Dangote wan drop money to repair Moshood Abiola National Stadium
Wia dis foto come from, Getty Images
Minister of Youths and Sports Development, for Nigeria Sunday Dare, say Africa richest man Aliko Dangote godo collabo wit goment to repair di Moshood Abiola National Stadium for Abuja, di kontri capital.
Di $360m stadium wey be di official home for Nigeria national sport teams don turn to something else, 16 years afta dem launch am for 2003.
For inside tweet oga Dare thank oga Dangote and im company say dem "partner" with im ministry to repair di field and score board.
Wia dis foto come from, STEPHANE DE SAKUTIN
Local tori pipo, The Cable also report on Friday say oga Dare follow journalists tok say repair work go start in one or two weeks time.
On 12 June 2019, President Muhammadu Buhari officially add 'Moshood Abiola' to di name 'National Stadium' to take honour di late political big man and former presidential candidate wey pipo believe say win di 1993 elections.
Wia dis foto come from, Apple Maps/Getty Images
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post
Wen Nigeria use di national stadium take host di Fifa U-17 World Cup for 2009, di grass ontop di field still green well-well and facility dey work. But today, na di opposite.
Many of di stadiums for di kontri, like many goment structures, no dey get regular maintenance and dis na wetin fit don make di stadium bad well well.
Wia dis foto come from, Getty Images
