ਸਿਰਸਾ: ਸੀਵਰੇਜ ’ਚ ਡਿੱਗੇ ਨੌਜਵਾਨ ਦੇ ਰੈਸਕਿਉ ਲਈ 5ਵੇਂ ਦਿਨ ਮੰਗਵਾਈ ਗਈ ਰੋਬੋਟਿਕ ਮਸ਼ੀਨ ਕਿਵੇਂ ਕੰਮ ਕਰੇਗੀ

ਸਿਰਸਾ ਦੇ ਨਟਾਰਾ ਪਿੰਡ ਵਿੱਚ ਡਿੱਗੇ ਕਿਸਾਨ ਦੀ ਪੰਜਵੇਂ ਦਿਨ ਵੀ ਭਾਲ ਜਾਰੀ ਹੈ। ਐੱਨਡੀਆਰਐੱਫ ਦੀਆਂ ਟੀਮਾਂ ਲੱਗੀਆਂ ਹੋਈਆਂ ਹਨ। ਹੁਣ ਰੋਬੋਟ ਮਸ਼ੀਨ ਰਾਹੀਂ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।

ਐਨਡੀਆਰਐਫ ਦੀ ਟੀਮ ਵੱਲੋਂ ਹੁਣ ਜਿੱਥੇ 12 ਅਗਸਤ ਦੀ ਸ਼ਾਮ ਨੂੰ ਕਿਸਾਨ ਸੀਵਰ 'ਚ ਡਿੱਗੇ ਸਨ, ਉਥੋਂ ਭਾਲ ਦੁਬਾਰਾ ਤੋਂ ਸ਼ੁਰੂ ਕਰਨ ਦੀ ਵਿਓਂਤ ਬਣਾ ਰਹੀ ਹੈ।

ਸਿਰਸਾ ਦੇ ਪਿੰਡ ਨਟਾਰ ਵਿੱਚ ਦੋ ਨੌਜਵਾਨ 12 ਅਗਸਤ ਨੂੰ ਉਸ ਵੇਲੇ ਸੀਵਰੇਜ ਵਿੱਚ ਡਿੱਗ ਗਏ ਜਦੋਂ ਉਹ ਖੇਤ ਨੂੰ ਪਾਣੀ ਲਾ ਰਹੇ ਸਨ। ਪਿੰਡਵਾਸੀਆਂ ਮੁਤਾਬਕ ਸੀਵਰੇਜ ਦਾ ਢੱਕਣ ਖੁੱਲ੍ਹਦਿਆਂ ਹੀ ਉਹ ਬੇਹੋਸ਼ ਹੋ ਗਏ ਸਨ।

ਇੱਕ ਨੌਜਵਾਨ ਜਿਸ ਨੂੰ ਕੱਢ ਲਿਆ ਗਿਆ ਸੀ, ਉਸ ਦੀ ਅੱਜ ਮੌਤ ਹੋ ਗਈ ਹੈ। ਇਹ ਨੌਜਵਾਨ ਪੂਰਨ ਚੰਦ ਹਸਪਤਾਲ ਵਿੱਚ ਦਾਖਲ ਸੀ।

ਇਸ ਮਾਮਲੇ ਵਿੱਚ ਕਦੋਂ ਕੀ ਹੋਇਆ

ਕਿਵੇਂ ਕੰਮ ਕਰ ਰਹੀ ਰੋਬੋਟ ਮਸ਼ੀਨ

ਸਿਰਸਾ ਦੇ ਤਹਿਸੀਲਦਾਰ ਸ਼੍ਰੀਨਿਵਾਸਨ ਨੇ ਦੱਸਿਆ ਕਿ ਇਸ ਰੋਬੋਟਿਕ ਮਸ਼ੀਨ ਦਾ ਮੁੱਖ ਕੰਮ ਸੀਵਰੇਜ ਨੂੰ ਸਾਫ਼ ਕਰਨਾ ਹੈ।

ਉਨ੍ਹਾਂ ਅੱਗੇ ਦੱਸਿਆ, ''ਇਹ ਮਸ਼ੀਨ ਸੀਵਰੇਜ ਦੇ ਅੰਦਰ ਗਾਦ ਅਤੇ ਹੋਰ ਚੀਜ਼ਾਂ ਨੂੰ ਸਾਫ ਕਰੇਗੀ ਤੇ ਨਾਲ ਫੋਟੋਆਂ ਵੀ ਭੇਜਦੀ ਰਹੇਗੀ।''

