ਨੀਰਜ ਚੋਪੜਾ ਟੋਕੀਓ 2020 ਓਲੰਪਿਕ: ਨੀਰਜ ਨੇ ਮੈਡਲ ਮਿਲਖਾ ਸਿੰਘ ਸਣੇ ਇਨ੍ਹਾਂ ਖਿਡਾਰੀਆਂ ਨੂੰ ਸਮਰਪਿਤ ਕੀਤਾ ਤੇ ਇਸ ਦੀ ਵਜ੍ਹਾ ਇਹ ਦੱਸੀ

ਟੋਕੀਓ ਓਲੰਪਿਕ ਵਿੱਚ ਜੈਵੇਲਿਨ ਥਰੋਅ ਵਿੱਚ ਨੀਰਜ ਚੋਪੜਾ ਅੱਵਲ ਆ ਕੇ ਭਾਰਤ ਦੀ ਝੋਲੀ ਵਿੱਚ ਐਥਲੈਟਿਕ ਦਾ ਗੋਲਡ ਮੈਡਲ ਪਾਉਣ ਵਾਲੇ ਖਿਡਾਰੀ ਬਣ ਗਏ ਹਨ।

ਇਹ ਟਰੈਕ ਐਂਡ ਫੀਲਡ ਵਿੱਚ ਭਾਰਤ ਦਾ ਪਹਿਲਾ ਮੈਡਲ ਹੈ।ਮੈਡਲ ਜਿੱਤਣ ਤੋਂ ਬਾਅਦ ਨੀਰਜ ਨੇ ਪੱਤਰਕਾਰਾਂ ਨਾਲ ਗੱਲ ਕਰਦਿਆਂ ਕਿਹਾ, “ਅਜਿਹਾ ਤਾਂ ਕੁਝ ਨਹੀਂ ਸੋਚਿਆ ਸੀ ਪਰ ਇੰਨਾ ਜ਼ਰੂਰ ਸੀ ਕਿ ਅੱਜ ਕੁਝ ਅਲਗ ਕਰਾਂਗਾ।”

ਉਨ੍ਹਾਂ ਨੇ ਦੱਸਿਆ ਕਿ ਸੱਟ ਲੱਗਣ ਤੋਂ ਬਾਅਦ ਕੋਈ ਕੌਮਾਂਤਰੀ ਮੁਕਾਬਲਾ ਨਹੀਂ ਮਿਲ ਰਿਹਾ ਸੀ ਅਤੇ "ਅਜਿਹੇ ਵਿੱਚ ਜਿਸ-ਜਿਸ ਨੇ ਮੇਰਾ ਸਮਰਥਨ ਕੀਤਾ ਉਸ ਧੰਨਵਾਦ।"

ਉਨ੍ਹਾਂ ਨੇ ਅੱਗੇ ਕਿਹਾ, "ਮੈਨੂੰ ਆਸ ਸੀ ਕਿ ਮੈਂ ਅੱਜ ਆਪਣਾ ਕੁਝ ਬਿਹਤਰੀਨ ਕਰਾਂਗਾ ਪਰ ਕੁਝ ਥਰੋਅ ਠੀਕ ਨਹੀਂ ਸਨ ਪਰ ਆਖ਼ਰੀ ਥਰੋਅ ਥੋੜ੍ਹਾ ਜਿਹਾ ਸਥਾਈ ਹੋਇਆ।”

ਉਨ੍ਹਾਂ ਨੇ ਕਿਹਾ ਵਿੱਚ ਤਾਂ ਕਈ ਲੋਕਾਂ ਨੂੰ ਅਜਿਹਾ ਵੀ ਲੱਗਾ ਕਿ ਇਹ ਕਿਤੇ ਚਲਾ ਗਿਆ ਹੋਵੇਗਾ ਪਰ "ਮੇਰਾ ਫੌਕਸ ਤਾਂ ਓਲੰਪਿਕ 'ਤੇ ਸੀ।"

