗੋਲਡਨ ਗਲੋਬ ਐਵਾਰਡ 'ਚ ਭਾਰੂ ਰਿਹਾ ਹਾਲੀਵੁੱਡ ਦਾ ਜਿਣਸੀ ਸ਼ੋਸ਼ਣ ਕਾਂਡ
ਤਸਵੀਰ ਸਰੋਤ, Reuters
ਅਮਰੀਕਾ ਦੇ ਬੈਵਰਲੀ ਹਿਲਜ਼ ਵਿੱਚ 75ਵੇਂ ਸਲਾਨਾ ਗੋਲਡਨ ਗਲੋਬ ਐਵਾਰਡਜ਼ ਹੋਏ। ਅਮਰੀਕੀ ਫਿਲਮ ਅਤੇ ਟੀਵੀ ਦੇ ਕਲਾਕਾਰਾਂ ਨੂੰ ਇਨ੍ਹਾਂ ਐਵਾਰਡ ਨਾਲ ਨਵਾਜ਼ਿਆ ਗਿਆ।
ਇੱਕ ਮੁੱਦਾ ਜੋ ਇਸ ਦੌਰਾਨ ਛਾਇਆ ਰਿਹਾ ਉਹ ਸੀ ਹਾਲੀਵੁੱਡ ਵਿੱਚ ਜਿਣਸੀ ਸ਼ੋਸ਼ਣ ਦੇ ਸਕੈਂਡਲ ਦਾ।
ਹਾਲੀਵੁੱਡ ਵਿੱਚ ਸਕੈਂਡਲ ਸਾਹਮਣੇ ਆਉਣ ਤੋਂ ਬਾਅਦ ਇਹ ਪਹਿਲਾ ਵੱਡਾ ਐਵਾਰਡ ਸਮਾਗਮ ਸੀ।
ਤਸਵੀਰ ਸਰੋਤ, Getty Images
ਪੀੜਤਾਂ ਦੇ ਸਨਮਾਨ ਵਿੱਚ ਸਿਤਾਰੇ ਕਾਲੇ ਲਿਬਾਸ ਵਿੱਚ ਸਮਾਗਮ ਦਾ ਹਿੱਸਾ ਬਣੇ। ਜਿਣਸੀ ਸ਼ੋਸ਼ਣ ਖ਼ਿਲਾਫ਼ ਅਸਰਦਾਰ ਸੰਦੇਸ਼ ਦਿੱਤੇ ਗਏ।
ਸਮਾਗਮ ਦੀ ਸ਼ੁਰੂਆਤ ਕਰਦਿਆਂ ਹੋਸਟ ਸੇਥ ਮੇਅਰਸ ਨੇ ਕਿਹਾ, ''ਲੇਡੀਜ਼ ਅਤੇ ਬਚੇ ਹੋਏ ਜੈਂਟਲਮੈਨ ਤੁਹਾਡਾ ਸੁਆਗਤ ਹੈ। ਇਹ 2018 ਹੈ ਤੇ ਇੱਥੇ ਜਿਣਸੀ ਸ਼ੋਸ਼ਣ ਲਈ ਕੋਈ ਥਾਂ ਨਹੀਂ ਹੈ।''
ਸੇਸਿਲ ਬੀ ਡੇਮਿਲ ਐਵਾਰਡ ਮਿਲਣ ਮਗਰੋਂ ਆਪਣੇ ਭਾਸ਼ਣ 'ਚ ਓਪਰਾ ਵਿਨਫਰੇ ਨੇ ਕਿਹਾ ਕਿ ਨਵੇਂ ਦਿਨ ਦੀ ਸ਼ੁਰੂਆਤ ਹੋਣ ਵਾਲੀ ਹੈ।
ਤਸਵੀਰ ਸਰੋਤ, Reuters
ਹੁਣ ਕਿਸੇ ਨੂੰ ਦੁਬਾਰਾ ''ਮੀ ਟੂ'' ਨਹੀਂ ਕਹਿਣਾ ਪਵੇਗਾ। ਉਨ੍ਹਾਂ ਕਿਹਾ ਸੱਚ ਸਾਡਾ ਸਾਰਿਆਂ ਦਾ ਸ਼ਕਤੀਸ਼ਾਲੀ ਔਜ਼ਾਰ ਹੈ।
ਵਿਨਫਰੇ ਦੀ ਸਪੀਚ 'ਤੇ ਸਾਰੇ ਸਿਤਾਰਿਆਂ ਨੇ ਖੜੇ ਹੋ ਕੇ ਤਾੜੀਆਂ ਮਾਰੀਆਂ।
ਸਾਰਿਆਂ ਨੇ ''ਮੀ ਟੂ'' ਅਤੇ ''ਟਾਈਮਸ ਅੱਪ'' ਅਭਿਆਨ ਦਾ ਸਮਰਥਨ ਕੀਤਾ ਜੋ ਸਿਰਫ ਮੋਨਰੰਜਨ ਜਗਤ ਹੀ ਨਹੀਂ ਸਗੋਂ ਪੂਰੀ ਦੁਨੀਆਂ ਵਿੱਚ ਮਹਿਲਾਵਾਂ ਲਈ ਬਦਲਾਅ ਲਿਆਉਣ 'ਤੇ ਕੇਂਦਰਿਤ ਸੀ।
ਤਸਵੀਰ ਸਰੋਤ, AFP/GettyImages
ਬੈਸਟ ਮੋਸ਼ਨ ਪਿੱਕਚਰ ਡਰਾਮਾ ਦਾ ਐਵਾਰਡ ਫਿਲਮ 'ਥ੍ਰੀ ਬਿੱਲਬੋਰਡਸ ਆਉਟਸਾਈਡ ਐਬਿੰਗ ਮਿਸੂਰੀ' ਨੂੰ ਮਿਲਿਆ।