''ਇਸ ਮਸ਼ੀਨ ਦੇ ਕੈਮਰੇ ਵਾਟਰ ਪਰੂਫ਼ ਹਨ। ਤਹਿਸੀਲਦਾਰ ਮੁਤਾਬਕ ਇੱਕ ਕੈਮਰੇ ਨੂੰ ਲੰਬੀ ਤਾਰ ਰਹੀਂ ਅੰਦਰ ਦੀਆਂ ਤਸਵੀਰਾਂ ਲੈਣ ਲਈ ਵਰਤੋਂ ਵਿੱਚ ਲਿਆਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।''

ਨੌਜਵਾਨ ਨੂੰ ਕੱਢਣ ਲਈ ਰਾਹਤ ਕਾਰਜ ਜਾਰੀ

ਦਰਅਸਲ ਦੋਵੇਂ ਨੌਜਵਾਨ ਆਪਣੇ ਖੇਤ ਨੂੰ ਪਾਣੀ ਲਾ ਰਹੇ ਸਨ। ਪਾਣੀ ਅਚਾਨਕ ਬੰਦ ਹੋਇਆ ਤਾਂ ਦੇਖਣ ਲਈ ਸੀਵਰੇਜ ਦਾ ਢੱਕਣ ਖੋਲ੍ਹਿਆ ਜਿਸ ਤੋਂ ਬਾਅਦ ਇੱਕ ਨੌਜਵਾਨ ਬੇਹੋਸ਼ ਹੋ ਗਿਆ ਅਤੇ ਸੀਵਰੇਜ ਵਿੱਚ ਡਿੱਗ ਗਿਆ।

ਤਹਿਸੀਲਦਾਰ ਸ਼੍ਰੀਨਿਵਸ ਨੇ ਦੱਸਿਆ, "ਦੋ ਨੌਜਵਾਨ ਸੀਵਰੇਜ ਵਿੱਚ ਡਿੱਗੇ ਸਨ ਜਿਸ ਦੀ ਸੂਚਨਾ ਮਿਲਣ ਤੋਂ ਬਾਅਦ ਪ੍ਰਸ਼ਾਸਨਿਕ ਅਧਿਕਾਰੀ ਮੌਕੇ 'ਤੇ ਪਹੁੰਚੇ ਅਤੇ ਰਾਹਤ ਕਾਰਜ ਸ਼ੁਰੂ ਕੀਤਾ। ਇੱਕ ਨੌਜਵਾਨ ਜਦੋਂ ਸੀਵਰੇਜ ਵਿੱਚ ਡਿੱਗਿਆ ਤਾਂ ਦੂਜਾ ਉਸ ਨੂੰ ਬਚਾਉਣ ਦੇ ਚੱਕਰ ਵਿੱਚ ਅੰਦਰ ਚਲਾ ਗਿਆ। ਇੱਕ ਨੌਜਵਾਨ ਨੂੰ ਬਾਹਰ ਕੱਢ ਲਿਆ ਗਿਆ ਹੈ, ਜਦੋਂਕਿ ਦੂਜੇ ਨੂੰ ਬਾਹਰ ਕੱਢਣ ਦੀ ਕੋਸ਼ਿਸ਼ ਜਾਰੀ ਹੈ।"

ਮੌਕੇ 'ਤੇ ਪੁਲਿਸ, ਪ੍ਰਸ਼ਾਸਨ ਅਤੇ ਐੱਨਡੀਆਰਐੱਫ ਦੇ ਅਧਿਕਾਰੀ ਮੌਜੂਦ ਹਨ ਅਤੇ ਪਿੰਡਵਾਸੀ ਵੀ ਰਾਹਤ ਕਾਰਜ ਵਿੱਚ ਮਦਦ ਕਰ ਰਹੇ ਹਨ।

ਸਿਰਸਾ ਦੇ ਡੀਸੀ ਆਰਸੀ ਬਿਢਾਨ ਨੇ ਵੀ ਦੱਸਿਆ ਕਿ ਸੀਵਰੇਜ ਲਾਈਨ ਵਿੱਚੋਂ ਪਾਣੀ ਕੱਢਣ ਲਈ ਦੋਹਾਂ ਨੇ ਢੱਕਣ ਖੋਲ੍ਹਿਆ ਸੀ ਤੇ ਉਸ ਵਿੱਚ ਡਿੱਗ ਗਏ। ਹੁਣ ਦੂਜੇ ਨੌਜਵਾਨ ਨੂੰ ਕੱਢਣ ਦੀ ਕੋਸ਼ਿਸ਼ ਹੋ ਰਹੀ ਹੈ।

ਇਹ ਵੀ ਪੜ੍ਹੋ:

ਇਹ ਵੀਡੀਓ ਵੀ ਦੇਖੋ

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)