ਨਿਉਯਾਰਕ ਟਾਇਮਜ਼ ਵਿੱਚ ਬਾਦਲਾਂ ਦੇ 'ਸੁੱਖਵਿਲਾ' ਦੀ ਚਰਚਾ ਕਿਉਂ?
ਤਸਵੀਰ ਸਰੋਤ, BBC/Ajay Jalandhri
ਪੰਜਾਬ ਦੀ ਰਾਜਧਾਨੀ ਚੰਡੀਗੜ੍ਹ ਇੱਕ ਵਾਰ ਮੁੜ ਆਪਣੀ ਖ਼ੂਬਸੂਰਤੀ ਲਈ ਚਰਚਾ ਦਾ ਕੇਂਦਰ ਬਣੀ ਹੈ।
ਇਸ ਦਾ ਸ਼ੁਮਾਰ ਸੰਸਾਰ ਦੇ ਉਨ੍ਹਾਂ 52 ਸ਼ਹਿਰਾਂ ਵਿਚ ਕੀਤਾ ਗਿਆ ਹੈ, ਜਿੱਥੇ 2018 ਦੌਰਾਨ ਸੈਰ-ਸਪਾਟੇ ਦੇ ਸ਼ੌਕੀਨਾਂ ਨੂੰ ਜਾਣ ਦੀ ਸਲਾਹ ਦਿੱਤੀ ਗਈ ਹੈ।
ਤਸਵੀਰ ਸਰੋਤ, BBC/Ajay Jalandhary
ਅਮਰੀਕੀ ਅਖ਼ਬਾਰ ਨਿਉਯਾਰਕ ਟਾਇਮਜ਼ ਵਲੋਂ ਤਿਆਰ ਕੀਤੀ ਗਈ 52 ਸ਼ਹਿਰਾਂ ਦੀ ਸੂਚੀ ਵਿੱਚ, ਚੰਡੀਗੜ 43ਵੀਂ ਥਾਂ ਉੱਤੇ ਰੱਖਿਆ ਗਿਆ ਹੈ।
ਇਸ ਸੂਚੀ ਵਿੱਚ ਚੰਡੀਗੜ੍ਹ ਭਾਰਤ ਦਾ ਇੱਕੋ ਇੱਕ ਸ਼ਹਿਰ ਹੈ।
ਤਸਵੀਰ ਸਰੋਤ, BBC/Ajay Jalandhari
ਚੰਡੀਗੜ੍ਹ ਦੀ ਹਰਿਆਵਲ ਅਤੇ ਇਮਾਰਤਸ਼ਾਜੀ ਦੀ ਸਿਫ਼ਤ ਕਰਦਿਆਂ ਅਖ਼ਬਾਰ ਨੇ ਲਿਖਿਆ ਹੈ ਕਿ ਇਹ ਸ਼ਹਿਰ ਬਹੁਤਾ ਕਰਕੇ ਸੈਲਾਨੀਆਂ ਦੇ ਰਡਾਰ ਉੱਤੇ ਨਹੀਂ ਰਹਿੰਦਾ।
ਪਰ ਇਹ ਸ਼ਹਿਰ 2016 ਵਿੱਚ ਯੂਨੇਸਕੋ ਵਲੋਂ ਵਰਲਡ ਹੈਰੀਟੇਜ ਸਾਇਟ ਐਲਾਨਿਆ ਗਿਆ ਸੀ।
ਤਸਵੀਰ ਸਰੋਤ, BBC/Ajay Jalandhary
ਇਸ ਖ਼ਬਰ ਦਾ ਇੱਕ ਨੁਕਤਾ ਇਹ ਵੀ ਹੈ ਕਿ ਨਿਊਯਾਰਕ ਟਾਇਮਜ਼ ਨੇ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਦੇ ਹੋਟਲ ਓਬਰਾਏ ਸੁੱਖਵਿਲ਼ਾ ਦਾ ਖ਼ਾਸਤੌਰ ਉੱਤੇ ਜ਼ਿਕਰ ਕੀਤਾ ਹੈ।
ਤਸਵੀਰ ਸਰੋਤ, BBC/ Ajay Jalandhary
ਇਸ ਹੋਟਲ ਦੇ ਆਲੇ-ਦੁਆਲੇ ਦੇ 8 ਹਜ਼ਾਰ ਏਕੜ ਦੇ ਜੰਗਲ ਦੀ ਗੱਲ ਕੀਤੀ ਹੈ ਅਤੇ ਹੋਟਲ ਦੀਆਂ ਮਹਿੰਗੀਆਂ ਤੇ ਸ਼ਾਹੀਆਨਾ ਸੁਵਿਧਾਵਾਂ ਦਾ ਜ਼ਿਕਰ ਵੀ ਕੀਤਾ ਹੈ।
ਤਸਵੀਰ ਸਰੋਤ, BBC/Ajay Jalandhary
ਸੋਹਣੀਆਂ ਰਮਣੀਕ ਥਾਵਾਂ ਦੀ ਇਸ ਸੂਚੀ ਵਿੱਚ ਸਭ ਤੋਂ ਪਹਿਲਾ ਸਥਾਨ ਲੁਜ਼ੀਆਨਾ ਦੇ ਨਿਊ ਔਰਲੀਨਜ਼ ਤੇ ਆਖ਼ਰੀ ਥਾਂ ਲਾਓਸ ਦੇ ਲੌਂਗ ਪ੍ਰਾਬੈਂਗ ਖੇਤਰ ਨੂੰ ਦਿੱਤੀ ਗਈ ਹੈ।