ਉਨ੍ਹਾਂ ਨੇ ਆਪਣੇ ਮੈਡਲ ਮਿਲਖਾ ਸਿੰਘ, ਪੀਟੀ ਊਸ਼ਾ ਵਰਗੇ ਕਈ ਹੋਰ ਐਥਲੀਟਾਂ, ਜਿਹੜੇ ਥੋੜ੍ਹੇ ਪੁਆਇੰਟਾਂ ਕਰ ਕੇ ਮੈਡਲ ਤੋਂ ਰਹਿ ਗਏ ਸਨ, ਉਨ੍ਹਾਂ ਨੂੰ ਸਮਰਪਿਤ ਕੀਤਾ।

ਨੀਰਜ ਵੱਲੋਂ ਗੋਲਡ ਮੈਡਲ ਜਿੱਤਦਿਆਂ ਸਾਰ ਹੀ ਸੋਸ਼ਲ ਮੀਡੀਆ ਉੱਤੇ ਪ੍ਰਕਿਰਿਆਵਾਂ ਅਤੇ ਵਧਾਈਆਂ ਦਾ ਦੌਰ ਸ਼ੁਰੂ ਹੋ ਗਿਆ ਹੈ।

ਇਹ ਵੀ ਪੜ੍ਹੋ-

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਟਵੀਟ ਕਰ ਕੇ ਕਿਹਾ ਹੈ, "ਟੋਕੀਓ ਵਿੱਚ ਇਤਿਹਾਸ ਲਿਖਿਆ ਜਾ ਚੁੱਕਿਆ ਹੈ, ਜੋ ਨੀਰਜ ਚੋਪੜਾ ਨੇ ਅੱਜ ਹਾਸਿਲ ਕੀਤਾ ਹੈ, ਉਸ ਨੂੰ ਹਮੇਸ਼ਾ ਯਾਦ ਰੱਖਿਆ ਜਾਵੇਗਾ।"

"ਨੌਜਵਾਨ ਨੀਰਜ ਨੇ ਅਸਾਧਾਰਨ ਤੌਰ 'ਤੇ ਬੇਹੱਦ ਵਧੀਆ ਪ੍ਰਦਰਸ਼ਨ ਕੀਤਾ। ਉਨ੍ਹਾਂ ਬਿਹਤਰੀਨ ਜਨੂੰਨ ਨਾਲ ਖੇਡਣਾ ਸ਼ੁਰੂ ਕੀਤਾ ਅਤੇ ਸ਼ਾਨਦਾਰ ਧੀਰਜ ਦੀ ਪੇਸ਼ਕਾਰੀ ਕੀਤੀ। ਗੋਲਡ ਜਿੱਤਣ ਲਈ ਉਨ੍ਹਾਂ ਨੂੰ ਵਧਾਈ।"

ਓਲੰਪੀਅਨ ਅਭਿਨਵ ਬਿੰਦਰਾ ਨੇ ਟਵੀਟ ਵਿੱਚ ਲਿਖਿਆ, "ਅਤੇ ਸੋਨਾ ਰਿਹਾ ਨੀਰਜ ਦੇ ਨਾਂਅ, ਪ੍ਰਸ਼ੰਸਾ ਸਵੀਕਾਰ ਕਰੋ, ਜਵਾਨ ਤੁਸੀਂ ਦੇਸ਼ ਦਾ ਸੁਪਨਾ ਪੂਰਾ ਕੀਤਾ ਹੈ। ਧੰਨਵਾਦ ! ਕਲੱਬ ਵਿੱਚ ਤੁਹਾਡਾ ਸੁਆਗਤ ਹੈ, ਬੇਹੱਦ ਮਾਣ ਹੈ, ਤੁਹਾਡੇ ਲਈ ਬਹੁਤ ਖੁਸ਼ ਹਾਂ।"

ਹਰਿਆਣਾ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਖੱਟੜ ਨੇ ਕਿਹਾ, "ਹਰਿਆਣਾ ਦੇ ਛੋਰੇ ਨੇ ਲੱਠ ਗਾੜ ਦਿਆਂ।"