ਇਸ ਐਵਾਰਡ ਲਈ 'ਕਾਲ ਮੀ ਬਾਈ ਯੌਰ ਨੇਮ', 'ਡਨਕਰਕ', 'ਦਿ ਪੋਸਟ' ਅਤੇ 'ਦਿ ਸ਼ੇਪ ਆਫ ਵਾਟਰ' ਨਾਮਜ਼ਦ ਸਨ। ਇਹ ਇੱਕ ਕੌਮੇਡੀ ਕਰਾਈਮ ਫਿਲਮ ਹੈ।
ਤਸਵੀਰ ਸਰੋਤ, Getty Images
ਬੈਸਟ ਅਦਾਕਾਰਾ ਦਾ ਐਵਾਰਡ ਫਰਾਨਸਿਸ ਮੈਕਡੌਰਮੰਡ ਨੂੰ ਫਿਲਮ 'ਥ੍ਰੀ ਬਿੱਲਬੋਰਡਸ ਆਉਟਸਾਈਡ ਐਬਿੰਗ ਮਿਸੂਰੀ' ਲਈ ਮਿਲਿਆ।
ਤਸਵੀਰ ਸਰੋਤ, Reuters
ਬੈਸਟ ਅਦਾਕਾਰ ਦਾ ਐਵਾਰਡ ਗੈਰੀ ਓਲਡਮੈਨ ਨੂੰ ਮਿਲਿਆ। ਫਿਲਮ 'ਡਾਰਕੈਸਟ ਆਰ' ਵਿੱਚ ਉਨ੍ਹਾਂ ਨੇ ਵਿੰਨਸਟਨ ਚਰਚਿਲ ਦਾ ਕਿਰਦਾਰ ਨਿਭਾਇਆ ਸੀ।
ਉਨ੍ਹਾਂ ਕਿਹਾ, ''ਮੈਨੂੰ ਇਸ ਫਿਲਮ 'ਤੇ ਗਰਵ ਹੈ। ਇਹ ਵਿਖਾਉਂਦੀ ਹੈ ਕਿ ਸ਼ਬਦ ਅਤੇ ਕਾਰੇ ਦੁਨੀਆਂ ਬਦਲ ਸਕਦੇ ਹਨ ਅਤੇ ਕੀ ਇਸ ਵਿੱਚ ਬਦਲਾਅ ਦੀ ਲੋੜ ਹੈ?''
ਤਸਵੀਰ ਸਰੋਤ, Fox
ਬੈਸਟ ਨਿਰਦੇਸ਼ਕ ਦਾ ਐਵਾਰਡ ਫਿਲਮ 'ਦ ਸ਼ੇਪ ਆਫ ਵਾਟਰ' ਦੇ ਗੂਲਿਰਮੋ ਡੈਲ ਟੋਰੋ ਨੂੰ ਮਿਲਿਆ। ਇਹ ਇਨ੍ਹਾਂ ਦਾ ਪਹਿਲਾ ਗੋਲਡਨ ਗਲੋਬ ਐਵਾਰਡ ਸੀ।
ਤਸਵੀਰ ਸਰੋਤ, Disney/Pixar
ਬੈਸਟ ਐਨੀਮੇਸ਼ਨ ਫਿਲਮ ਦਾ ਐਵਾਰਡ 'ਕੋਕੋ' ਨੂੰ ਮਿਲਿਆ। ਫਿਲਮ ਵਿੱਚ ਇੱਕ ਮੈਕਸਿਕਨ ਮੁੰਡਾ ਮਰਨ ਤੋਂ ਬਾਅਦ ਦੀ ਜ਼ਿੰਦਗੀ ਵੇਖਣ ਲਈ ਜਾਂਦਾ ਹੈ।
ਤਸਵੀਰ ਸਰੋਤ, Getty Images
ਭਾਰਤੀ ਮੂਲ ਦੇ ਅਦਾਕਾਰ ਅਜ਼ੀਜ਼ ਅੰਸਾਰੀ ਨੂੰ ਆਪਣੇ ਬਣਾਏ ਟੀਵੀ ਸ਼ੋਅ 'ਮਾਸਟਰ ਆਫ ਨਨ' ਲਈ ਆਪਣਾ ਪਹਿਲਾ ਗੋਲਡਨ ਗਲੋਬ ਮਿਲਿਆ।
ਉਨ੍ਹਾਂ ਨੂੰ ਟੀਵੀ ਵਿੱਚ ਕੌਮੇਡੀ ਬੈਸਟ ਅਦਾਕਾਰ ਦਾ ਐਵਾਰਡ ਮਿਲਿਆ।
ਉਨ੍ਹਾਂ ਕਿਹਾ ਮੈਂ ਨਹੀਂ ਸੋਚਿਆ ਸੀ ਕਿ ਇਹ ਮੈਨੂੰ ਮਿਲੇਗਾ ਕਿਉਂਕਿ ਸਾਰੀ ਵੈਬਸਾਈਟਾਂ ਇਹੀ ਕਹਿ ਰਹੀਆਂ ਸਨ
ਤਸਵੀਰ ਸਰੋਤ, Getty Images
ਇੰਡਸਟ੍ਰੀ ਵਿੱਚ ਹੋ ਰਹੇ ਸ਼ੋਸ਼ਣ ਖਿਲਾਫ 'ਟਾਈਮਜ਼ ਅੱਪ' ਮੁਹਿੰਮ ਨਾਲ ਜੁੜੇ ਕਲਾਕਾਰ ਰੈਡ ਕਾਰਪੇਟ 'ਤੇ ਕਾਲੀਆਂ ਪੋਸ਼ਾਕਾਂ ਵਿੱਚ ਨਜ਼ਰ ਆਏ।
