You’re viewing a text-only version of this website that uses less data. View the main version of the website including all images and videos.
ਕੁੰਭ ਮੇਲਾ 2019: ਤਿਆਰੀਆਂ ਯੋਗੀ ਸਰਕਾਰ ਦੀਆਂ ਪਰ ਫੋਟੋ ਹੱਜ ਦੀ
ਰਾਸ਼ਟਰਵਾਦੀ ਸਰਕਾਰ ਬਣਾਉਣ ਦਾ ਲਾਭ ਗਿਣਾਉਂਦਿਆਂ ਕਈ ਕੱਟੜ ਹਿੰਦੂ ਰੁਝਾਨ ਵਾਲੇ ਫੇਸਬੁੱਕ ਅਤੇ ਟਵਿੱਟਰ ਵਰਤਣ ਵਾਲਿਆਂ ਨੇ ਪਿਛਲੇ ਸਾਲ ਇੱਕ ਤਸਵੀਰ ਪੋਸਟ ਕੀਤੀ ਸੀ ਜੋ ਇੱਕ ਵਾਰ ਸੋਸ਼ਲ ਮੀਡੀਆ 'ਤੇ ਗਸ਼ਤ ਕਰ ਰਹੀ ਹੈ।
ਕੁਝ ਲੋਕਾਂ ਨੇ ਇਸ ਤਸਵੀਰ ਨੂੰ ਯੋਗੀ ਸਰਕਾਰ ਦੀ ਵੱਲੋਂ ਕੁੰਭ ਮੇਲੇ ਦੀ ਤਿਆਰੀ ਦਾ ਨਜ਼ਾਰਾ ਕਿਹਾ ਹੈ।
ਕੁਝ ਲੋਕਾਂ ਨੇ ਲਿਖਿਆ ਹੈ ਕਿ ਇਹ ਤਸਵੀਰ ਸਾਊਦੀ ਅਰਬ ਦੀ ਨਹੀਂ ਹੈ ਸਗੋ ਕੁੰਭ ਮੇਲੇ ਦੀ ਹੈ ਅਤੇ ਮੇਲੇ ਲਈ ਯੋਗੀ ਸਰਕਾਰ ਵੱਲੋਂ ਕੀਤੀਆਂ ਜਾ ਰਹੀਆਂ ਤਿਆਰੀਆਂ ਦਾ ਨਜ਼ਾਰਾ ਹੈ।
ਇਹ ਸਾਰੇ ਦਾਅਵੇ ਝੂਠੇ ਹਨ। ਬੀਬੀਸੀ ਨੇ ਪਿਛਲੇ ਮਹੀਨੇ ਇਸ ਤਸਵੀਰ ਦੀ ਪੜਤਾਲ ਕੀਤੀ ਸੀ।
ਅਸਲ ਵਿੱਚ ਇਹ ਤਸਵੀਰ ਹੱਜ (ਮੱਕਾ-ਮਦੀਨਾ) ਦੇ ਸਮੇਂ ਦੀ ਹੈ।
ਅਗਸਤ 2018 ਵਿੱਚ ਇਸ ਤਸਵੀਰ ਨੂੰ ਸਾਊਦੀ ਅਰਬ ਦੇ ਕੁਝ ਮੀਡੀਆ ਘਰਾਣਿਆਂ ਨੇ ਵੀ ਛਾਪਿਆ ਸੀ।
ਜਿਸ ਥਾਂ ਦੀ ਇਹ ਤਸਵੀਰ ਹੈ, ਉਸ ਨੂੰ ਮੀਨਾ ਵੈਲੀ ਕਹਿੰਦੇ ਹਨ, ਜਿਸ ਨੂੰ 'ਟੈਂਟ ਸਿਟੀ' ਜਾਂ ਤੰਬੂਆਂ ਦਾ ਸ਼ਹਿਰ ਵੀ ਕਿਹਾ ਜਾਂਦਾ ਹੈ।
ਇਸ ਤੋਂ ਇਲਾਵਾ ਜਿਹੜੇ ਪੁਲ ਦੇ ਆਸੇ-ਪਾਸੇ ਇਹ ਸਾਰਾ ਇਕੱਠ ਨਜ਼ਰ ਆ ਰਿਹਾ ਹੈ, ਉਸ ਦਾ ਨਾਮ- ਕਿੰਗ ਖ਼ਾਲਿਦ ਬ੍ਰਿਜ ਹੈ।