ਉਨ੍ਹਾਂ ਨੀਰਜ ਨੂੰ ਸਫ਼ਲਤਾ ਲਈ ਢੇਰ ਸਾਰੀ ਵਧਾਈ ਦਿੱਤੀ ਅਤੇ ਕਿਹਾ ਕਿ ਦੇਸ਼ ਨੂੰ ਇਸ ਵੇਲੇ ਦਾ ਲੰਬੇ ਸਮੇਂ ਤੋਂ ਇੰਤਜ਼ਾਰ ਸੀ।

ਇਸ ਦੇ ਨਾਲ ਖ਼ਬਰ ਏਜੰਸੀ ਏਐੱਨਆਈ ਮੁਤਾਬਕ ਮੁੱਖ ਮੰਤਰੀ ਖੱਟਣ ਨੇ ਐਲਾਨ ਕੀਤਾ ਕਿ ਨੀਰਜ ਚੋਪੜਾ ਨੂੰ 6 ਕਰੋੜ ਰੁਪਏ ਅਤੇ ਨੀਤੀ ਤਹਿਤ ਕਲਾਸ 1 ਨੌਕਰੀ ਦਿੱਤੀ ਜਾਵੇਗੀ।

ਉਨ੍ਹਾਂ ਨੇ ਕਿਹਾ, "ਅਸੀਂ ਪੰਚਕੂਲਾ ਵਿੱਚ ਸੈਂਟਰ ਆਫ ਐਕਸੀਲੈਂਸ ਇਮਰਾਤ ਬਣਾਵਾਂਗੇ ਜੇਕਰ ਉਹ ਚਾਹੁਣ ਤਾਂ ਉਹ ਇਸ ਦੇ ਮੁਖੀ ਬਣ ਹੋਣਗੇ। ਹੋਰਨਾਂ ਖਿਡਾਰੀਆਂ ਵਾਂਗ ਉਨ੍ਹਾਂ ਨੂੰ 50 ਫੀਸਦ ਰਿਆਇਤ ਨਾਲ ਪਲਾਟ ਦਿੱਤਾ ਜਾਵੇਗਾ।"

ਪੰਜਾਬ ਸਰਕਾਰ ਵੱਲੋਂ 2 ਕਰੋੜ ਦਾ ਐਲਾਨ

ਏਐੱਨਆਈ ਮੁਤਾਬਕ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਐਲਾਨ ਕੀਤਾ ਹੈ ਕਿ ਦੇਸ਼ ਦੀ ਝੋਲੀ ਵਿੱਚ ਪਹਿਲਾ ਗੋਲਡ ਮੈਡਲ ਪਾਉਣ ਵਾਲੇ ਭਾਰਤੀ ਫੌਜੀ ਨੀਰਜ ਚੋਪੜਾ ਦੀ ਮਹਾਨ ਉਪਲਬਧੀ ਦੇ ਸਨਮਾਨ ਵਿੱਚ 2 ਕਰੋੜ ਦੀ ਨਕਦ ਰਾਸ਼ੀ ਦਿੱਤੀ ਜਾਵੇਗੀ।

ਉਨ੍ਹਾਂ ਨੇ ਕਿਹਾ ਕਿ ਇਹ ਸਾਰੇ ਪੰਜਾਬੀਆਂ ਲਈ ਮਾਣ ਵਾਲੀ ਘੜੀ ਹੈ ਕਿਉਂਕਿ ਉਨ੍ਹਾਂ ਦੀਆਂ ਜੜ੍ਹਾਂ ਪੰਜਾਬ ਤੋਂ ਹਨ।

ਬੀਸੀਸੀਆਈ ਵੱਲੋਂ ਤਮਗਾ ਤੇਜੂ ਖਿਡਾਰੀਆਂ ਲਈ ਇਨਾਮ

ਖ਼ਬਰ ਏਜੰਸੀ ਏਐੱਨਆਈ ਮੁਤਾਬਕ ਬੀਸੀਸੀਆਈ ਵੱਲੋਂ ਗੋਲਡ ਮੈਡਲ ਜਿੱਤਣ ਵਾਲੇ ਨੀਰਜ ਨੂੰ ਇੱਕ ਕਰੋੜ ਰੁਪਏ ਦਾ ਇਨਾਮ ਅਤੇ ਇਸ ਦੇ ਨਾਲ ਹੀ ਸਿਲਵਰ ਮੈਡਲ ਜਿੱਤਣ ਵਾਲੀ ਮੀਰਾਬਾਈ ਚਾਨੂ ਅਤੇ ਰਵੀ ਦਹੀਆ ਨੂੰ 50-50 ਲੱਖ ਅਤੇ ਕਾਂਸੇ ਦਾ ਤਮਗਾ ਜਿੱਤਣ ਵਾਲੀ ਪੀਵੀ ਸਿੰਧੂ, ਲਵਲੀਨ ਬੋਰਗੋਹੇ ਤੇ ਬਜਰੰਗ ਪੂਨੀਆ ਲਈ 25-25 ਲੱਖ ਰੁਪਏ ਦੇ ਇਨਾਮ ਦਾ ਐਲਾਨ ਕੀਤਾ ਗਿਆ ਹੈ।

ਇਸ ਤੋਂ ਇਲਾਵਾ ਬੀਸੀਸੀਆਈ ਨੇ ਪੁਰਸ਼ ਹਾਕੀ ਟੀਮ ਲਈ 1.25 ਕਰੋੜ ਰੁਪਏ ਦਾ ਐਲਾਨ ਕੀਤਾ ਹੈ।

ਐਥਲੀਟ ਪੀਟੀ ਊਸ਼ਾ ਨੇ ਟਵੀਟ ਕਰਦਿਆਂ ਲਿਖਿਆ, "ਇੰਝ ਲੱਗ ਰਿਹਾ ਹੈ ਕਿ 37 ਸਾਲਾ ਬਾਅਦ ਮੇਰੇ ਅਧੂਰੇ ਸੁਪਨੇ ਨੂੰ ਸਾਕਾਰ ਕੀਤਾ ਹੈ। ਧੰਨਵਾਦ ਮੇਰੇ ਪੁੱਤਰ।"

ਐਥਲੀਟ ਮੈਰੀ ਕੌਮ ਨੇ ਵੀ ਟਵੀਟ ਕਰ ਕੇ ਨੀਰਜ ਚੋਪੜਾ ਨੂੰ ਵਧਾਈ ਦਿੱਤੀ।

ਨੀਰਜ ਦੇ ਪਿਤਾ ਨੇ ਕਿਹਾ, “ਮੈਨੂੰ ਖੁਸ਼ੀ ਹੈ ਕਿ ਦੇਸ਼ ਦੇ ਸੁਪਨਾ ਮੇਰੇ ਪੁੱਤਰ ਦੀਆਂ ਕੋਸ਼ਿਸ਼ਾਂ ਸਦਕਾ ਪੂਰਾ ਹੋ ਸਕਿਆ। ਉਸ ਦੇ ਸਿਖਲਾਈ ਦੇ ਪੱਧਰ ਨੂੰ ਦੇਖਦਿਆਂ ਅਸੀਂ ਮੈਡਲ ਦੀ ਆਸ ਰੱਖ ਕੇ ਬੈਠੇ ਸੀ।"

ਸਾਬਕਾ ਕ੍ਰਿਕੇਟਰ ਸਚਿਨ ਤੇਂਦੁਲਕਰ ਨੇ ਟਵੀਟ ਕਰਦਿਆਂ ਕਿਹਾ, "ਨੀਰਜ ਨੇ ਜੈਵੇਲਿਨ ਨੂੰ ਪਹੁੰਚਾਇਆ ਸੂਰਜ ਤੱਕ, ਤੁਹਾਡੇ ਨੇਜ਼ੇ ਨੇ ਭਾਰਤ ਦੇ ਤਿੰਰਗਾ ਲਹਿਰਾਇਆ ਹੈ ਅਤੇ ਹਰੇਕ ਭਾਰਤੀ ਦੇ ਮਾਣ ਨਾਲ ਲਹਿਰਾਇਆ ਹੈ।"

ਇਹ ਵੀ ਪੜ੍ਹੋ:

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)